Pone Pyin

အချစ်ရေ.... 💕
မေတ္တာနဲ့ သိက္ခာတွေဖြန့်ကြဲထားတဲ့
လမ်းတစ်ခုကိုဖြတ်လို့
သတ္တိတွေရင်းပြီး မင်းရဲ့
မေတ္တာခြံ‌ရှေ့အထိ ကိုယ်လျှောက်လှမ်းလာခဲ့ပါတယ်။
မင်းကတော့
မင်းရဲ့နှလုံးအိမ်ထဲကနေ ထွက်‌တွေ့ဖို့ကို
တွေဝေတွန့်ဆုတ်နေပါရော့လား။
မင်းနဲ့ဆုံရမလား မျှော်လင့်ချက်နဲ့
ကိုယ်ခဏတော့ ခြံရှေ့လေးမှာပဲ
ရပ်စောင့်နေဦးမယ်ကွယ်။
အချိန်တန်ရင်တော့
ကိုယ်လာရာလမ်းအတိုင်း
နောက်ပြန်လှည့်သွားပါရစေကွယ်။

နာကျင်တဲ့ ငိုရှိုက်သံတွေကို မင်းကြားရဲ့လား။
ဒါမှမဟုတ်
မင်းနားရော နားထောင်နေရဲ့လား။
စိတ်ထောင်းလို့
နှလုံးသားတွေ ကြေရပါတယ်။
အချစ်ရယ်.....

မေတ္တာမှာ အသွားအပြန်ရှိမှ
စကားလုံးတွေနဲ့ဖော်ပြနေမှမဟုတ်ပါဘူး။
တစ်စုံတစ်ယောက်ကို မေတ္တာထားမိတဲ့အခါ
သူလျစ်လျူရှုလည်း မေတ္တာမပျက်။
သူ့ဘက်က မေတ္တာမပေးနိုင်လည်း မေတ္တာမပျက်။
အမြဲ အရိပ်တကြည့်ကြည့်ပါပဲ အချစ်ရယ်။
ကိုယ့်ရဲ့ အဝေးကပို့သလျက်မေတ္တာတွေကြောင့်
အကို အမြဲအေးချမ်းပါစေကွယ်။ 🍀