APEX - CPAP Myanmar

💤 Obstructive Sleep Apnea (OSA)
ဆိုတာက အိပ်နေစဉ်မှာ အသက်ရှူလမ်းကြောင်း ပိတ်ဆို့သွားပြီး အသက်ရှူရပ်သွားတဲ့ ရောဂါတစ်မျိုးဖြစ်ပါတယ်။
ဒီလိုဖြစ်တဲ့အခါ ဦးနှောက်က လူကို နိုးအောင်လှုံ့ဆော်ပေးပြီး အသက်ပြန်ရှူဖို့ လုပ်ဆောင်စေပါတယ်။
ဒီလိုမျိုး ခဏခဏဖြစ်တာကြောင့် နှစ်ချိုက်စွာ မအိပ်ပျော်တော့ဘဲ နေ့ခင်းဘက်တွေမှာ အိပ်ငိုက်ခြင်း၊ ပင်ပန်းနွမ်းနယ်ခြင်းတွေ ဖြစ်စေနိုင်ပါတယ်။

ခံတွင်း​ခြောက်ခြင်း (DRY MOUTH)

CPAP အသုံးပြုသူအချို့တွင် ပါးစပ်နှင့် လည်ချောင်းခြောက်သွေ့ခြင်း (Dry mouth) ကို ကြုံတွေ့ရနိုင်ပါသည်။ ဤပြဿနာ၏ အကြောင်းရင်းများနှင့် ဖြေရှင်းနည်းများကို အောက်တွင် ရှင်းပြထားပါသည်။

---

CPAP သုံးစဉ် ခံတွင်းခြောက်ရခြင်း အကြောင်းရင်းများ

1. ပါးစပ်ဖြင့် အသက်ရှူခြင်း
- Nasal mask (နှာခေါင်းကိုသာ အုပ်ထားသော mask) အသုံးပြုသူ အချို့သည် အိပ်နေစဉ် ပါးစပ်ဖြင့် အသက်ရှူမိနိုင်ပါသည်။ ထို့ကြောင့် ပါးစပ်အတွင်းရှိ အစိုဓာတ်များ ခမ်းခြောက်သွားပါသည်။

2. Humidifier မသုံးခြင်း (သို့) ရေငွေ့ပေးနည်းခြင်း
- CPAP မှတွန်းပို့သောလေမှာ ခြောက်သွေ့ခြင်းကြောင့် humidifier မသုံးလျင် ခံတွင်းခြောက်ခြင်းဖြစ်နိုင်ပါတယ်။

3. Pressure (လေဖိအား) အလွန်မြင့်မားခြင်း
- CPAP စက်မှ ပေးသော လေဖိအား (Pressure) မြင့်မားပါက နှာခေါင်းနှင့် လည်ချောင်းအတွင်းရှိ အစိုဓာတ်များကို ပိုမိုခမ်းခြောက်စေနိုင်ပါသည်။
ပါးစပ်မှလေပြန်ထွက်ခြင်းကြောင့်လည်း ခံတွင်း ခြေက်သွေ့နိုင်ပါသည်။

4. ရေဓာတ်ခမ်းခြောက်ခြင်း
- ကိုယ်တွင်း ရေဓာတ်နည်းနေသူများမှာ ပါးစပ်ခြောက်ခြင်း ပိုဆိုးနိုင်ပါသည်။

5. Mask အံဝင်ခွင်ကျမဖြစ်ခြင်း
- Mask လေလွတ်နေပါက၊ CPAP မှပေးသောလေသည် ပါးစပ်ထဲသို့ ဝင်ရောက်နိုင်ကာ အာခြောက်ခြင်းကို ဖြစ်စေနိုင်ပါသည်။

6. အချို့သောရောဂါများ (ဥပမာ ဆီးချိုရောဂါ၊ Anxiety, Sjögren, etc.) နှင့် အချို့ဆေးဝါးများ (ဥပမာ Antihistamine, Diuretics etc.) များသည် ပါးစပ်ခြောက်ခြင်းကို ပိုဖြစ်စေနိုင်ပါသည်။

---

ဖြေရှင်းနည်းများ

1. Humidifier သုံးပါ
Humidifier က CPAP လေကိုရေနွေးငွေ့ အစိုဓါတ်ပေးနိုင်ပါသည်။ ရေငွေ့နည်းနေရင်လည်း များအောင်ချိန်ပေးပါ။

2. Full-face mask ပြောင်းသုံးကြည့်ပါ
နှာခေါင်းကိုပဲ အုပ်တဲ့ Nasal mask အစား ပါးစပ်နဲ့ နှာခေါင်းနှစ်ခုလုံးကို ဖုံးထားသော Full-face mask ကို ပြောင်းပြီးသုံးကြည့်ပါ။

3. ရေဓာတ်ပြည့်ဝအောင် နေပါ
- တစ်နေ့လုံး ရေများများသောက်ပေးပါ။ အိပ်ရာမဝင်ခင် ရေအနည်းငယ် သောက်နိုင်ပါသည်။ အိပ်နေစဉ် ရေဗူးကို အနားတွင် ထားပါ။

4. Chin strap သုံးပါ
- ပါးစပ်ဟပြီး အသက်ရှူမိခြင်းကို ကာကွယ်ရန် Chin strap (မေးသိုင်းကြိုး) ကို nasal mask (နှာခေါင်းအုပ်)နှင့် တွဲသုံးနိုင်ပါသည်။

5. CPAP pressure ကို ညှိပါ
- လေဖိအား အလွန်မြင့်နေပါက၊ ဆရာဝန်နှင့် တိုင်ပင်ကာ Pressure setting ကို လိုအပ်သလို ညှိပါ။

6. ခံတွင်းစိုစေသော ဆေးဝါးများ (Oral moisturizers) သုံးနိုင်ပါသည်။
- Biotène ကဲ့သို့သော ခံတွင်းစိုဆေး (Oral gel/spray)ကို အိပ်ရာဝင်ခါနီး အသုံးပြုနိုင်ပါသည်။

7. Mask လေမလွတ်အောင် ဂရုစိုက်ပါ
- Mask လေလွတ်နေပါက၊ အရွယ်အစား (သို့) အမျိုးအစားပြောင်းသုံးပါ။

8. ဆေးလိပ်နှင့် အရက်ရှောင်ပါ
- ဆေးလိပ်နှင့် အရက်သည် ပါးစပ်ခြောက်ခြင်းကို ပိုဆိုးစေနိုင်သဖြင့် ရှောင်ကြဉ်ပါ။

::::::::::

💢 APEX Medical company မှ
Auto CPAP, BiPAP နှင့်ဆက်စပ်ပစ္စည်းများကို ဈေးနှုန်းချိုသာစွာဖြင့် ရောင်းချပေးနေပါတယ်။
Home Sleep Test လည်းလုပ်ပေးပါတယ်။

လိပ်စာကတော့ - အမှတ် ၃၇၊ စဉ့်အိုးတန်းလမ်း၊ မြေညီထပ်၊ အောက်ဘလောက်၊ လသာမြီု့နယ်၊ ရန်ကုန်မြို့။
Ph: 09 4500 14399, 09 4500 66047

OSA နှင့်ပတ်သက်သော ကျန်းမာရေး ဗဟုသုတ post များ ပုံမှန်ဖတ်ရှုနိုင်ဖို့
APEX - CPAP Myanmar page ကို Like & Follow လုပ်ပေးနိုင်ပါတယ်ခင်ဗျာ။
.