Shwe Pyi Kyaw - Real Estate

စာချုပ်ချုပ်မည်ဆိုလျှင် ဖော်ပြချုပ်ဆိုထားသောအရာကို
နောက်မှတောင်းဆိုမိသည့်ကိစ္စ
။။။။။။။။။။။။။။။။။။။။။။။။။။။။။။။။။။။။။။။။။။။။

အရပ်ထဲတွင် ပြဿနာအတက်များသည့် ဖြစ်ရပ်မှာ ကန်ထရိုက်တာ တိုက်ခန်းများနှင့် ပတ်သက်၍ ကာယ ကံရှင်များ မကျေနပ်ကြသည့် ဖြစ်ရပ် ဖြစ်သည်။ အိမ်ရှင်နှင့် ကန်ထရိုက်တာချုပ်ဆိုသည့် စာချုပ်ကိုပင် ကြည့် ကြည့် တိုက်အဆောက်အဦးတွင် ပါဝင်ရမည့် အရာများ၊ တိုက်ခန်းတွင် ပါဝင်ရမည့် အရာများ၊ တိုက်အင်္ဂါ ရပ်များ၊ တိုက်ခန်းအင်္ဂါရပ်များနှင့် ပတ်သက်၍ ထည့်သွင်းချုပ်ဆိုထားခြင်း၊ မပြည့်စုံသည်ကို တွေ့ရပေမည်။

စာချုပ်တွင် ထည့်သွင်းမချုပ်ဆိုသည့်အချက်ကို သို့မဟုတ် သဘော တူမှုပြုထားခြင်း မရှိသည့် အချက်ကို နောက်ပိုင်းတွင်မှ တောင်းဆိုမည်ဆိုလျှင် ရရန်လွန်စွာ ခဲယဉ်းပါသည်။ သို့ဖြစ်ပါ၍ စာချုပ်ချုပ်စဉ်ကတည်းက နောက်ပေါ်ပေါက်လာမည့် အချက်များအတွက်ကို တစ်ပါတည်း ကြိုတင် ထွက်ဆ တောင်းဆိုဖော်ပြ ချုပ်ဆို ထားဖို့ လိုအပ်ပါသည်။ ဤသဘောမှာ ကန်ထရိုက်တိုက် ဆောက်လုပ်မှုတစ်ခုထဲကို ရည်ညွှန်းတင်ပြခြင်း မဟုတ်ပါ။ အခြားလုပ်ငန်းများအတွက်ကိုပါ ရည်ညွှန်းခြင်းဖြစ်ပြီး ညဏ်သွားသလို အသုံးပြုနိုင်ရန် ဖြစ်ပါ သည်။ ဥပမာ - ကန်ထရိုက်တိုက် ဆောက် လုပ်မည်ဆိုလျှင် ဆောက်လုပ်မည့် တိုက်အဆောက်အဦး၏ အရည် အသွေး ကို စာချုပ်တွင် အောက်ပါအတိုင်းလိုအပ်သလို သဘောတူချက်အရ ထည့်သွင်း ဖော်ပြရန်လိုပါသည်။

၁။ တိုက်ဆောက်လုပ်ရာတွင် အရည်အသွေးစံချိန်မှီ ပုဂ္ဂလိကအုတ် ( ၈ ) ပေါက်အုတ်များ အသုံးပြုရန်။

၂။ အထပ်တိုင်း၏ ဘေးပြူတင်းပေါက်နှင့် နောက်ဖေးပေါက်များ မိုးယိုခြင်း မရှိအောင် ပြုလုပ်ပေးရန်။

၃။ အပေါ်ဆုံးထပ်အခန်းများ မိုးမယိုစေရန် ပြုလုပ်ပေးရန်။

၎။ မျက်နှာကျက်ကို အစိုးရထုတ် ( သို့ ) ထိုင်းနိုင်ငံလုပ်များ သုံးစွဲရန်၊ ဘီတင်ပြားပျောက်စနစ်ဖြင့် ညီညာစွာ တပ်ဆင်ပေးရန်။

၅။ တိုက်၏ဘေးနှစ်ဘက်တွင် စံချိန်မှီ ပလပ်စတစ်အပြင် သုတ်ဆေးသုတ်ပေးရန်၊ ဆေးမသုတ်မီ ပတ်တီးခံ ပေးရန်။

၆။ တိုက်၏ ရှေ့မျက်နှာစာတွင် တိုက်နှင့် လိုက်လျောညီထွေရှိသော လှပသည့် စံချိန်မှီကြွေပြားကပ်ပေးရန်၊ အရောင်နှင့် ပတ်သတ်၍ နှစ်ဖက်ညှိနှိုင်းဆောင် ရွက်ရန်။

၇။ လှေခါးထစ်များအနိမ့်အမြင့်ညီညာစွာနှင့် သေသပ်စွာ၊ အချောကိုင်ပေးရန်။

၈။ လှေကားလက်ရမ်းကို ကျွန်းဖြင့် သေသပ်ချောမွေ့စွာ တပ်ဆင်ပေးရန်။

၉။ အခန်းများ၏ အဝင်အထွက်ပေါက်တွင် ကောင်းမွန်သော ကျွန်းတံခါးတပ်ဆင်ပေးရန်၊ ကျန်တံခါးများသည် နယ်တံခါးဖြစ်ပါက ပြန်ပြုပြင်၍ ကောင်းမွန်စွာ တပ်ဆင်ပေးရန်။

၁၀။ အခန်းတိုင်း၏ ကြမ်းခင်းများကို အချောပြုလုပ်ပေးရန်၊ လေခိုခြင်း ၊ ပေါက်ပြဲခြင်း မရှိစေရန်။

၁၁။ သံပန်းကို အခန်းတိုင်း၏ ပင်မ အဝင်အထွက်တံခါးတိုင်းတွင် တပ်ဆင်ပေးရန်၊ မြေညီထပ်အခန်းအထွက် ပြုတင်းပေါက်များတွင် သံပန်းများ တပ်ဆင်ပေးရန်။

၁၂။ လျှပ်စစ်မီးနှင့် ပတ်သတ်၍ တစ်ခန်းလျှင် မီး ( ၉ ) ပွင့် တပ်ဆင်ပေးရန် ( မီးသီးနှင့် မီးချောင်းများမပါ ) မီးဖိုချောင်သုံး မီးကြိုးကို လိုင်းမီးတစ်ပွင့် တပ်ဆင်ပေးရန်။

၁၃။ လျှပ်စစ်မီးကြိုး သွယ်တန်းရာတွင် Trunking သုံး၍ နံရံကို Underground သုံးရန်၊ ခလုတ်နားနီးလျှင်၊ မြုပ်ပေးရန်၊ အခန်းတိုင်းတွင် sub meter တစ်ခန်းတစ်လုံး တပ်ဆင်ပေးရန်၊ ကိုယ်ပိုင်မီတာ ရရှိရေးအတွက် အခန်းဝယ်ယူသူမှ မိမိအစီအစဉ်ဖြင့် ဆောင်ရွက်ရန်။

၁၄။ ရေစုပ်စက် တစ်ခန်းလျှင်တစ်လုံး တပ်ဆင်ပေးရန်။

၁၅။ ရေသုံးရန် အခန်းတစ်ခန်းလျှင် ရေပိုက်ခေါင်း ( ၃ ) လုံး တပ်ဆင်ပေးရန်။

၁၆။ ရေချိုးခန်းတွင် ဂျီအိုင်တိုင်ကီတစ်လုံး၊ရေလုံသော အုတ်ရေကန် တစ်ခု ပြုလုပ်ပေးရန်။

၁၇။ အိမ်ခန်းတိုင်းတွင် ရေချိုးခန်းနှင့်အိမ်သာ သီးခြားပြုလုပ်ပေးရန်၊ အိမ်သာအိုးမှာ ရိုးရိုးဖြစ်ပြီး ရေဆွဲအိုး၊ နိုင်ငံ ခြားဖြစ်သုံးရန်။

၁၈။ အိမ်သာတွင် ( ၃ ) ပေအမြင့် ကြွေပြားပတ်ပတ်လည်ကပ်ပေးရန်၊ ရေချိုးခန်းတွင် ( ၆ ) ပေအမြင့် ကြွေပြား ပတ်ပတ်လည် ကပ်ပေးရန်၊ အောက်အခင်းမှုံစက်ခင်းပေးရန်။

၁၉။ နောက်ဖေးမီးဖိုခန်းကို ခြေခုန်နှင့် အခန်းကန့်ပေးရန်၊ ခြေခုန်တွင် တံခါး တပ်ဆင်ပေးရန်၊ လေဝင်လေထွက် ကောင်းရေးအတွက် ယင်းနံရံတွင် ပြတင်း ပေါက်ဖောက်လိုက အခန်းဝယ်ယူသူ၏ ကုန်ကျငွေဖြင့် သီးခြား ဆောင်ရွက်ပေးရန်။

၂၀။ ထို့ပြင် တိုက်ဆောက်ရာတွင် စည်ပင်သာယာရေးဥပဒေနှင့် အညီ ပုံစံပါတိုင်း စံချိန်စံညွှန်းနှင့်အညီ ဆောက်လုပ်ပေးရန်။

ဖော်ပြပါ လိုအပ်ချက်များကို စာချုပ် ချုပ်စဉ်ကတည်းက တောင်းဆို၍ ယင်းတောင်းဆိုမှုအပေါ် သဘော တူညီမှုရှိက စာချုပ်တွင် တစ်ပါ တည်းထည့်သွင်းချုပ်ဆိုရန် လိုအပ်ပါသည်။ စာချုပ်တွင် ထည့်သွင်းဖော်ပြထား ခြင်းမရှိသော ကိစ္စရပ်များကို နောက်ပိုင်းတွင်မှ တောင်းဆိုမည်ဆိုလျှင် အောက်ဖော်ပြပါ အမှုတစ်မှုမှ စီရင် ဆုံးဖြတ်ချက်ကို သတိပြုသင့်ပါကြောင်း တင်ပြအပ်ပေသည်။

“ ပဋိညာဉ်စည်းကမ်းချက်များကို စာချုပ်စာတမ်းပြု၍ ရေးသားထားလျှင် ထိုစာချုပ်စာတမ်းမှတစ်ပါး အခြား သက်သေခံချက် တင်သွင်း၍ ထို ပဋိညာဉ်စည်းကမ်းချက်များကို ထင်ရှားအောင် ပြုနိုင်ခွင့်မရှိ။ ထိုကဲ့သို့ ပဋိညာဉ်စည်း ကမ်းချက်များကို စာချုပ်စာတမ်းပြုလုပ် မှတ်တမ်းတင်ထားသည်ဖြစ်၍ ထိုစာချုပ်ပါစည်းကမ်းကို တင်သွင်းကာ ပဋိညာဉ် စည်း ကမ်းချက်များ ထင်ရှားအောင် ပြသပြီးဖြစ်လျှင် ထိုစာချုပ်ချုပ်ဆိုသူတို့သည် ပဋိညာဉ်စည်းကမ်းချက်များ ဆန့်ကျင်စေရန်အလို့ငှာလည်း ကောင်း ပြင်ဆင်ရန် အလို့ငှာလည်း ကောင်း၊ ဖြည့်စွက်ရန်အလို့ငှာလည်း ကောင်း၊ နုတ်ပယ်ရန်အလို့ငှာလည်း ကောင်း၊ နှုတ်ကတိ သို့မဟုတ် ပြော ဆိုချက် တစ်စုံတစ်ရာကို သက်သေခံအဖြစ် တင်သွင်းလက်ခံခြင်း မပြုရ၊ စာချုပ်စာတမ်းတွင် ပါရှိသော စကားရပ်များ သည် ချို့တဲ့မှုရှိခြင်း၊ သို့မ ဟုတ် အဓိပ္ပါယ် နှစ်ခွထွက်ခြင်း ရှိစေကာမူ ထိုစကားရပ်များ၏ အဓိပ္ပာယ် ပြဆိုသည့် အနေနှင့် အကြောင်းခြင်းရာနှင့်ပတ်သတ်၍ သက်သေခံချက် မတင်သွင်းနိုင်။ “ (ဒေါ်ကျင်ဥနှင့် ဦးညွန့်မောင်၊ ၁၉၇၂ ခု မြန်မာနိုင်ငံစီရင်ထုံး စာ - ၁ )

(အညွှန်း - ဦးကျော်ဇေယျ ၊ စာချုပ်ချုပ်မည်ဆိုလျှင် ဆောင်ရန်ရှောင်ရန်များ ၊ စာ ၂၄၁ ) ။

အပျောက်တိုက်ခန်းနှင့် ပတ်သက်၍ သိထားသင့်သည့်အချက်များ။
။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။

(၁) အပျောက်တိုက်ခန်း
==========

အပျောက်တိုက်ခန်းဆိုသည်မှာ ယင်းတိုက်ခန်းအား တန်ဖိုးတစ်ရပ်ဖြင့်ပေးဝယ်၍ နေထိုင်ခွင့်နှင့် ထပ်ဆင့်လွှဲ ပြောင်း ငှားရမ်းပိုင်ခွင့်ရှိသော အိမ်ငှား ( TANANT) တစ်ဦးဖြစ်ပါသည်။ ၁၉၆၀ ပြည့်နှစ်၊ မြို့ပြဆိုင်ရာငှားရမ်းခ ကြီးကြပ်ရေးအက်ဥပဒေနှင့် အကျုံးဝင်သဖြင့် ဝယ်ယူသူသည် မြေရှင်အား အိမ်လခပေးရန်နှင့် ယင်းဥပဒေကို လိုက်နာရပါမည်။

(၂) အပျောက်တိုက်ခန်း အမျိုးအစားများ
=================

(က) ပုဂ္ဂလိကတိုက်ခန်း
========

ပုဂ္ဂလိက ပိုင်မြေကွက်ပေါ်တွင် ပုဂ္ဂလိကပိုင်ငွေဖြင့်ဖြစ်စေ၊ ကန်ထရိုက်တာနှင့် အခန်းပေးအခန်းယူ ဆောက် လုပ်သည့်တိုက်ခန်းများဖြစ်ပြီး မြေရှင်အား အိမ်လခပေးနေရသော အခန်းများဖြစ်ပါသည်။ အိုးအိမ်မှ ပုဂ္ဂလိက သို့အပြီးအပြတ် ရောင်းချသော အခန်းများလည်းပါဝင်ပါသည်။ ယင်းတိုက်ခန်းအများကိုမူ အိမ်လခ တောင်းခံ ခြင်း မပါ။

(ခ) ပြည်သူပိုင်မှ ပြန်ပေးသောတိုက်ခန်း
==================

ပြည်သူပိုင် သိမ်းယူသော တိုက်ခန်းများအနက် နိုင်ငံတော်မှ အသုံးပြုရန် မလိုအပ်သည့် အခန်းများအား ပြန် လည် စိစစ်၍ မူလပိုင်ရှင်များအား ပြန်လည်လွှဲပြောင်းပေးအပ်သည့် အခန်းအမျိုးအစားဖြစ်ပါသည်။

(ဂ) စည်ပင်မှ ယာယီထိန်းသိမ်းထားသည့် တိုက်ခန်း
======================

တိုက်ခန်းနေထိုင်သူမှ ကြွေးမဆပ်နိုင်သဖြင့် စည်ပင်က ယာယီထိန်းသိန်းထားသည့် အခန်းဖြစ်ပြီး စည်ပင်ကြွေး ကို အိမ်ငှား (တိုက်ခန်းအပျောက်ဝယ်သူ) မှ ပေးဆပ်ရပြီးတိုက်ပိုင်ရှင်သို့ အိမ်လခပေးရန် မလိုဘဲ စည်ပင်ခွန် များကိုသာ ပေးဆောင်နေရသည့် အခန်းအမျိုးအစားဖြစ်ပါသည်။

(ဃ) ဘာသာရေးပိုင်အခန်းများ
===========

ဗလီဝကဖ်အခန်းများ၊ ဟိန္ဒူဘုရားကျောင်းပိုင် အခန်းများ၊ တရုတ်ဘုံကျောင်းပိုင်အခန်းများအား အပျောက်စနစ် ဖြင့် ရောင်းချပြီး ရရှိသည့်ငွေများ အိမ်လခများကို ဘာသာရေးရန်ပုံငွေအဖြစ်အသုံးပြုသည့်အခန်း များဖြစ်ပါ သည်။ အဆိုပါအခန်းများ ရောင်းချခြင်း ဝယ်ယူခြင်း ပိုင်ဆိုင်မှုအမည်ပြောင်းခြင်းများကို သက်ဆိုင်ရာ ဂေါပက အဖွဲ့ လူကြီးမများက စီမံခန့်ခွဲကြပါသည်။

(င) ပြည်သူပိုင် (သို့) အစိုးရပိုင်အခန်းများ
=================

၁ - အိုးအိမ်ခန်း
=====

နိုင်ငံတော်ပိုင်မြေပေါ်တွင် နိုင်ငံတော်ပိုင်ငွေဖြင့် ဆောက်လုပ်ပြီး ဝန်ထမ်းများ အားနေထိုင်ခွင့် အငှားချထားသော အခန်းမျိုးဖြစ်သည်.( ဥပမာ- ဦးဝိစာရအိမ်ရာ၊ ရန်ကင်းအိမ်ရာ၊ဖဆပလ အိမ်ယာ) ထို့အပြင် ယခင်တိုင်းပြည်သူ့ ကောင်စီမှ ထိန်းသိမ်းထားသော ပြည်သူပိုင်အခန်းများအား အိုးအိမ်သို့ လွှဲအပ်ပေးလိုက်သော အခန်းများပါဝင် ပါသည်။

၂- ဌာနဆိုင်ရာအခန်းများ
===========

အစိုးရဌာနဆိုင်ရာ အဖွဲ့အစည်းအသီးသီးတို့မှာ မိမိတို့ ဝန်ထမ်းများနေထိုင်ရေးအဆင်ပြေစေရန်အတွက် နိုင်ငံ တော်မှ စိစဉ်ဆောက်လုပ်ပေးသော အဆောက် အဦ တိုက်ခန်းဖြစ်ပါသည်။ ပြည်သူပိုင်အဖြစ်ပြုလုပ်ထားသော အခန်းများပါဝင်ပါသည်။

၃- တိုင်းချခန်း
======

ယခင်အတိုင်းလုံခြုံရေးနှင့် အုပ်ချုပ်မှုကော်မတီ တစ်ဖန်တိုင်းပြည်သူ့ကောင်စီသည် တိုင်းအဆင့်စီမံခန့်ခွဲမှု၊ အုပ် ချုပ်မှုအဖွဲ့အစည်းမှ ပုဂ္ဂိုလ်များအား ချပေးသောအခန်းဖြစ်ပါသည်။

၎- နိုင်ငံခြားပြန်အခန်း
=========

နိုင်ငံခြားသားပိုင်အခန်းဖြစ်ပြီးမိမိတို့၏ နိုင်ငံသို့အပြီးအပိုင်ပြန်ကြရာတွင် ယင်းအခန်းများ နိုင်ငံတော်သို့ အပ်နှံ ခြင်း (သို့) နိုင်ငံတော်မှ သိမ်းယူထားသော အခန်းဖြစ်သည်။

၅- စည်ပင်ယာယီထိန်းအခန်း
============

စည်ပင်သာယာရေးကော်မတီ၏ စည်းကမ်းချက်များ ဥပဒေပြဌာန်းချက်များနှင့် မကိုက်ညီခြင်း ညွှန်ကြားချက် များအား မလိုက်နာခြင်းတို့ကြောင့် စည်ပင် သာယာရေးကော်မတီမှ ယာယီထိန်းသိမ်း ထားသောအခန်း ဖြစ်ပါသည်။

(စ) အခြားအခန်းများ
=========

ပြစ်မှုဆိုင်ရာဥပဒေတစ်ရပ်ရပ်အရ ( မူးယစ်ဆေးဝါး၊ ချဲ၊ထီ စသည့်) အရေးယူခံရပြီး နိုင်ငံဘဏ္ဍာအဖြစ် သိမ်းယူ ခြင်း ခံရသည့်အခန်းများဖြစ်သည်။

[စာညွန်း- ဦးမြင့်လွင်(တရားလွှတ်တော်ရှေ့နေ)၊ စာချုပ်စာတမ်းအမျိုးမျိုးချုပ်ဆိုနည်းလမ်းညွှန်၊ စာ ၅၅၊ ၅၆၊ ] ။

စာချုပ်နှင့်အသိသက်သေအကြောင်း
။။။။။။။။။။။။။။။။။။။။။။။။။။။။။။။။။။။။

ဒေါ်တင်မိုးခိုင် (ပြည်)

စာချုပ်ချုပ်ဆိုသူ တစ်ဦးဦးအနေဖြင့် စာချုပ်ချုပ်သူနေရာတွင် စာချုပ်ချုပ်သူအဖြစ် လက်မှတ်ထိုးမှ သာ စာချုပ်ပါကိစ္စကို သက်ဆိုင်သူ တစ်ဦးအနေနှင့် သက်သေအဖြစ် လက်မှတ်ထိုးနိုင်မည်ဖြစ်သည်။

သက်သေများက လက်မှတ်ရေးထိုးရာ၌ တစ်ကြိမ်တွင် သက်သေတစ်ဦးထက်ပို၍ ရှိနေရန် မလိုသည့်အပြင် မည်သည့်ပုံစံနှင့်မဆို လက်မှတ်ရေးထိုးခြင်းပြုနိုင်သည်။(ဥပမာ-လက်မှတ်ရေးထိုးခြင်း ၊ လက်ဗွေနှိပ်ခြင်း)

အသိသက်သေအဖြစ် လက်မှတ်ရေးထိုးပေးခြင်း ဆိုသည်မှာ စာချုပ်ချုပ်ဆိုသူတို့က စာချုပ်ချုပ်ဆိုကြောင်းကို သိရှိသူများအနေဖြင့် လည်း ကောင်း၊ စာချုပ်ပေါ်တွင် ချုပ်ဆိုသူတို့ လက်မှတ်ရေးထိုးသည်ကို မြင်သည့်အနေဖြင့် လည်း ကောင်း လက်မှတ်ရေးထိုးကြခြင်း ဖြစ်သည်။

ထိုသို့သိရှိခြင်း ၊ မြင်တွေ့ခြင်းမရှိဘဲ စာချုပ်ပေါ်တွင် လက်မှတ်ရေးထိုးရုံသက်သက် လက်မှတ်ရေးထိုးခြင်းမှာ အသိသက်သေအဖြစ် လက်မှတ်ရေးထိုးရာ မရောက်ပေ။

စာတမ်းအမှတ်အသားကို အသိသက်သေ လက်မှတ်ရေးထိုးရန် ဥပဒေအရ လိုအပ်စေကာမူ အသိသက်သေ လက်မှတ်ရေးထိုးထားသော စာတမ်းအမှတ်အသားကို ချုပ်ဆိုသူကိုယ်တိုင်က ချုပ်ဆိုခဲ့ကြောင်း ဝန်ခံချက်သည် ထိုသူအပေါ်တွင် ထိုစာတမ်း အမှတ်အသားကို ချုပ်ဆိုသူကိုယ်တိုင် လုံလောက်သည့် သက်သေသာဓက ဖြစ် သည် ဟု သက်သေခံ ဥပဒေပုဒ်မ( ၇၀) တွင်ပြဋ္ဌာန်းထားသည်။

ထိုပုဒ်မအရ အသိသက်သေ လက်မှတ်ရေးထိုးထားသော စာတမ်းအမှတ် အသားကို ချုပ်ဆိုသူကိုယ်တိုင်က ချုပ်ဆိုခဲ့ကြောင်း ဝန်ခံချက် ဟူ၍ ဖော်ပြထားရာ ချုပ်ဆိုသူက စာချုပ်ချုပ်ဆိုခဲ့ကြောင်း ဝန်ခံရုံမျှနှင့် မလုံ လောက်ချေ။အသိသက်သေများ လက်မှတ်ရေးထိုးထားသော စာတမ်းအမှတ်အသားကို ချုပ်ဆိုခဲ့ပါသည်ဟု ဝန်ခံမှသာ လုံလောက်သည့် ဝန်ခံချက် ဖြစ်သည်။

စာချုပ်စာတမ်းကို ချုပ်ဆိုသူက သက်သေများရှေ့တွင် လက်မှတ်ရေးထိုးရန်လိုသည်။ချုပ်ဆိုသူတို့က ထိုသို့ လက်မှတ်ရေးထိုးပြီးမှ အသိသက်သေများက လက်မှတ်ရေးထိုးရမည်။ချုပ်ဆိုသူတို့က အသိသက်သေများ၏ မျက်ကွယ်တွင် လက်မှတ်ရေးထိုးပြီးနောက် မိမိ၏ လက်မှတ်ဖြစ်ပါသည်ဟု ဝန်ခံပြောဆိုရုံမျှဖြင့် မလုံလောက်ဟု ၁၉၂၆ခုနှစ် ၊အက်ဥပဒေအမှတ် (၂၇ )ကိုမပြဋ္ဌာန်းမီက ဆုံးဖြတ်ခဲ့ကြသည်။

သို့ရာတွင် ၁၉၂၆ ခုနှစ်၊ အက်ဥပဒေအမှတ် (၂၇) ပြဋ္ဌာန်းပြီးနောက်ပိုင်းတွင် စာချုပ်ချုပ်ဆိုသူတို့က အသိ သက်သေ များ ရှေ့မှောက်တွင် လက် မှတ်မရေးထိုးသော်လည်း ၎င်းလက်မှတ်ဖြစ်ကြောင်း အသိသက် သေများအား ဝန်ခံပြောဆိုလျှင် ဥပဒေနှင့် ညီညွတ်သည်ဟု ဆုံးဖြတ်ကြသည်။

သက်သေများရှေ့မှောက်တွင် စာချုပ်သူက စာချုပ်၌ လက်မှတ်ရေးထိုးခြင်း ၊ အမှတ်အသားပြုခြင်းကို နှုတ်ဖြင့် သော်လည်းကောင်း၊ အမူအယာဖြင့်သော်လည်းကောင်း အခြားတစ်နည်းနည်းဖြင့်သော် လည်းကောင်း ပြုလုပ်ခြင်းသည် ကိုယ်တိုင်ဝန်ခံခြင်းမည်သည်။အကယ်၍ မိမိညွှန်ကြား ချက်အရ အခြားသူတစ်ဦးအား လက်မှတ်ရေးထိုးစေခဲ့လျှင် ရေးထိုးစေခဲ့ကြောင်း ကိုယ်တိုင်ဝန်ခံရန်လိုသည်။ကိုယ်စားလှယ်မှ တစ်ဆင့် ဝန်ခံ၍မရပါ။

မှန်ကြောင်းလက်မှတ် ရေးထိုးသည် ဆိုခြင်းမှာ စာချုပ်ချုပ်ဆိုသည်ကို သက် သေက တွေ့မြင်ခြင်းကို ဆိုလိုခြင်းဖြစ်သည်။မှန်ကြောင်းလက်မှတ် ရေးထိုးရန်လိုသည့် စာချုပ်စာတမ်းကို တရားရုံးတွင် မည်သို့မည်ပုံ ထင် ရှားအောင် ပြသရမည်ဟု သက်သေခံဥပဒေပုဒ်မ ( ၆၈ )အရ အနည်း ဆုံး အသက်ရှင်လျှက်ရှိသော သက်သေ တစ်ဦး သက်သေထူရန်လိုသည့်အပြင် စာချုပ်၌ အသိသက်သေ အနည်းဆုံးနှစ်ဦး လက်မှတ်ထိုးခဲ့ကြောင်း ထင်ရှားအောင်ပြသရသည်။

သက်သေခံဥပဒေပုဒ်မ ( ၆၉ )အရ အသိသက်သေကို ရှာမတွေ့လျှင် ဖြစ်စေ၊စာချုပ်သည် နိုင်ငံရပ်ခြား၌ ချုပ်ဆိုသော စာချုပ်ဖြစ်လျှင်ဖြစ်စေ သက်သေတစ်ဦးဦး၏ လက်မှတ်သည် ထိုသူ၏ လက်ရေးဖြစ်ကြောင်း တင်ပြလျှင် သက်သေကို စစ်ဆေးဘိသကဲ့သို့ အကျိုးသက်ရောက်သည်။

သက်သေခံဥပဒေပုဒ်မ (၇၀ )အရ စာချုပ်ချုပ်ဆိုသူက စာချုပ်ချုပ်ဆိုခြင်းကို ဝန်ခံလျှင် ချုပ်ဆိုကြောင်း လုံလောက်သည့် သက်သေခံချက်ဖြစ် သည်။

အပေါင်စာချုပ်ကို ဝန်ခံလျှင်မူ အသိသက်သေကို ရုံးသို့ ခေါ်ယူစစ်ဆေးရန်မလိုဘဲ အသိသက်၏ လက်မှတ်ကို အခြားနည်းဖြင့် ထင်ရှားအောင် ပြသနိုင်သည်။
အသိသက်သေက လက်မှတ်မထိုးရပါဟု ငြင်းဆိုလျှင်ဖြစ်စေ ၊သတိမရဟု ငြင်းဆိုလျှင်ဖြစ်စေ ပုဒ်မ (၇၁ )အရ စာချုပ်ချုပ်ဆိုကြောင်း ထင်ရှားအောင် အခြားသက်သေခံချက်ဖြင့် တင်ပြခွင့်ပြုထားသည်။

စာမတတ်သူသည် မှန်ကြောင်း လက်မှတ်ရေးထိုးသည့် သက်သေမဖြစ်နိုင်သော်လည်း ကြက်ခြေခတ်ခြင်း ၊လက်ဗွေနှိပ်ခြင်း အစရှိသည့် အမှတ် အသားကို ကိုယ်တိုင်ပြုလုပ်ပါက စာမတတ်သူတစ်ဦးသည် မှန်ကြောင်း လက်မှတ် ရေးထိုးသည့် သက်သေတစ်ဦး ဖြစ်လာနိုင်သည်။

စာချုပ်ရေးသားသူက စာချုပ်၌ လက်မှတ်ရေးထိုး ခြင်းမှာ စာရေးသူအနေဖြင့် လက်မှတ်ရေးထိုးခြင်း ဖြစ်သည်ဟု သာမန်အားဖြင့် ယူဆရသည်။သို့ရာတွင် စာရေးသူသည် စာချုပ်ပေါ်၌ စာချုပ်သူ လက်မှတ်ထိုးသည်ကို မြင်ခဲ့ ရလျှင် ဖြစ်စေ၊ စာချုပ်ရေးသားသူအား စာချုပ်သူက စာချုပ်၌ လက် မှတ်ထိုးခဲ့ကြောင်း ဝန်ခံလျှင်ဖြစ်စေ စာချုပ် ရေးသားသူသည် မှန်ကြောင်း လက်မှတ်ရေးထိုးသည့် သက်သေတစ်ဦးပင်ဖြစ်သည်။

ဒေါ်တင်မိုးခိုင် (ပြည်)