My Doctor

နယုန်လပြည့်နေ့မှာ ကျေးဇူးတော်ရှင် မြတ်စွာဘုရားသခင်ဟာ များပြားလှစွာသော နတ်ဗြဟ္မာ ပရိသတ်တို့ကို မဟာသမယ သုတ် တရားတော် ကိုဟောကြားတော်မူခဲ့တဲ့နေ့ဖြစ်ပါတယ်။

ယနေ့ကျရောက်တဲ့ နယုန်လပြည့် (မဟာသမယ)နေ့မှာ ကိုယ်စိတ်နှစ်ဖြာအေးချမ်းသာယာကြပါစေကြောင်း ဆုမွန်ကောင်းတောင်းလိုက်ရပါတယ်။

အမျိုးသမီးဖြစ်လို့ စိတ်ညစ်နေတုန်းလား?

မိန်းကလေး ဖြစ်ရလို့ စိတ်ညစ်လိုက်တာ ယောက်ျားလေး ဖြစ်ချင်တာဆိုပြီး မိန်းကလေးဆိုတဲ့ ဖြစ်တည်မှုကို သဘောမကျ ဖြစ်နေတာများ ရှိလား !ဒါဆိုရင်တော့ မိန်းကလေး ဖြစ်ရတာကို စိတ်ညစ်မနေပါနဲ့လို့ ပြောချင်ပါတယ်။

အမျိုးသမီးဖြစ်ရခြင်းကြောင့် ကျန်းမာရေးအကျိုးကျေးဇူးများစွာရှိပါတယ်...အဲ့ဒါတွေကတော့

အမျိုးသမီးတွေမှာ ရှိတဲ့ မဟော်မုန်းတွေက အမျိုးသမီးတွေကို အမျိုးသားတွေထက် ကျန်းမာစေဖို့ ထောက်ကူအားဖြည့်ပေးပါတယ်။

အမျိုးသမီးတွေက မိတ်ဆွေသူငယ်ချင်းတွေ မိသားစုဝင်တွေနဲ့ နွေးထွေးတဲ့ ဆက်ဆံရေးကို တည်ဆောက်ထားတတ်ကြပြီး ပျော်ရွှင်တဲ့ နေထိုင်မှု ပုံစံတွေကြောင့် ပိုကျန်းမာကြပြီး ပို အသက်ရှည် ကြပါတယ်။

အမျိုးသမီးတွေရဲ့ အီစထရိုဂျင် ဟော်မုန်းက နှလုံးရောဂါ မဖြစ်အောင် ကာကွယ်ထားပေးနိုင်ပါတယ်။

ရာသီလာရင် နာကျင်ကိုက်ခဲတာတွေကို ခံရတာ၊ ကိုယ်ဝန်ဆောင်ချိန်မှာ နာကျင်မှုတွေကို ခံစားရတာတွေကြောင့်ရော ခန္ဓာကိုယ်ရဲ့ ဖွဲ့စည်းမှုကြောင့်ပါ မိန်းကလေးတွေက နာကျင်မှုကို ခံနိုင်စွမ်း ပိုရှိကြပါတယ်။

အမျိုးသမီးတွေက အမျိုးသားတွေထက် အာရုံခံစားနိုင်တဲ့ ဆဲလ်အရေအတွက် ပိုများတာကြောင့်လည်း အနံ့ခံ အာရုံ ပိုကောင်းပါတယ်။

အကျိုးပြု ကိုလက်စထရောက နှလုံးကျန်းမာစေဖို့ ထောက်ကူပေးနိုင်ပါတယ်။ အမျိုးသမီးတွေက အမျိုးသားတွေထက် အကျိုးပြု ကိုလက်စထရော ပိုများနေတာကြောင့်လည်း နှလုံးနဲ့ သွေးကြောတွေ ကျန်းမာကြတာပါ။ အမျိုးသမီးဖြစ်ရတာက အခုလို ကျန်းမာရေးကောင်းကျိုးတွေ ပိုများတာကြောင့် စိတ်ညစ်မနေနဲ့တော့နော်....

ဒီလိုမျိုး ကျန်းမာရေးဗဟုသုတတွေ နေ့စဉ်ဖတ်ရှုနိုင်ဖို့ My Doctor Page ကို Like & Follow လုပ်ပေးထားဖို့ မမေ့လိုက်နဲ့ဦးနော်။ 🥰🌠

တနေ့လုံး ကွန်ပြူတာကြည့်နေရလို မျက်စိမထိခိုက်စေဖို့

အဲကွန်းခန်းလေးထဲမှာ အလုပ်လုပ်နေတဲ့ သူတွေတိုင်း ဇိမ်ကျပြီး အရမ်း သက်သာမှာပဲလို့ ထင်တတ်ကြပေမဲ့ အဲ့လို အလုပ်လုပ်နေရတဲ့ သူတွေမှာလည်း ကြုံရတတ်တဲ့ အခက်အခဲတွေ ရှိပါတယ်။ တစ်နေ့လုံး ထိုင်ပြီး အလုပ်လုပ်နေရတာကြောင့် အဝလွန်လာခြင်း၊ အဆီကယ်လိုရီတွေ လောင်ကျွမ်းနှုန်းနှေးသွားခြင်း၊ အိုမင်းရင့်ရော်လာခြင်း၊ အသားခြောက်ခြင်း၊ သွေးတိုး၊ဆီးချိုဖြစ်တာတွေတင်မကဘဲ မျက်လုံးအောင့်ခြင်း၊ မျက်ရိုးကိုက်ခြင်း၊ တစ်နေ့လုံး ကွန်ပြူတာကြည့်ထားတဲ့အရှိန်ကြောင့် မျက်စိကြောင်ပြီး အိပ်မပျော်ခြင်း နဲ့ ဇက်ကြောတက်ခြင်း စတဲ့ ကျန်းမာရေးပြဿနာတွေကို ကြုံတွေ့ရတတ်ပါတယ်။

ဒါကြောင့် တနေ့လုံး ကွန်ပြူတာကြည့်နေရလို့ မျက်စိမထိခိုက်စေဖို့ နည်းလမ်းလေးတွေကို ဖော်ပြလိုက်ရပါတယ်။

ကွန်ပြူတာပဲ ကြည့်ကြည့်၊ ဖုန်းပဲ သုံးသုံး အနည်းဆုံး တစ်ပေမှ နှစ်ပေအကွာကနေ ခွာပြီး အသုံးပြုပေးခြင်း
ကွန်ပြူတာက လာတဲ့ အလင်းရောင်တွေဟာ မျက်လုံးအတွင်းသားထဲက ရေဓာတ်၊ အဆီဓာတ်တွေကို ခန်းခြောက်သွားစေလို့ တစ်နေ့ကို တစ်ကြိမ်တော့ မျက်စဉ်းခတ်ပေးခြင်း
ကွန်ပြူတာကနေ ပြန်လာတဲ့အလင်းဟာ မျက်လုံးစူးလောက်တဲ့အထိ ပြင်းထန်တာမျိုး မလုပ်သင့်ပါဘူး။ ကိုယ့်မျက်စိက ကောင်းကောင်းလည်း မြင်နိုင်ရမယ်၊ အလင်းကြီး အရမ်းစူးတာမျိုးလည်း မဖြစ်စေဖို့ သင့်တော်သလောက် ဆက်တင်ချိန်ထားခြင်း
နာရီဝက်လောက် အလုပ်လုပ်၊ ၁၀ မိနစ်လောက် ကိုယ့်မျက်စိကို မှိတ်ထားတာ၊ တစ်နေရာရာ ထသွားတာ၊ လမ်းလျှောက်တာ၊ သဘာဝ အလင်း၊ ပတ်ဝန်းကျင်ကို ကြည့်တာမျိုး လုပ်ပေးခြင်း
အလုပ်များလို့ဆိုပြီး ရေမသောက်ဘဲ မေ့နေတာမျိုး မဖြစ်ရလေအောင် ကိုယ့်ကိုယ်ကိုယ် အမြဲသတိပေးပါ။ တခြား အစာအာဟာရ အနေနဲ့ အသီးအနှံ၊ ငါး၊ အစေ့အဆန်တွေကိုလည်း စားပေးခြင်း စတာတွေကို ပြုလုပ်ခြင်းဖြင့် ကွန်ပျူတာအကြည့်များခြင်းကြောင့် ကြုံလာနိုင်တဲ့ မျက်လုံး ပြဿနာတွေကို အနည်းငယ်တော့ လျော့သွားစေနိုင်ပါတယ်။

ဒီလိုမျိုး ကျန်းမာရေးဗဟုသုတတွေ နေ့စဉ်ဖတ်ရှုနိုင်ဖို့ My Doctor Page ကို Like & Follow လုပ်ပေးထားဖို့ မမေ့လိုက်နဲ့ဦးနော်။ 🥰🌠