Noble Home Care Nursing Service

🧑🏻‍🤝‍🧑🏻 Premarriage medical checkup
လက်မထပ်မှီ ကျန်းမာရေးစစ်ဆေးခြင်း

ချစ်သူရည်စား👨‍❤️‍👨👨‍❤️‍👨 စုံတွဲတိုင်းရဲ့ အိမ်မက်( couple goal) တစ်ခုကတော့ အနာဂတ်မှာ အရာရာပြီးပြည့်စုံပြီး ပျော်ရွင်တဲ့ မိသားစုဘဝလေး👨🏻‍👩🏻‍👧🏻 တည်ဆောက်ဖို့ ပဲဖြစ်ပါတယ်

လက်မထပ်ခင်👫🏻 ကြိုတင်စီစဉ်မှုတွေ ထဲမှာ အခုနောက်ပိုင်း prewedding photo တွေ ရိုက်ကြတာ ခမ်းနားတဲ့ အခမ်းအနား ပြင်ဆင်မှု တွေနဲ မဂ်လာပွဲ ကျင်းပတာ တွေပြုလုပ်ကာ ပြီးပြည့်စုံတဲ့ လက်ထပ်ထိမ်းမြားမှု ဖြစ်စေချင်ကြတာပါ

အမျိူးမျိူးသော wedding plan တွေ လုပ်ရင်း စုံတွဲဇနီးမောင်နှံတွေ အနေနဲ့ မဖြစ်မနေ လုပ်သင့်တဲ့ plan တစ်ခုကတော့ အများစုသော စုံတွဲတွေ မေ့လျော့နေတတ်ပါတယ်

🔬အဲ့တာကတော့🧑🏻‍🤝‍🧑🏻 premarital medical checkup လို့ခေါ်တဲ့ လက်မထပ်မှီ ကျန်းမာရေးစစ်ဆေးခြင်းပဲ ဖြစ်ပါတယ်

နိုင်ငံတကာမှာတော့ လက်မထပ်မှီကျန်းမာရေး စစ်ဆေးတာတွေပြုလုပ်နေခဲ့တာ culture တစ်ခုလိုဖြစ်နေပါပြီ

လက်မထပ်မှီ🔬 ကျန်းမာရေး စစ်ဆေးထားခြင်းဖြင့် သတို့သား သတို့သမီး တို့ အနေနဲ့ မလိုလား အပ်တဲ့ကျန်းမာရေး ပြသနာတွေ ရှောင်ရှားနိုင်ပါတယ်

ဇနီးမောင်နှံဖြစ်လာပြီး👩‍❤️‍💋‍👩 နောက်မှာ လိင်မှု ​ရေးရာ ကလည်း ပျော်ရွှင်တဲ့ ခရီးလမ်းကိုလျှောက်လှမ်းဖို့ တစ်ခုအပါဝင်ဖြစ်ပါတယ်

ကြိုတင်ကျန်းမာရေးစစ်ဆေးထား☢ ခြင်းဖြင့် လိင်မှကူးစက်တတ်တဲ့ ရောဂါတွေ မဖြစ်ပွားအောင် ကြိုတင်ရှောင်ရှားနိုင်မှာ ဖြစ်ပါတယ်

​ကျန်းမာပျော်ရွှင်တဲ့👨🏻‍👩🏻‍👧🏻 အနာဂတ်မိသားစုဘဝလေး ပိုင်ဆိုင်ထားနိုင်ဖို့ ကျန်းမာရေးစောင့်ရှောက်မှုရှိမှသာ ရရှိနိုင်မှာဖြစ်ပါတယ်

ဇနီးမောင်နှံတို့ရဲ့ wedding plan မှာ တစ်စိတ်တပိုင်းအနေနဲ့ ပါဝင်ကူညီပေးဖို့ ကျနော်တို့ Noble Home Care Nursing Service က အသင့်ရှိနေပါတယ်

လူကြီးမင်းတို့ premarital medical up ပြုလုပ်ချင်များအတွက် hotline 09 754670467 ကနေ ကြိုတင်ဆက်သွယ်စာရင်းပေးသွင်းထားနိုင်ပါတယ်

မိန်းကလေးတွေ_ရွဲ့ပြောတတ်တဲ့
စကားအတည့်လေးတွေ


#လာမခေါ်နဲ့!

အဲတာခေါ်ခိုင်းတာ
မခေါ်ပဲနေကြည့် သေအောင်စိတ်ဆိုးတယ်😐

#အေးးးရတယ်လေ!

အဲတာ မရဘူးးး ကြည့်နေ
ငါပြဿ နာ ရှာပြမယ် အဲ့လို 😐

#ပြီးတာပဲ!

အဲ့တာ မပြီးဘူး မကျေနပ်လို့ပြောတာ
ခဏနေ သူပြန်ရွဲ့တော့မှာ 😐

#ဘာတစ်ခွန်းမှလာမပြောနဲ့!

အဲ့တာကောက်သွားတာ
အမြှုပ်ထွက်အောင် သွားရှင်းပြ
ပြောနိုင်မှတော်ကာကျမှာ 😐

#ကြိုက်တာသာလုပ်!

ဘာမှသွားမလုပ်နဲ့
အဲ့တာသူ ပြဿနာရှာဖို့အဆင်သင့်ပဲဆိုတဲ့သဘော😐

#ငါ့ကို_အဖက်လာမလုပ်နဲ့!

ပစ်ထားတာများသွားပြီ
သေချာပြန်ဂရုစိုက်ပေး ဆိုတဲ့သဘော
အနီရောင်အဆင့် ရှော့ရှိတယ်😐

#နင်ဘာလုပ်လုပ်_ငါဂရုမစိုက်ဘူး!

အဲ့တာ သူဂရုစိုက်တယ်
တော်တော်စိုက်တာ
မျက်စိထောက်ထောက်ကြည့်နေတာ
တစ်ချက်မမှားနဲ့ရစ်ပလိုက်လို့နားကားသွားမယ်

#နင့်သဘောနဲ့နင် !

အဲ့တာသူ့ဆီအရင်ခွင့်တောင်းခိုင်းတာ
ဘယ်နေရာလဲ ဘာကိစ္စလဲ ဘယ်သူနဲ့လဲ $?&?
အဲ့လို မေးခွန်းပေါင်းများစွာ မေးပီး
အစစ်ဆေးလာခံခိုင်းတာ😐

#ကောင်းပီလေ!

မကောင်းဘူး တော်တော်မကောင်းတာ
ပြဿနာစဖို့အစပျိုးတာ😐

#အော်__အဲ့လိုလားးး!

သွါးပီ အဲ့တာရွဲ့ပီ စောင်းပီ
ဘုဂလန့်လုပ်ပီ စိတ်ဒုက္ခပေးပီ😐

#ကြည့်မရဘူး!

အမှန်ကကြည့်မဝတာ😐

#နင့်ရုပ်လဲမမြင်ချင်ဘူး!

အဲ့လိုပြောရင် သွားတွေ့လိုက်😐

#နင့်အသံလဲမကြားချင်ဘူး!

ဖုန်းလေးတော့ ဆက်လိုက်
သူချည်းဒိုင်ခံပြောလိမ့်မယ်😐

#မုန်းတယ်_သလား!

ချစ်လို့ပြောတာ 😐

#အဲ့တာတွေကရွဲ့တာမဟုတ်ဘူး_မှတ်ထား ...!!
#အရမ်းချစ်လို့

Monkeypox (မျောက်ကျောက်ရောဂါအကြောင်း)

ဥရောပ ၊ အမေရိကနှင့် သြစတြေးလျတို့၌ Monkey pox ဗိုင်းရပ်စ်တစ်မျိုး ကူးစက်ပြန့်ပွားနေကြောင်း ကမ္ဘာ့ကျန်းမာရေးအဖွဲ့ကြီး WHOက သတိပေးထုတ်ပြန်ထားသည်။
29/4/2022 နေ့တွင် နိုင်ဂျီးရီးယားနိုင်ငံသို့ သွားရောက်ကာ 4/5/2022 ရက်တွင် ဗြိတိန်သို့ ပြန်လာခဲ့သည့် ဗြိတိန်နေထိုင်သူတစ်ဦးမှ စတင်၍ မျောက်ကျောက်ရောဂါလက္ခဏာများ ဖြစ်ပွားနေကြောင်း 6/5/2022 တွင် အတည်ပြုခဲ့သည်။
United Kingdom တွင်မျောက်ကျောက်ရောဂါဖြစ်ပွားမှုအများအပြား၏ဇာစ်မြစ်ကိုမသိရဘဲ
လန်ဒန်ဧရိယာတွင် လူထုကူးစက်မှုဖြစ်ပွားနေသည်ကို တွေ့ရသည်။ အရှေ့မြောက်နှင့်အရှေ့တောင်အင်္ဂလန်၊ပေါ်တူဂီ၊ ဆွီဒင် ၊အီတလီ၊ဘယ်လ်ဂျီယံ
အမေရိကန်၊ နယ်သာလန်၊ကနေဒါ၊
စပိန်၊ ဂျာမနီ ၊အစ္စရေး၊သြစတြေးလျ၊
ဆွစ်ဇာလန်၊သြစတြီးယားနိုင်ငံတွေ၌ပါ ရောဂါကူးစက်ခံရသည့်လူနာများ တွေ့ရှိနေရသည်။
4/5/2022 မှ 22/5/022 အထိ WHO အဖွဲ့ဝင်နိုင်ငံတွေထဲက Monkeypox ရောဂါဖြစ်လေ့ မရှိသည့်နိုင်ငံ တွေမှာပါ ရောဂါဖြစ်နေသူ 123 ယောက်နှင့်ရောဂါဖြစ်နေသည်ဟုသံသယရှိသူ 80
ယောက် ရှိသည်ဟု သိရပြီး ဆေးရုံတင်လူနာ ၁၁ဦးရှိကာ သေဆုံးလူနာ မရှိသေးပေ။အပူပိုင်းမှာသာ ဖြစ်လေ့ရှိရာက အအေးပိုင်းတွေမှာပါ ဖြစ်လာခြင်း၊ရောဂါဖြစ်ပွားသူ လူနာအများစုဟာ ခရီးသွားရာဇဝင်မရှိဘဲ အလိုလိုကူးစက်ခံခဲ့ရခြင်း တွေကြောင့်ထိတ်လန့်နေကြရသည်။

Monkeypox(မျောက်ကျောက်ရောဂါ)သည် ဗိုင်းရပ်စ်ပိုးကြောင့် ဖြစ်ပေါ်လာသော အဖြစ်နည်းသည့် ရောဂါဖြစ်သည်။ရောဂါကူးစက်ခံရပါက အဖျားတက်ခြင်း၊ lymph nodes(ပြန်ရည်ကြိတ်) များ ရောင်ရမ်းခြင်းနှင့် အဖုများ နေရာအနှံ့ထွက်ပေါ်လာခြင်းများဖြစ်တတ်သည်။ အဖုများသည် မျက်နှာနှင့် ခြေလက်များပေါ်တွင် အဖြစ်များသည်။မျောက်ကျောက်ရောဂါဖြစ်ပွားမှုအများစုသည် အာဖရိကအလယ်ပိုင်းနှင့် အနောက်ပိုင်းတို့တွင် ဖြစ်ပွားသည်။ Monkeypox သည် zoonotic ရောဂါလည်းဖြစ်သည်။ ဆိုလိုတာက တိရိစ္ဆာန်ကနေ လူကို ကူးစက်နိုင်သလို အပြန်အလှန်အားဖြင့်လည်း ကူးစက်နိုင်သည်။ လူတစ်ဦးမှတစ်ဦးသို့လည်း ကူးစက်နိုင်သည်။

Monkeypox ဆိုတာဘာလဲ

Monkeypox သည် Monkeypox virus(မျောက်ကျောက်ဗိုင်းရပ်စ်)ပိုး ကူးစက်ခံရခြင်းကြောင့် ဖြင်ပေါ်လာသောရောဂါဖြစ်သည်။မျောက်ကျောက် ဗိုင်းရပ်စ်သည် ကျောက်ကြီးရောဂါ
ဗိုင်းရပ်စ် မျိုးနွယ်ဝင်orthopoxvirus (Variola virus)ဖြစ်သည်။သိပ္ပံပညာရှင်များသည် 1958 ခုနှစ်တွင်ရောဂါကိုပထမဆုံးတွေ့ရှိခဲ့သည်။ သုတေသနအတွက်အသုံးပြုသောမျောက်များတွင် ကူးစက်ပျံ့ပွားမှုနှစ်ခုဖြစ်ခဲ့သည်။ ထို့ကြောင့် monkeypox ရောဂါဟုခေါ်ခဲ့ကြသည်။ကွန်ဂိုဒီမိုကရက်တစ်သမ္မတနိုင်ငံ၌ 1970 ခုနှစ်တွင် လူ၌ မျောက်ကျောက်ရောဂါ ပထမဆုံးဖြစ်ပွားခဲ့သည်။

လက္ခဏာများ
မျောက်ကျောက်ရောဂါလက္ခဏာများသည် small pox ကျောက်ကြီးရောဂါ
နှင့် ဆင်တူသည်။
(အထူးသတိပြုရန်
Small pox သည် Chicken Pox
ရေကျောက်ရောဂါ(ပဲသီတာရောဂါ) မဟုတ်ပါ။ယခုကာလ ကလေးများတွင် ဖြစ်ပွားနေသော ရေကျောက်ရောဂါနဲ့
Hand, Foot and Mouth Disease လို့ ခေါ်တဲ့
ပါးစပ် နဲ့ ခြေ၊ လက်တွေ မှာ Coxsackie ဆိုတဲ့ ဗိုင်းရပ်စ်ပိုး ကြောင့် အစက်ထွက်တဲ့ ရောဂါ နဲ့ မတူပါဘူး)။

သို့သော် မျောက်ကျောက်ရောဂါလက္ခဏာများသည် ကျောက်ကြီးရောဂါ လက္ခဏာများထက် ပုံမှန်အားဖြင့် ပိုပျော့သည်။မျောက်ကျောက်ဗိုင်းရပ်စ်ပိုး ကူးစက်ခံရပြီးနောက် ပထမဆုံးလက္ခဏာများ ပေါ်လာရန် အချိန်ယူရနိုင်သည်။ ၇ ရက်ကနေ ၁၄ ရက်အထိ ကြာနိုင်သည်။

အစောပိုင်းရောဂါလက္ခဏာများတွင်
* ဖျားခြင်း အဖျားသည် အများအားဖြင့်
ပထမ လက္ခဏာ ဖြစ်သည်။
* ခေါင်းကိုက်ခြင်း။
* ကြွက်သားကိုက်ခဲခြင်း။
* ခါးနာခြင်း။
* ပင်ပန်းနွမ်းနယ်ခြင်း။
* ချမ်းတုန်ခြင်း။
* lymphadenopathy ဟုခေါ်သော ပြန်ရည်ကြိတ်များ ရောင်ရမ်းခြင်း။

ဖျားပြီးနောက် ၁ ရက်မှ ၃ ရက်အကြာတွင် အဖုများထွက်တတ်သည်။ အဖုသည် ပုံမှန်အားဖြင့် အောက်ပါနေရာတို့ကို သက်ရောက်မှုရှိသည်။

* မျက်နှာ(အဖြစ်အများဆုံး)
* လက်ဖဝါး
* ခြေဖဝါးများ
* ပါးစပ်
* လိင်အင်္ဂါ
* မျက်လုံး(မျက်မြှေးနှင့် မျက်ကြည်လွှာ အပါအဝင်)
*ယားခြင်း

အဖုများသည် အောက်ပါအတိုင်း ပြောင်းလဲလာတတ်သည်။

*အနီစက်
*အနီစက်တွေဖောင်းလာခြင်း(အဖုငယ်)
*အနီစက်တွေ ကြီးလာပြီး ကြည်လင်သော အရည်တွေပြည့်လာခြင်း(အဖုကြီး)
* အရည်ကြည်ဖုများ(ပြည်တည်နာ)
* မည်းမည်းမျက်နှာပြင်နှင့်အနာဖေး
ဒဏ်ရာတွေ ခြောက်သွေ့ပြီး အနာဖေးတွေ ကွာကျတတ်ပြီး
မျောက်ကျောက်ရောဂါလက္ခဏာများသည် ယေဘူယျအားဖြင့် ၂ပတ်မှ ၄ပတ်ကြာပြီး ကုသမှုမခံယူဘဲ ပျောက်ကင်းနိုင်ပါသည်။

နောက်ဆက်တွဲဆိုးကျိုး

* bronchopneumonia အဆုတ်ရောင်ခြင်း
* သွေးဆိပ်တက်ခြင်း။
* ဦးနှောက်တစ်သျှူးရောင်ခြင်း (Encephalitis) ဟုလည်း ခေါ်သည်။
* မျက်ကြည်လွှာ ပိုးဝင်ခြင်း ၊
* တခြားရောဂါပိုးများဝင်ခြင်း

မျက်ကြည်လွှာတွင် ပိုးဝင်ခြင်းကြောင့် အမြင်အာရုံ ဆုံးရှုံးနိုင်သည်။
ထို့အပြင်၊ ပြင်းထန်သောအခြေအနေများတွင် အရေပြားဒဏ်ရာများပေါင်းစပ် ပြီး အရေပြားအကွက်လိုက် ကွာကျနိုင်သည်။

monkeypox ဘယ်နေရာမှာ အဖြစ်များလဲ

မျောက်ကျောက်ဗိုင်းရပ်စ်ပိုးသည် အာဖရိကအလယ်ပိုင်းနှင့် အနောက်ဘက်ပိုင်းရှိ အပူပိုင်းဒေသ၊ ကျေးလက်ဒေသများတွင် အဓိကအားဖြင့် ရှိသည်။၁၉၇၀ ခန့်က ကွန်ဂိုနိုင်ငံ၌ အသက် (၉) နှစ်အရွယ်ကလေးငယ်လေးမှာ စတင်တွေ့ရှိခဲ့တာဖြစ်ပြီး
ထိုအချိန်ကတည်းက ကျေးလက်ဒေသများ၊ ကွန်ဂိုမိုးသစ်တောဒေသများနှင့် အာဖရိကအနောက်နှင့်အလယ်ပိုင်းဒေသများမှာ တဖြည်းဖြည်း တွေ့ရှိလာခြင်းဖြစ်သည်။၂၀၁၇ ခုနှစ်၌ နိုင်ဂျီးရီးယား၌ ကူးစက်မှုသံသယရှိသူ ၅၀၀ကျော်နှင့် ကူးစက်ခံရသူ ၂၀၀ ကျော် ရှိခဲ့သည်။ယခုအချိန်အထိ သေဆုံးနှုန်း ၃-၆ရာခိုင်နှုန်းခန့်ရှိသည်။ 1970 ခုနှစ်မှစ၍ အောက်ပါနိုင်ငံများတွင် ဖြစ်ပွားခဲ့သည်။
* Benin
* ကင်မရွန်း
* ဗဟိုအာဖရိကသမ္မတနိုင်ငံ
* ကို့ဒီဗိုရီ
* ကွန်ဂိုဒီမိုကရက်တစ်သမ္မတနိုင်ငံ
* ဂါဘွန်
* လိုက်ဘေးရီးယား
* နိုင်ဂျီးရီးယား
* ကွန်ဂိုသမ္မတနိုင်ငံ
* ဆီးရီးယားလီယွန်း
* တောင်ဆူဒန်
*အစ္စရေး

(၂၀၂၂) မေလ၌ မျောက်ကျောက်ရောဂါကို အခြားနိုင်ငံအများအပြား၌ တွေ့ရှိထားသည်။

ကူးစက်မှုအများစုသည် ကွန်ဂိုဒီမိုကရက်တစ်သမ္မတနိုင်ငံ ကျေးလက်ဒေသများတွင် ဖြစ်ပွားခဲ့သည်။အဆိုပါနိုင်ငံတစ်ခုခုသို့ ခရီးသွားနေပါက သတိထားနေထိုင်သင့်သည်။ မျောက်ကျောက်ကူးစက်နိုင်သော တိရစ္ဆာန်များနှင့် ထိတွေ့ဆက်ဆံခြင်းကို ရှောင်ကြဉ်ပါ။ရောဂါကူးစက်ခံနေရသူနှင့် ထိတွေ့ဆက်ဆံခြင်းကို ရှောင်ကြဉ်ပါ။

ဘယ်လိုကူးစက်ပျံ့ပွားလဲ

Monkeypox သည် ရောဂါပိုးရှိသော တိရိစ္ဆာန်များ သို့မဟုတ် လူများနှင့် တိုက်ရိုက်ထိတွေ့ခြင်း
* သွေး
* ခန္ဓာကိုယ်အရည်များ
* အရေပြား သို့မဟုတ် အကျိအချွဲအနာများ
* အသက်ရှုလမ်းကြောင်းဆိုင်ရာ အမှုန်အမွှားများ၊ (လူမှလူချင်း )
* ရောဂါပိုးရှိသော တိရစ္ဆာန်များမှ ကိုက် ခြစ်ခြင်း။
* ရောဂါပိုးရှိသောတိရစ္ဆာန်၏အသားကိုစားခြင်း။
* အိပ်ယာကဲ့သို့ ရောဂါပိုးရှိသူအသုံးပြုထားသော ပစ္စည်းများမှ
တစ်ဆင့် ကူးစက်ပျံ့နှံ့သည်။ရောဂါပိုးရှိသူနှင့် လိင်ဆက်ဆံခြင်းမှလည်း ကူးစက်နိုင်သည်။

ရောဂါထိန်းချုပ်ရေးနှင့် ကာကွယ်ရေးဗဟိုဌာန (CDC) က လူတစ်ဦးမှ တစ်ဦးသို့ ကူးစက်မှု အလွန်နည်းသည်ဟု ဆိုသည်။
အချိန်ကြာကြာ မျက်နှာချင်းဆိုင်ထိတွေ့ခြင်းနှင့် အသက်ရှူလမ်းကြောင်းဆိုင်ရာ အမှုန်အမွှားများစွာကြောင့် ကူးစက်တတ်သည်။ရောဂါရှိသူနှင့် 6 ပေပတ်လည်အကွာအဝေးတွင် ၃ နာရီအထက် ရှိနေပါက ကူးစက်နိုင်ပါသည်။
အဓိက ရောဂါသယ်ဆောင်သူ မသိကြသေးသော်လည်း အာဖရိက ကြွက်များ ပါဝင်သည်ဟု ယူဆကြသည်။

မျောက်ကျောက်က သေစေသလား။
၁၀ ယောက်ဖြစ်လျင် တစ်ယောက် သေဆုံးနိုင်သည်ဟု CDC အဆိုအရသိရသည်။ပြင်းထန်သော လက္ခဏာခံစားရသူများ သေဆုံးနိုင်ခြေ ပိုများသည်။

ပြင်းထန်သောရောဂါဖြစ်နိုင်ခြေရှိသူများတွင်
* ကလေးငယ်များ
* ဗိုင်းရပ်စ်နှင့် ကြာရှည်ထိတွေ့မှု ရှိခြင်း။
* ကျန်းမာရေး ချို့တဲ့ခြင်း။
* နောက်ဆက်တွဲ ဆိုးကျိုးများဝင်သည့် လူနာတို့ပါရှိသည်။

ဘယ်လိုကုသမလဲ

မျောက်ကျောက်ရောဂါအတွက် အတိအကျ ကုသမှုမရှိပါ။
Monkeypox သည် အများအားဖြင့် ၂ပတ်မှ ၄ပတ်အထိ ရောဂါလက္ခဏာများ ခံစားရပြီး သူ့အလိုလို ပျောက်ကင်းသည့် ရောဂါဖြစ်သည်။
မျောက်ကျောက်ရောဂါသည် ကုသမှုမခံယူဘဲ သက်သာနိုင်သည်။ ဗိုင်းရပ်စ်ဖြစ်သည့်အတွက် ဖြစ်ပေါ်လာသော လက္ခဏာများ သက်သာစေရန် လက္ခဏာများအလိုက် ကုသပေးနိုင်သည်။ ဥပမာ အဖျားအတွက် ပါရာစီတမော၊ ရေများများသောက်ခြင်း၊ အာဟာရပြည့်ပြည့်ဝဝစားခြင်း
၊ယားခြင်းအတွက် calamine lotion လိမ်းခြင်း ။
အချို့သောဆေးဝါးများသည် ရောဂါဖြစ်ပွားမှုကို ထိန်းချုပ်ရန်နှင့် ရောဂါမပြန့်ပွားစေရန်အတွက် အသုံးပြုနိုင်သည်။ ၎င်းတို့တွင်-

* vaccinia vaccine (ကျောက်ရောဂါ ကာကွယ်ဆေး)
* vaccinia immune globulin (VIG)၊
* ဗိုင်းရပ်စ်ပိုးသတ်ဆေး (တိရစ္ဆာန်များတွင်)

ကျောက်ရောဂါ ကုသရန်အတွက် တီထွင်ထားသော ဗိုင်းရပ်စ်ပိုးသတ်ဆေးကို မျောက်ကျောက်ရောဂါ ကုသရန်အတွက်လည်း အသုံးပြုခွင့်ရထားသည်။
ကမ္ဘာ့ကျန်းမာရေးအဖွဲ့ (WHO) ၏အဆိုအရ ကျောက်ကြီးရောဂါကာကွယ်ဆေးသည် မျောက်ကျောက်ရောဂါဖြစ်ပွားမှုကို ကာကွယ်ရာတွင် ခန့်မှန်းခြေအားဖြင့် ၈၅% ထိရောက်မှုရှိသည်။ အကယ်၍ ကလေးဘဝတွင် ကျောက်ရောဂါ ကာကွယ်ဆေးကို ခံယူပြီး မျောက်ကျောက်ဗိုင်းရပ်စ်ပိုး ကူးစက်ခံရပါက ရောဂါလက္ခဏာများမှာ မပြင်းထန်နိုင်ပေ။ Smallpox ခေါ် ကျောက်ရောဂါ ကာကွယ်ဆေးကို မြန်မာနိုင်ငံ ၌ ၁၉၇၀ ကာလ လောက် က ထိုးပေးခဲ့ပြီး ရောဂါ ပပျောက်သွားသည့် အတွက်ဆက် ထိုးနှံရတာမျိုး မရှိတော့ပေ။( chickenpox ရေကျောက် ကာကွယ်ဆေးသည်Smallpox ကျောက်ရောဂါ ကာကွယ်ဆေး မဟုတ်ပါ)။
၁၉၈၀ ခန့်က ကမ္ဘာတစ်ဝန်းမှာ လုံးဝအမြစ်ပြတ် ရှင်းလင်းသွားပြီဖြစ်သည့် orthopox virus နှင့် ဆက်စပ်နေသည့် ရောဂါတစ်မျိုး ဖြစ်သည်။
ကျောက်ကြီးရောဂါကို အမြစ်ဖျက်ချေမှုန်းရာတွင် အသုံးပြုထားသည့် ကာကွယ်ဆေးများသည် မျောက်ကျောက်ရောဂါကို ကာကွယ်နိုင်သည်။
မျောက်ကျောက်ရောဂါ အတွက် ကာကွယ်ဆေးအသစ်များလည်း လုပ်ဆောင်နေကြပေသည်။

Credit ဟမ်ဆိုင်း (ဆေး-မန်း)
9AM
24-5-2022