Bossy

အောက်ပါအချက်လေးတွေ လုပ်ဆောင်ပေးခြင်းအားဖြင့်လည်း ဝက်ခြံထွက်နှုန်းလျော့ချစေပါတယ်နော်။

💖
*) မျက်နှာကောင်းကောင်းသစ်ပါ

-* ဝက်ခြံမထွက်စေဖို့ နေ့တိုင်း မျက်နှာပေါ်က အညစ်အကြေး၊ အဆီနှင့် ချွေးများကို ဖယ်ရှားပေးဖို့က အရေးကြီးပါတယ်။ တစ်နေ့ကို နှစ်ကြိမ်ထက် ပိုပြီးသစ်ခြင်းကလည်း ဝက်ခြံကို ပိုဆိုးလာစေနိုင်ပါတယ်။
အယ်ကိုဟောမပါသည့် မျက်နှာသစ်ဆေးကို အသုံးပြုပါ။

💖
*) ကိုယ့်မျက်နှာအသားရေကို သိအောင်လုပ်ပါ

*- ဘယ်အသားရေမဆို ဝက်ခြံထွက်နိုင်ပါတယ်။ အဆီပြန်တဲ့အသားရေပိုင်ရှင်များက ဝက်ခြံအထွက်များဆုံးဖြစ်ပါတယ်။
ဝက်ခြံဖြစ်စေနိုင်တဲ့ နောက်ထပ် အသားရေပုံစံမျိုးက ပေါင်းစပ်အသားရေဖြစ်ပါတယ်။ ပေါင်းစပ်အသားရေက တစ်ချို့နေရာမှ အသားရေခြောက်သွေ့ပြီး နဖူး၊ နှာခေါင်းနဲ့ မေးစေ့တို့မှာ အဆီပြန်ပါတယ်။

💖
*) အသားရေကို အစိုဓာတ်ဖြည့်တင်းပါ

*-အစိုဓာတ်ဖြည့်ပေးခြင်းက အသားရေကိုခြောက်သွေ့မှုမရှိစေဘဲ စိုစိုအိအိလေးဖြစ်စေပါတယ်။ အသားရေအစိုဓာတ်ပြည့်ဝရင် ဝက်ခြံဖြစ်မှုလျော့နည်းစေပါတယ်။ ဂျယ်လ် Type လေးတွေအသုံးပြုပေးရင် ပိုကောင်းပါတယ်ရှင့်။

💖
*) ရေဓာတ်ဖြည့်တင်းပါ

*- ရေဓာတ်ခန်းခြောက်နေလျှင် ခန္ဓာကိုယ်က အဆီတွေ ပိုထုတ်လုပ်နိုင်စေဖို့ အဆီဂလင်းတွေကို အချက်ပြပါတယ်။ ရေဓာတ်ခန်းခြောက်ခြင်းက အသားအရေကို ခြောက်သွေ့စေပြီး အနီစက်တွေ ပိုများလာစေနိုင်ပါတယ်။ ခန္ဓာကိုယ်ရေဓာတ်ဖြည့်တင်းဖို့ နေ့စဉ် ရေ (၈) ခွက် သောက်သုံးပေးသင့်ပါတယ်။ လေ့ကျင့်ခန်းလုပ်ပြီးလျှင် ရေပိုသောက်ပေးပါ။

💖
*) နို့ထွက် ပစ္စည်း ၊ အငန် ၊ အစပ် ရှောင်ပေးပါ

*- အသင့်စားအစားအသောက်တွေက ဝက်ခြံထွက်စေပါတယ်။ အာလူးကြော်၊ ဂျုံနှင့်ဖုတ်ထားသည့် မုန့်များနှင့် အချိုရည်များက သကြားဓာတ်မြင့်မားစေပြီး အာဟာရဓာတ်ကို လျော့ကျသွားစေနိုင်ပါတယ်။ နို့ထွက်ပစ္စည်းတွေကို စားသုံးခြင်းကလည်း ဝက်ခြံထွက်စေနိုင်ပါတယ်။