PROBIO

သားခွဲဝက်လေးတွေ အလေးချိန်အမြန်တက်အောင် ဘယ်လိုမွေးမြူမလဲ?

မြန်မာနိုင်ငံအတွင်း ဝက်မွေးမြူရေးလုပ်ငန်းရှင်အများစုဟာ ဝက်ပေါက်သားခွဲပြီးနောက်ပိုင်း ကျွေးသလောက် အလေးချိန်မတက်ခြင်း၊ အစာစားနှုန်းလျော့နည်းခြင်း၊ ဝမ်းရောဂါဖြစ်ပွားခြင်း စတဲ့အချက်တွေကို ရင်ဆိုင်နေရဆဲဖြစ်ပါတယ်။

သားခွဲဝက်လေးတွေဟာ မိခင်နို့သောက်သုံးရာမှ သားခွဲဝက်စာ (creep feed) ကို ပြောင်းလဲကျွေးတဲ့အခါ အူလမ်းကြောင်းတစ်လျှောက် အပြောင်းအလဲဖြစ်ခြင်း၊ ရောဂါဖြစ်စေနိုင်တဲ့ ဘက်တီးရီးယားပိုးများ အူလမ်းကြောင်းသို့ ဝင်ရောက်ခြင်း၊ ကျွေးတဲ့အစာမှာ မှိုဆိပ်ပါဝင်ခြင်းတို့ကြောင့် အစာစားနှုန်းလျော့နည်းတာ၊ ဝမ်းပျော့တာ၊ ဝမ်းရောဂါဖြစ်တာတွေ အတွေ့ရများတတ်ပါတယ်။

ယခုလိုဝမ်းရောဂါနှင့် ရင်ဆိုင်ရတဲ့အခါ အစာချေဖျက်စုပ်ယူတဲ့စနစ် ထိခိုက်ပျက်စီးပြီး သားခွဲဝက်လေးတွေမှာ အစာကုန်ကျစရိတ်များကာ အလေးချိန်မတက်တာဖြစ်ပါတယ်။ သားခွဲဝက်လေးတွေ အလေးချိန်တက်အောင် အကောင်းဆုံးလုပ်ဆောင်နိုင်တဲ့ နည်းလမ်းကတော့ ဝက်ကလေးတွေရဲ့ အူလမ်းကြောင်းကျန်းမာရေးကို အထူးဂရုစိုက်ပေးခြင်းပဲ ဖြစ်ပါတယ်။

သားခွဲဝက်လေးတွေမှာ အူလမ်းကြောင်း ကျန်းမာရေး အကောင်းဆုံးအနေအထားရှိလျှင် ကျွေးသမျှဝက်စာကို ကောင်းမွန်စာ ချေဖျက်စုပ်ယူနိုင်တာကြောင့် ခုခံအားစနစ်ကိုပါအထောက်အကူ ဖြစ်စေပါတယ်။ စီးပွားဖြစ်ဝက်မွေးမြူရေးကို အောင်အောင်မြင်မြင်လုပ်ဆောင်နိုင်ဖို့ဆိုလျှင် ဝက်ပေါက်သားခွဲတဲ့အချိန်ဟာ အရေးအကြီးဆုံးကာလဖြစ်ပါတယ်။ ယခုနောက်ပိုင်း မွေးမြူရေးသမားအများစုဟာ ဝက်ပေါက် (၃) ပါတ်မှ (၄)ပါတ်သား အရွယ်ရောက်လျှင် သားခွဲကြပါတယ်။

သားခွဲဝက်လေးတွေမှာ အစာစားနှုန်း လျော့နည်းစေတဲ့အချက်တွေကတော့

• ဝက်မကြီးနဲ့ သားခွဲပြီး ပတ်ဝန်းကျင်အသစ်သို့ရောက်ရှိခြင်း
• အခြားသားခွဲဝက်ပေါက်လေးတွေနှင့်အတူ မွေးမြူခြင်း
• ဝက်စာရုတ်တရက် ပြောင်းလဲကျွေးခြင်းစတဲ့ အချက်တွေက အဓိကလွှမ်းမိုးထားပါတယ်။

အထက်ပါအချက်တွေကြောင့် ဝက်ပေါက်အများစု သားခွဲပြီးနောက်ပိုင်း အစာစားနှုန်းလျှော့နည်းခြင်း၊ အစာစားချင်စိတ်မရှိခြင်း ဖြစ်ပါတယ်။ ဝက်မွေးမြူရေးလုပ်ငန်းရှင်တွေအနေဖြင့် သားခွဲပြီး နောက်ပိုင်းကြုံတွေ့ရတဲ့ အူလမ်းကြောင်းကျန်းမာရေးအတွက် ဝက်ငယ်လေးတွေကို ကျွေးတဲ့အစာမှာ အူလမ်းကြောင်းအားဆေး (Probio-S 20) ကို ရောစပ်ကျွေးနိုင်ပါတယ်။

သားခွဲဝက်လေးတွေရဲ့အစာမှာ အူလမ်းကြောင်းအားဆေး (Probio-S 20) ကို ထည့်စပ်ကျွေးခြင်းဖြင့်

• ဝမ်းနှင့်ဆိုင်တဲ့ ပြဿနာများနှင့် ကုန်ကျစရိတ်များ နည်းပါးသွားခြင်း
• အူလမ်းကြောင်းမှ အစာစုပ်ယူမှု ပိုမိုအားကောင်းစေပြီး အသားတိုးလွယ်ခြင်း
• အူလမ်းကြောင်းတစ်လျှောက်တွင် အကျိုးပြုပိုးမွှားများသည် ရောဂါဖြစ်စေနိုင်တဲ့ ပိုးမွှားများနှင့် ယှဉ်ပြိုင်နေရာယူခြင်းဖြင့် ရောဂါဖြစ်စေနိုင်တဲ့ ပိုးမွှားများ တွယ်ကပ်မှုကို လျော့ကျစေခြင်း
• ကိုယ်ခံအားကောင်းမွန်လာခြင်း
• Natural Antibiotic များထုတ်ပေးပြီး ရောဂါဖြစ်စေတဲ့ ဘက်တီးရီးယားများအား သေစေခြင်းစတဲ့ အကျိုးကျေးဇူးများရရှိစေပါတယ်။
__________
𝐌𝐲𝐚𝐧𝐦𝐚𝐫 𝐈𝐧𝐧𝐨𝐯𝐚𝐭𝐢𝐯𝐞 𝐋𝐢𝐟𝐞 𝐒𝐜𝐢𝐞𝐧𝐜𝐞𝐬 အနေဖြင့် ကြက်နှင့် ဝက်မွေးမြူရေးနှင့် ကျန်းမာရေးအတွက် အရေးကြီးသည့် အူလမ်းကြောင်းအားဖြည့်ဆေး 𝐏𝐑𝐎𝐁𝐈𝐎 ကို မြန်မာနိုင်ငံ အစားအသောက်နှင့် ဆေးဝါးကွပ်ကဲရေးဌာန 𝐅𝐃𝐀 ၏ ခွင့်ပြုချက်လိုင်စင်နှင့်အညီ ပြည်တွင်း၌ ထုတ်လုပ်ကာ မြန်မာနိုင်ငံရှိ ကြက်၊ဝက်နှင့် အခြားသောတိရိစ္ဆာန်များ မွေးမြူရေးလုပ်ငန်းရှင်များကို ကူညီနိုင်ရန်အသင့်ရှိနေပါတယ်။

𝐏𝐑𝐎𝐁𝐈𝐎 ဖြန့်ချိရေးနှင့် ကိုယ်စားလှယ်မှာယူလိုသူများ တိုက်ရိုက်ဆက်သွယ်ရန် -

အထက်မြန်မာပြည် အရောင်းတာဝန်ခံ
ဦးရဲမြင့် - 09259061312, 09440008164

အောက်မြန်မာပြည် အရောင်းတာဝန်ခံ
‌‌ဒေါက်တာမောင်စိုးမိုး‌‌ - 09770916892

ကိုအောင်ကိုဝင်း - 09442647210

ရန်ကုန်ရုံးချုပ် - 09263709553
Myanmar Innovative Life Sciences (MILS)
အမှတ် ၁၆၅၊ အောင်ဇေယျာလမ်းသွယ် ၁၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။
Website: www.milsciences.com
E-mail: [email protected]
Viber: https://invite.viber.com/?g2=AQBEhFLj8bcs0lW3cesV5Eqj%2BxoXjU8viVQqChfb11LXwp1peg7HibY%2BiP5j9aIY
TikTok: https://www.tiktok.com/?_r=1&_t=ZS-95wQrvTAqhw

ကြက်မွေးမြူရေးတွင် နွေရာသီအပူဒဏ်ကာကွယ်ရေး (အပိုင်း ၂)

အပိုင်း (၁) မှာ နွေရာသီအပူဒဏ်ရဲ့ အခြေခံအကြောင်းအရာတွေနဲ့ ကြက်တွေရဲ့ ပထမဆုံးတုံ့ပြန်မှုတွေကို ပြောပြခဲ့ပြီးပါပြီ။ ဒီအပိုင်းမှာတော့ အပူဒဏ်ကြောင့် ဖြစ်ပေါ်လာနိုင်တဲ့ ပိုမိုနက်ရှိုင်းတဲ့ ဆိုးကျိုးတွေနဲ့ ရောဂါရှာဖွေနည်းတွေကို ဆက်လက်လေ့လာကြည့်ရအောင်။

အပူဒဏ်ရဲ့ အန္တရာယ်ရှိသော ဆိုးကျိုးများ

ကြာရှည်စွာ အပူချိန်မြင့်မားမှုနဲ့ ကြုံတွေ့ရတဲ့အခါ ကြက်တွေရဲ့ ခန္ဓာကိုယ်တွင်း စနစ်တွေဟာ ထိခိုက်ပျက်စီးလာပြီး အောက်ပါအန္တရာယ်ရှိတဲ့ ပြဿနာတွေ ဖြစ်ပေါ်လာနိုင်ပါတယ်:

(A) ကိုယ်တွင်းအင်္ဂါများဆီသို့ သွေးထောက်ပံ့မှု လျော့ကျခြင်း
• အစာခြေဖျက်မှု မကောင်းခြင်းကြောင့် ကြီးထွားနှုန်းနှေးခြင်း နှင့် FCR (အစာမှ ဥ/အသား ဖြစ်နှုန်း အချိုး) မြင့်တက်ခြင်း။
• အူလမ်းကြောင်းရောင်ယမ်းခြင်းနှင့် ဘက်တီးရီးယား ပေါက်ဖွားမှု ပိုမိုလာခြင်းကြောင့် ခန္ဓာကိုယ်အလေးချိန် လျော့ကျခြင်း။

(B) ခန္ဓာကိုယ်တွင်း အက်ဆစ်-ဘေ့စ် မျှခြေ မရှိခြင်း
• ပါးစပ်ဟပြီး အသက်ရှူနှုန်းမြန်ခြင်း (Panting) ကြောင့် ကာဗွန်ဒိုင်အောက်ဆိုဒ် (CO2) ဆုံးရှုံးပြီး သွေးတွင်း pH မြင့်တက်ကာ Alkalosis ဖြစ်စေပါတယ်။
• နောက်ပိုင်းမှာ ကျောက်ကပ်ရဲ့ တုံ့ပြန်မှုကြောင့် Systemic Acidosis ဖြစ်ပေါ်လာပြီး Acid Shock နဲ့ သေဆုံးနိုင်ပါတယ်။
• ကာကွယ်ရန်: အစာထဲတွင် Ammonium Chloride (0.3 – 1%)၊ Sodium Bicarbonate (1-2%) နှင့် Sodium chloride (အိမ်သုံးဆား) 0.25% (2.5 Kg/Ton of Feed) ထည့်သွင်းပေးနိုင်ပါတယ်။

(C) ခန္ဓာကိုယ်တွင်း ရေဓာတ် မညီမျှမှု
• အပူဒဏ်ခံနေရချိန်မှာ ဆီးနဲ့ အသက်ရှူနှုန်းမြန်မှုကြောင့် ရေဓာတ်ဆုံးရှုံးမှု 60% ထက် ပိုမိုများပြားပါတယ်။
• Dehydration ဖြစ်စေပြီး သွေးပမာဏ လျော့ကျကာ Blood Pressure ကျစေပါတယ်။
• ရေပိုသောက်ပေမယ့် Electrolytes နဲ့ Organic Osmolytes (Betaine, Sorbitol, Inositol) များ ဆုံးရှုံးမှုကြောင့် ဆဲလ်တွေမှာ ရေထိန်းထားနိုင်မှု လျော့ကျပြီး ခန္ဓာကိုယ်အပူချိန် ထပ်မံမြင့်တက်စေပါတယ်။
• ကာကွယ်ရန်: အစာထဲတွင် Betaine (Osmolytes) နှင့် Electrolytes (Betamint) ထည့်သွင်းကျွေးခြင်းဖြင့် Water Balance ကို ထိန်းသိမ်းပေးနိုင်ပါတယ်။

(D) ခုခံအား ဖိနှိပ်ခြင်း
•ပူပြင်းတဲ့ရာသီဥတုမှာ Adrenals မှ Corticosteroid ထွက်ရှိပြီး Plasma Vitamin C ကို လျော့ကျစေတာကြောင့် Lymphocyte Count နည်းစေပြီး ခုခံအားကျဆင်းစေပါတယ်။

ရောဂါရှာဖွေခြင်း (Diagnosis)

အပူဒဏ်ခံစားရမှုမှာ ဆဲလ်တွင်း Calcium Concentration မြင့်တက်မှုကြောင့် Creatinine Kinase အင်ဇိုင်းကို ဆဲလ်တွင်းမှ Plasma ထဲသို့ ထုတ်လွှတ်မှု မြင့်တက်လေ့ရှိပါတယ်။ Plasma ထဲမှာ Creatinine Kinase မြင့်တက်ခြင်းဟာ အပူဒဏ်ခံစားရမှုကို ပြသခြင်းဖြစ်ပါတယ်။

နောက်ဆုံးအပိုင်းမှာတော့ ကြက်တွေကို အပူဒဏ်ကနေ ဘယ်လိုကာကွယ်မလဲဆိုတဲ့ လက်တွေ့ကျတဲ့ နည်းလမ်းကောင်းတွေကို တင်ပြပေးသွားမှာဖြစ်ပါတယ်။
----------------
Myanmar Innovative Life Sciences Co., Ltd မှပြည်တွင်း၌ပင် အစားအသောက်နှင့်ဆေးဝါးကွပ်ကဲ ရေးဦးစီးဌာန (FDA) ၏ ဆေးဝါးထုတ်လုပ်ခွင့်ပြုချက်လိုင်စင် နှင့်အညီ စံချိန်စံညွှန်းပြည့်မီစွာဖြင့် စနစ်တကျ ထုတ်လုပ်ဖြန့်ချိ လျက်ရှိတဲ့ အရည်အသွေးမြင့်အစာလမ်းကြောင်းအားဖြည့်ဆေး PROBIO-P က ဥစား/အသားစားကြက်မွေးမြူရေး လုပ်ငန်းရှင် များကို ကူညီဖို့ အမြဲအဆင်သင့်ရှိနေပါတယ်။

𝐏𝐑𝐎𝐁𝐈𝐎 ဖြန့်ချိရေးနှင့်ကိုယ်စားလှယ်ယူလိုသူများ တိုက်ရိုက်ဆက်သွယ်ရန်ရုံးချုပ်လိပ်စာ-

အထက်မြန်မာပြည် အရောင်းတာဝန်ခံ ဦးရဲမြင့်
09259061312/ 09440008164

အောက်မြန်မာပြည် အရောင်းတာဝန်ခံ Dr. Mg Soe Moe
09770916892

ကိုအောင်ကိုဝင်း - 09442647210

ရန်ကုန်ရုံးချုပ် - 09263709553
Myanmar Innovative Life Sciences (MILS)
အမှတ် ၁၆၅၊ အောင်ဇေယျာလမ်းသွယ် ၁၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။
Website: www.milsciences.com
E-mail: [email protected]
Viber: https://invite.viber.com/?g2=AQBEhFLj8bcs0lW3cesV5Eqj%2BxoXjU8viVQqChfb11LXwp1peg7HibY%2BiP5j9aIY
TikTok: https://www.tiktok.com/?_r=1&_t=ZS-95wQrvTAqhw

#ကြက်မွေးမြူရေး #နွေရာသီအပူဒဏ်

ကြက်မွေးမြူရေးတွင် နွေရာသီအပူဒဏ်ကာကွယ်ရေး (အပိုင်း ၁)

နွေရာသီရောက်ပြီဆိုတာနဲ့ ကြက်မွေးမြူရေးလုပ်ငန်းရှင်တွေအတွက် စိန်ခေါ်မှုတစ်ခုကတော့ အပူဒဏ် (Heat Stress) ပါပဲ။ ကမ္ဘာ့နေရာအနှံ့အပြားမှာ နေ့အပူချိန် 40°C (104°F) အထိ မြင့်တက်လာတာကြောင့် ကြက်တွေဟာ အပူဒဏ်ကို ပြင်းပြင်းထန်ထန် ခံစားရပါတယ်။

အပူဒဏ်ဆိုတာဘာလဲ?

ကြက်တွေဟာ ပတ်ဝန်းကျင်အပူချိန် 18-24°C (65-75°F) အတွင်းမှာ အသက်သာဆုံးနေထိုင်နိုင်ပြီး ဒါကို Zone of Thermoneutrality လို့ခေါ်ပါတယ်။ ဒီအပူချိန်ထက် ကျော်လွန်လာတာနဲ့အမျှ ကြက်တွေရဲ့ ခန္ဓာကိုယ်ဟာ အပူဒဏ်ကို စတင်ခံစားရပါတယ်။

အပူဒဏ်ရဲ့ဆိုးကျိုးများ

နွေရာသီအပူဒဏ်ဟာ ကြက်တွေရဲ့ ကျန်းမာရေးနဲ့ ထုတ်လုပ်မှုအပေါ် ဆိုးရွားစွာ သက်ရောက်မှုရှိပါတယ်။

• အသားတိုးနှုန်းနှင့် FCR ကျဆင်းခြင်း
• ကြက်ဥထုတ်လုပ်မှုနှင့် ဥခွံအရည်အသွေး ထိခိုက်ခြင်း
• ဥဖောက်စက်ပေါက်နှုန်း လျော့ကျခြင်း
• သေဆုံးနှုန်း မြင့်တက်ခြင်း
• ခုခံအားကျဆင်းခြင်း
• ရောဂါကျရောက်နိုင်ခြေ ပိုများလာခြင်း

ကြက်တွေရဲ့ ပထမဆုံးတုံ့ပြန်မှုများ

အပူဒဏ်ခံစားရတဲ့အခါ ကြက်တွေဟာ ခန္ဓာကိုယ်အပူချိန်ကို ထိန်းညှိဖို့အတွက် အောက်ပါတုံ့ပြန်မှုတွေကို ပြသတတ်ပါတယ်:

1. သွေးလှည့်ပတ်မှု မြင့်တက်ခြင်း: အရေပြားနှင့် အသက်ရှူလမ်းကြောင်းအပေါ်ပိုင်းသို့ သွေးစီးဆင်းမှု ၂ ဆမှ ၄ ဆအထိ ပိုမိုမြင့်တက်လာပါတယ်။

2. အသက်ရှူနှုန်းမြန်ခြင်း (Panting): ပါးစပ်ဟပြီး အသက်ရှူနှုန်းနဲ့ နှလုံးခုန်နှုန်း မြန်ဆန်လာပါတယ်။

3. ရေသောက်နှုန်း မြင့်တက်ခြင်း: ပုံမှန်ထက် ၁.၂ ဆမှ ၃.၂ ဆအထိ ရေသောက်နှုန်း များလာပါတယ်။

4. လဲလျောင်းနေထိုင်ခြင်း: ခန္ဓာကိုယ်ကို အခင်းပေါ်မှာ ဆန့်တန်းလဲလျောင်းပြီး ရေခွက်အနီးမှာ နေလေ့ရှိပါတယ်။

ဒီလိုတုံ့ပြန်မှုတွေဟာ ခန္ဓာကိုယ်အပူချိန်ကို လျှော့ချဖို့ ကြိုးစားတာဖြစ်ပေမယ့် ရေရှည်မှာတော့ ပိုမိုဆိုးရွားတဲ့ ပြဿနာတွေဆီ ဦးတည်သွားနိုင်ပါတယ်။

နောက်အပိုင်းမှာတော့ အပူဒဏ်ရဲ့ ပိုမိုနက်ရှိုင်းတဲ့ ဆိုးကျိုးတွေနဲ့ ရောဂါရှာဖွေနည်းတွေကို ဆက်လက်တင်ပြပေးပါမယ်။
----------------
Myanmar Innovative Life Sciences Co., Ltd မှပြည်တွင်း၌ပင် အစားအသောက်နှင့်ဆေးဝါးကွပ်ကဲ ရေးဦးစီးဌာန (FDA) ၏ ဆေးဝါးထုတ်လုပ်ခွင့်ပြုချက်လိုင်စင် နှင့်အညီ စံချိန်စံညွှန်းပြည့်မီစွာဖြင့် စနစ်တကျ ထုတ်လုပ်ဖြန့်ချိ လျက်ရှိတဲ့ အရည်အသွေးမြင့်အစာလမ်းကြောင်းအားဖြည့်ဆေး PROBIO-P က ဥစား/အသားစားကြက်မွေးမြူရေး လုပ်ငန်းရှင် များကို ကူညီဖို့ အမြဲအဆင်သင့်ရှိနေပါတယ်။

𝐏𝐑𝐎𝐁𝐈𝐎 ဖြန့်ချိရေးနှင့်ကိုယ်စားလှယ်ယူလိုသူများ တိုက်ရိုက်ဆက်သွယ်ရန်ရုံးချုပ်လိပ်စာ-

အထက်မြန်မာပြည် အရောင်းတာဝန်ခံ ဦးရဲမြင့်
09 259061312/ 09 440008164

အောက်မြန်မာပြည် အရောင်းတာဝန်ခံ Dr. Mg Soe Moe
09 770916892

ကိုအောင်ကိုဝင်း - 09 4426 47210

ရန်ကုန်ရုံးချုပ် - 09 263 709 553
Myanmar Innovative Life Sciences (MILS)
အမှတ် ၁၆၅၊ အောင်ဇေယျာလမ်းသွယ် ၁၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။
Website: www.milsciences.com
E-mail: [email protected]
Viber: https://invite.viber.com/?g2=AQBEhFLj8bcs0lW3cesV5Eqj%2BxoXjU8viVQqChfb11LXwp1peg7HibY%2BiP5j9aIY
TikTok: https://www.tiktok.com/?_r=1&_t=ZS-95wQrvTAqhw

#ကြက်မွေးမြူရေး #နွေရာသီအပူဒဏ်