ILearn

Computer Science မှာဘာတွေသင်လဲ? ဘယ်သူတွေ Computer Science ယူသင့်လဲ?

IGCSE O level computer Science မှာ
1. Theory
2. Practical ပိုင်း ဆိုပြီး နှစ်မျိုးရှိပါတယ်။

1.Theory ပိုင်းမှာတော့ Computer နဲ့ပတ်သတ်လို့ သိသင့် သိထိုက်တဲ့ အခြေခံလေးတွေပါ ပါတယ်။ ဥပမာ computer မှာသုံးတဲ့ numbering system (binary, decimal, hexa), computer ရဲ hardware အကြောင်းတွေ၊ communication န‌ဲ့ပတ်သတ်တဲ့ network အကြောင်းတွေ ၊ security နဲ့ ပတ်သတ်တာတွေ အစရှိသဖြင့် အခြေခံ theory တွေ သင်ပါတယ်။

2. Practical
Practical ပိုင်းမှာတော့ programming language တစ်ခုခု (python, java, c #) သင်ပါတယ်။
Coding ကိုသင်တယ်ဆိုတာ program တွေရေးဖို့၊ software တွေကို create လုပ်ဖို့ ဖြစ်ပါတယ်။
နှစ်ထပ် RC အိမ်တစ်လုံး ဆောက်ချင်တယ်ဆိုရင် ချက်ချင်းထပြီး မြေကြီးတူး အုတ်တွေစီပြီး ဆောက်လို့ မရပါဘူး။ အဆောက်အဦး အကျယ်ကို ဘယ်လောက်ထားမယ်၊ အခန်းတွေကို ဘယ်လိုဖွဲ့မယ်၊ အဆာက်အဦးပုံစံဘယ်လို လိုချင်တယ် စသည့်ဖြင့် အသေးစိတ် design ဆွဲပြီးတော့ ဆောက်လုပ်မှ ကိုယ်လိုချင်တဲ့ အိမ်တစ်လုံးကို ရတာဖြစ်ပါတယ်။
Coding ရေးတဲ့ နေရာမှာလည်း program သေးသေးလေးတွေရေးသည်ဖြစ်စေ၊ software တွေ develop လုပ်သည်ဖြစ်စေ problems က ဘာလဲ? computer ကို ဘယ်လို problems တွေကို instruction ပေးပြီး‌ေစခိုင်းချင်တာလဲ ဆိုတဲ့ problems တွေကို define လုပ်မယ်၊ problem analysis တွေလုပ်မယ်၊ ပြီးရင် problems ကို ဖြေရှင်းနိုင်ဖို့ design (flowchart ၊ pseudocode) ဆွဲမယ် development လုပ်မယ်၊ ပြီးရင်တော့ coding ရေးမယ် implement လုပ်မယ်။
အဲတော့ programming language တစ်ခုကို သင်မယ်ဆိုရင် အဲဒီ language ရဲ syntax (rules) တွေကို သင်ရတယ်။ ဘယ်နေရာမှာတော့ selection ကို သုံးရမယ်၊ ဘယ်နေရာမှာ iteration ကိုသုံးရမယ်အစရှိသဖြင့် basic construct ကိုသင်ရမယ်၊ ပြီးရင် problem တစ်ခုကို ဘယ် စဉ်းစားတွေခေါ်ပြီးဖြေရှင်းရမယ် ဆိုတဲ့ logical thinking တွေ computional thinking တွေကို သင်ရပါမယ်။

🔴 ဆိုတော့ IGCSE Computer Science (CIE, Edexcel) ဆိုတာ memorise လုပ်လို့ ရတဲ့ ဘာသာရပ်မျိုးမဟုတ်ပါဘူး။ Computional thinking ကိုသင်တာဖြစ်ပါတယ်။
🔴 ဘယ်သူတွေဒီဘာသာရပ် ကိုယူသင့်လဲ ဆိုတော့ IT ဘက်ကို သွားချင်တဲ့ သူတွေ၊ thinking လုပ်ရတာ ကြိုက်တဲ့သူတွေ၊ ICT ကိုငယ်ငယ်ထဲက train လာတဲ့သူတွေ ယူသင့်ပါတယ်။
🔴စဉ်းစားရတာမကြိုက်ဘူး ၊ computer ရှေ့ထိုင်ပြီး coding ရေးရတာမကြိုက်ဘူးဆိုတဲ့ သူတွေအတွက် မိဘကတိုက်တွန်းလို့ဖြစ်စေ၊ အခြားအကြောင်းကြောင့်ဖြစ်စေ CS ယူပြီး IT ဘက်ကိုမလိုက်သင့်ပါဘူး။
🔴ကိုယ်သွားမယ့် လမ်းကြောင်းကို ကိုယ်ဝါသနာ၊ ကိုယ့်ရဲ့အားသာချက်နဲ့ ကိုက်ညီတာ ရွေးချယ်နိုင်ကြပါစေ။
Dr Soe Moe@iLearn

🚕🚗 Is a modern car today a digital device?