ConceptX

အခုခေတ် ကလေးတွေနဲ့ ဆယ်ကျော်သက်တွေအပေါ် ဆိုရှယ်မီဒီယာရဲ့ သက်ရောက်မှုများ 📱👧👦
------------

နိဒါန်း 📖

အခုခေတ်မှာ ဆိုရှယ်မီဒီယာက စိတ်ပိုင်းဆိုင်ရာ အခက်အခဲတွေ ရင်ဆိုင်နေရတဲ့ လူအများစုရဲ့ ဘဝမှာ အရေးပါတဲ့ အရာတစ်ခု ဖြစ်လာတယ်လေ ။ ဆိုရှယ်မီဒီယာဆိုတာကတော့ လူတစ်ယောက်နဲ့ တစ်ယောက် စာတွေပို့မယ် 💬၊ ပုံတွေ 📸၊ ဗီဒီယိုတွေ 🎥 အပြန်အလှန် မျှဝေကြမယ်၊ အင်တာနက်ပေါ်က အကြောင်းအရာတွေကို အတူတူ ဖန်တီးကြမယ် စတဲ့ နေရာမျိုးပေါ့။

လေ့လာတွေ့ရှိချက်တွေအရဆိုရင် ဆိုရှယ်မီဒီယာ သုံးနေတဲ့ လူငယ် ၉၇ ရာခိုင်နှုန်းကျော်ဟာ စိတ်ဓာတ်ကျတာ 😔၊ စိတ်ပိုင်းဆိုင်ရာ ထိခိုက်တာနဲ့ တခြားပြင်းထန်တဲ့ စိတ်ရောဂါတွေ ခံစားနေရတယ်လို့ သိရပါတယ် 📊📉။

တကယ်တော့ ဆိုရှယ်မီဒီယာက လူငယ်တွေရဲ့ စိတ်ကျန်းမာရေးကို တော်တော်လေး ထိခိုက်စေနိုင်တာပါ ⚠️။ ဘာလို့လဲဆိုတော့ ဆိုရှယ်မီဒီယာ သုံးတာများလာတဲ့အခါ အွန်လိုင်းပေါ်ကနေ အနိုင်ကျင့်ခံရတာမျိုး (Cyberbullying) 💻🛑၊ ကိုယ့်ခန္ဓာကိုယ် အချိုးအစားနဲ့ ပတ်သက်ပြီး စိတ်အားငယ်တာမျိုးတွေအပြင် နည်းပညာကို အလွန်အကျွံ စွဲလမ်းလာတာတွေ ဖြစ်တတ်ပါတယ်။ ဒါ့အပြင် အပြင်လက်တွေ့ဘဝမှာ ဆော့ကစားတာမျိုး၊ ကျန်းမာရေးနဲ့ ညီညွတ်တဲ့ လှုပ်ရှားမှုတွေလုပ်ဖို့ အချိန်တွေ နည်းသွားစေပါတယ်နော် 🏃‍♂️🚫။

စိတ်ပညာရှင်တွေကတော့ ကလေးဘဝကနေ လူငယ်ဘဝကို ကူးပြောင်းတဲ့ အချိန်ကို အပျိုဖော်/လူပျိုဖော်ဝင်စ အရွယ်လို့ သတ်မှတ်ကြပါတယ်။ ဒါပေမဲ့ ဒီအရွယ်က ကလေးတစ်ယောက်နဲ့ တစ်ယောက်တော့ အချိန်တူမှာ မဟုတ်ဘူးပေါ့ 📈။ နောက်ပိုင်း နှစ်တွေမှာဆိုရင် အပျိုဖော်/လူပျိုဖော် ဝင်တဲ့အချိန်က အရင်ကထက် ပိုစောလာတာကို တွေ့ရပါတယ် ⏳။

အသက်အရွယ် သတ်မှတ်ချက်လေးတွေကို ပြောပြရမယ်ဆိုရင်တော့ -

✅မွေးကင်းစကနေ ၁၂ နှစ်အထိကို "ကလေးအရွယ်" 👶

✅၁၀ နှစ်ကနေ ၂၀ အတွင်းကို "အပျိုဖော်/လူပျိုဖော်ဝင်အရွယ်" 👦

✅၁၃ နှစ်ကနေ ၁၉ နှစ်အတွင်းကို "ဆယ်ကျော်သက်" 🧑

✅၁၈ နှစ်အောက်ကိုတော့ "အရွယ်မရောက်သေးသူ" ဆိုပြီး သတ်မှတ်ထားကြပါတယ် 📝
------------

ကလေးဘဝမှာ ဘာတွေလုပ်သင့်သလဲ 🧒💭

ကလေးတွေရဲ့ ခန္ဓာကိုယ် ကြီးထွားဖွံ့ဖြိုးမှုက တစ်သမတ်တည်း မဟုတ်ဘူးလေ။ တချို့အချိန်တွေမှာ မြန်ပြီး တချို့အချိန်တွေမှာ နှေးသွားတတ်ပါတယ်။ ဥပမာပြောရရင် မွေးပြီး ပထမ (၂) နှစ်မှာ အရမ်းကို မြန်မြန်ဆန်ဆန် ကြီးထွားလာတယ်။ အဲဒီနောက် အသက် (၇) နှစ်ကနေ (၁၀) နှစ်လောက်အထိမှာတော့ ကြီးထွားမှုလေး နည်းနည်း ပြန်နှေးသွားတတ်ပါတယ်။ ပြီးတော့ အပျိုဖော်/လူပျိုဖော်ဝင်စ အရွယ်ရောက်လာတဲ့အခါ ပြန်ပြီး အရှိန်အဟုန်နဲ့ ကြီးထွားလာပြီးတော့ နှစ်အနည်းငယ်ကြာရင်တော့ ရပ်တန့်သွားလေ့ရှိပါတယ် 📈🚶‍♂️။

ကလေးတွေအတွက် အရာရာကို သင်ယူရလွယ်ကူစေပြီး လက်တွေ့လုပ်ဆောင်နိုင်စွမ်းကို တွန်းအားပေးတဲ့ အဓိက အချက် (၃) ချက်ရှိပါတယ်။
အဲဒါတွေကတော့ -

✅လွတ်လွတ်လပ်လပ် ဆော့ကစားချင်စိတ် 🏃‍♂️

✅ကိုယ့်ရဲ့ ခံစားချက်တွေကို ထိန်းချုပ်တတ်လာခြင်း 🧘‍♀️

✅ပတ်ဝန်းကျင်နဲ့ လူမှုဆက်ဆံရေးကို သင်ယူလာခြင်း 🤝 ဆိုတာတွေပဲ ဖြစ်ပါတယ်။

အရင်က ကစားတာကို အဓိကထားတဲ့ ကလေးဘဝပုံစံမျိုးမှာဆိုရင် ကျောင်းဆင်းတာနဲ့ ကလေးတွေဟာ လူကြီးတွေရဲ့ ကြီးကြပ်မှုမပါဘဲ သူတို့အချင်းချင်း လွတ်လွတ်လပ်လပ် ဆော့ကစားကြပါတယ်။ ဒီလို ဆော့ကစားတာက ကလေးတွေရဲ့ စိတ်ဆန္ဒတွေကို ပြည့်ဝကျေနပ်စေတဲ့ အကောင်းဆုံးနည်းလမ်းတစ်ခုပါပဲ ⚽🪁။

ဒါပေမဲ့ အခုခေတ် ဖုန်းကိုပဲ အဓိကထားလာတဲ့ ကလေးဘဝပုံစံကို ကူးပြောင်းလာတဲ့အခါမှာတော့ အခြေအနေတွေ ပြောင်းသွားပါပြီ 📱။ စမတ်ဖုန်းတွေ၊ ဗီဒီယိုဂိမ်းတွေ၊ ဆိုရှယ်မီဒီယာတွေနဲ့ တခြား စွဲလမ်းစေတတ်တဲ့ နည်းပညာတွေက ကလေးတွေကို Virtual World ထဲကို ဆွဲခေါ်သွားကြတယ်လေ 🌐🎮။ ဒါကြောင့်မို့လို့ ကလေးတွေဟာ စောစောကပြောခဲ့တဲ့ အရေးကြီးတဲ့ တွန်းအား (၃) ချက်ရဲ့ အကျိုးကျေးဇူးတွေကို အပြင်လက်တွေ့မှာ အပြည့်အဝ မခံစားရတော့ပါဘူး 😔🚫။

✅Part - 3
📵၁၆နှစ်အောက် ကလေးတွေရဲ့ ဖုန်းအသုံးပြုမှုကို ဘာကြောင့် ကန့်သတ်ထားသင့်တာလဲ?📵