Panda Mart

ဝိတ်တတ်မှာစိုးလို့ ညစာကိုမစားပဲအငတ်မခံပါနဲ့
ဒါမျိုး အသားငါးအသီးအရွက် အသီးအနှံလေးတွေပြုတ်ပြီး အချဥ်လေးနဲ့တို့စား အဆာလည်းပြေ အငတ်လည်းမခံရ ဝိတ်လည်းကျ 🥙🥬🥒🥩🥦🌽

-photos

ထန်းမြစ်

ထန်းပင်မြစ်ကိုရော

စားဖူးကြလား။

ထန်းပင်မြစ်ဆိုတော့ အချို့မသိသေးသူများက ထန်းပင်ကြီးရဲ့ အမြစ်တွေလို့ထင်နေကြတော့ ရယ်လိုက်ရသေးတယ်..😁
ထန်းပင်ကြီးရဲ့အမြစ်က ကြီးမားလွန်းလို့ နွားတွေစားဖို့အတွက် နွားစာကျင်း(မြက်တွေထည့်ကျွေးတဲ့ခွက်ကြီး)တွေတောင် ထွင်းလို့ရပါတယ်။

စားလို့ရတဲ့ထန်းပင်မြစ်က ထန်းသီးအရင့်တွေကိုမြေမြုပ်ထားပီး ထွက်လာတဲ့ ထန်းပင်ပေါက်ပါ။ ဥပမာပြောရရင် ယာတောသူတို့စားနေတဲ့ ပဲပင်ပေါက်လိုဘဲပေါ့... အာ့တာကိုမစားရင် ထန်းပင်ကြီးဖြစ်လာမှာပေါ့လေ😁

သူ့အရသာက နုလွန်းရင်ခါးသက်သက်ဖြစ်တတ်ပီး... ရောင်းတန်းဝင်အရွယ်လောက်ဆိုရင်တော့ စားပီးရင်းစားချင်စရာကောင်းတဲ့ ထူးဆန်းတဲ့အရသာမျိုးလေးပါ။ မီးဖုတ်စားရင် အနံ့ပိုပီးမွှေးပါတယ်။

စားသုံးရန်အတွက်... ထန်းပင်မြစ်မီးဖုတ်(သို့)ထန်းပင်မြစ်ပြုတ်ကိုအခွံခွာပီးလျှင် ထန်းမြစ်ဖွေးဖွေးလေး တွေ့ပါလိမ့်မယ်။ ထိုထန်းမြစ်လေးရဲ့ အပေါ်ယံအမျှင်ပါးလေးကို နောက်တစ်ကြိမ်ထပ်ခွာပါ..
ထို့နောက်အလယ်ကနေခြမ်းကာ အထဲကအူတိုင်အနှံလေးကိုဖယ်ပီး စိတ်ကြိုက်စားလို့ရပါပီ(မစားဖူးသေးသူများ အတွက်ပြောတာပါနော်😁)

ထန်းပင်မြစ်ကို မီးဖုတ်ပီးလည်းစားလို့ရသလို ပြုတ်ပီးလည်း ဆီနဲ့ဆားနဲ့ တို့စားကြပါတယ်။
အချို့ကလည်း ထန်းမြစ်ကြော်၊ထန်းမြစ်နှမ်းထောင်း စသဖြင့်အမျိုးမျိုးစားလေ့ရှိကြပါတယ်။

ဒါ့ကြောင့် ယာတောသူတို့လည်းအညာစာတစ်မျိုးဖြစ်တဲ့ ထန်းပင်မြစ်ကို လမ်းကြုံရင်စားကြည့်ဖို့ မမေ့ကြပါနဲ့နော်😍

ဝက်မြေဥ (ခေါ်) မြေစာဥ 🌰🌰

အရသာက စီးတယ်ချိူတယ်အရသာကပိန်းဥလိုဖဲ
ပြုတ်ရင်အချိန်က ၄၅မိနစ်လောက်ထားပါ
မိုးကုတ်ဆေးဖက်ဝင် ​

ခန္ဓာကိုယ်အတွင်းမှာရှိတဲ့ အဆိပ်အတောက်တွေကိုဖယ်ရှားပေးနိုင်ပြီး သွေးလည်ပတ်မှုအားကောင်းစေပါတယ်
အတွင်းကအသားကိုစားပြီး ပြုတ်ထားတဲ့ရေကိုသောက်လို့ရပါတယ်

ကြက်/ဝက်/ပုဇွန်နှင့်ချက်စားလည်းကောင်းပါတယ်

အရသာက ကြွပ်တယ် စေးတယ် ချိုပါတယ်

water chestnut(ဝက်မြေဥ) ခေါ် မြေစာဥရဲ့ ဆေးဖက်ဝင်ပုံတွေကတော့

ခန္ဓာကိုယ်တွင်းအဆိပ်အပုပ်များကိုထုတ်ပေးတယ်

လည်ချောင်းနာကိုသက်သာစေတယ်

ရေဓာတ်ကိုထိန်းညှိပေးတယ်

အသားအရည်လှပစေတယ်

ခန္ဓာကိုယ်တွင်းကအပူဓာတ်ကို​ေလျှာ့ချပေးတယ်

ဆောင်းရာသီရဲ့ ရာသီ‌စာ ၀က်မြေစာဥ

၀က်မြေစာဥကတော့ ရေဆေးပြီး အစိမ်းလိုက်စားလို့ရသလို ပြုတ်ပြီးတော့စားရင်လည်းစိမ့်စိမ့်ကျွတ်ကျွတ်လေးနဲ့ အရသာရှိပါတယ်

အသီးတိုင်းစားသုံးကြတာရှိသလို ကိတ်မုန့်၊ Dim sum၊ မြန်မာမုန့်များမှာလည်း ထည့်ပြီး စားသုံးလေ့ရှိပါတယ်

တရုတ်ဟင်းလျာတော်တော်များများမှာလည်း topping အနေနဲ့ ချက်ပြုတ်လေ့ရှိပါတယ်

အခုဆိုရင် ဆောင်းရာသီ၀င်စကာလရောက်ပြီဆိုတော့ ၀က်မြေစာဥ လေးတွေပေါ်လာပါပြီနော်

တနှစ်မှာ ၃လလောက်ပဲ ပေါ်တာမို့ ရှားရှားပါးပါးစားသုံး ရတယ်ဆိုလည်းမမှားပါဘူး

ဗီတာမင်နဲ့သတ္တုဓာတ်ကြွယ်၀စွာပါ၀င်ပြီး
မျက်စိကျန်းမာရေးကိုကောင်းမွန်စေပါတယ်

ခေါင်းကိုက်ခြင်းကိုသက်သာစေသလို နှလုံးကျန်းမာရေး၊အရိုးပွခြင်း နဲ့ သွားကျန်းမာရေးကိုပါကောင်းမွန်စေပါတယ်

ရာသီပေါ်ဓာတ်စာဖြစ်တာနဲ့အညီ ကျန်းမာရေးကို ကောင်းမွန်စေလို့ အချိန်ကိုက်စားသုံးပေးသင့်တဲ့အသီးလည်းဖြစ်ပါတယ်

ဘယ်ဆန်အမျိုးအစားချက်ချက် ရေစိမ်ကြပါရှင်
ဆန်ကို မချက်မီ ရေစိမ်ထားသင့်သည့် အကြောင်းများ

“တစ်ည”ရေစိမ်ထားနိုင်မယ်ဆိုရင် Arsenic ပမာဏဟာ ၈၀% ခန့် လျော့ကျသွားပါသတဲ့။
တစ်ည မစိမ်နိုင်ရင်လည်း ၃-၄ နာရီပေါ့။

Arsenic ဟာ heavy metal စာရင်းထဲမှာ ပါနေပါတယ်။
“Heavy metal refers to any metallic chemical element that has a relatively high density and is toxic or poisonous at low concentrations”

Arsenic ၏ ဘေးရန်
Arsenic အဆိပ်သင့်ရင် နှလုံးရောဂါ/ဆီးချို/ကင်ဆာရောဂါ များနဲ့ ဆက်နွယ်နေပါတယ်တဲ့။ ကလေးတွေရဲ့ပုံမှန် သိမြင်မှု ဖွံ့ဖြိုး တိုးတက်ရေးကိုလဲ နှောင့်နှေးစေတတ်ပါတယ်တဲ့။(cognitive development)
(WHO )

Arsenic ဟာ ဘယ်လိုကြောင့် ဆန်ထဲမှာ ရောက်နေရတာပါလဲ?
ဆန်စပါး စိုက်ပျိုးတဲ့အခါ စပါးပင်တွေဟာ အခြားအပင်တွေထက် Arsenicကို ပိုပြီး စုတ်ယူတတ်ပါတယ်တဲ့။
မြေကြီးထဲက ဖြစ်စေ/စပါးပင်တွေကို ပေးတဲ့ရေထဲက ဖြစ်စေ/
အချို့သော ဓာတ်မြေဩဇာထဲက ဖြစ်စေ/ ပိုးသတ်ဆေး ပေါင်းသတ်ဆေး စသည်ဖြင့်ကနေ ဖြစ်စေ စပါးထဲကို ရောက်ပါသတဲ့။

ဆန်ကို မချက်ခင် ဆေးပြီးတဲ့အခါ ရေစိမ်သင့်တဲ့ အဓိက အကြောင်း ဖြစ်ပါတယ်။ လုပ်နေကျဆိုရင် ကျင့်သား ရသွားပါလိမ့်မယ်။

အခြားအကြောင်းတွေကတော့ ထမင်းချက်ဖို့ ကြာချိန်ဟာ လည်း လျော့သွားပါတယ်။ ဆန်အစေ့တွေဟာ ရေနဲ့ဝလာပြီး ပျော့ပြောင်းလာပါတယ်။

Sushi rice / Basmati rice from California, Pakistan, and India
ဟာ Arsenic နည်းပါသတဲ့။
According to Consumer Report

မြန်မာပြည်မှာလည်း “ဒေသအလိုက်” Arsenic level အနည်းအများ ကွာခြားမှု ရှိနိုင်ပါတယ်။

ကိုယ်လုပ်ရမဲ့ တာဝန်ကတော့ ဆန်ကို ရေဆေးပြီးတဲ့အခါ ရေစိမ်ဖို့ပါ။
ရေစိမ်ထားတဲ့ဆန်ဟာ ချက်ရင်လဲ ပိုလှတယ်/ နူးနူးညံ့ညံ့လဲ ရှိတယ်။
Heavy metal Arsenic လျော့နည်းမယ်ဆိုတော့လဲ လုပ်သင့်လုပ်ထိုက်တာ လုပ်ရမှာပါပဲ။

အစစ အရာရာမှာ ဗဟုသုတနဲ့ပြည့်စုံနေတာ ကိုယ်အတွက် သာမက မိသားစု အတွက်ပါ အလွန်ကောင်းတယ်နော်။
ဆရာမကြီးဒေါက်တာခင်နွယ်ဝင်း
-photo