English Language Book's Store
Share
We sell high quality Language Books for Pre-school, Primary School, Secondary School, and other langu
23/08/2023
"မြန်မာကျပ်ငွေ တစ်သိန်းတိတိဖြင့်
BMW ကားအသစ်တစ်စီး ရောင်းမည် ” ဆိုပြီး
နန်းတော်ကြီးတမျှ ခမ်းနားလွန်းတဲ့ အိမ်ကြီးတစ်လုံးရဲ့
ခြံတံခါးပေါက်မှာ ကြော်ငြာတစ်ခုကပ်ထားပါတယ်
ဒီကြော်ငြာကို ကျွန်တော် တွေ့နေတာ သုံးလေးလလောက်ရှိနေပါပြီ။ သိန်းထောင်ချီ တန်တဲ့ BMW ကားကို တစ်သိန်း နဲ့ရောင်းမယ်လို့ကြော်ငြာထားတာဖြစ်တဲ့ အတွက် ထူးဆန်းနေတာပါ။
တစ်ယောက်ယောက်က လာနောက်ထားတာလား ?
ဒါမှမဟုတ် ပိုင်ရှင်က စိတ်ဝေဒနာရှင်လား ?
ပုံမှန်မဟုတ်တာတော့ သေချာနေပါတယ်။
ဒါကြောင့် ကျွန်တော့်မိတ်ဆွေတစ်ချို့နဲ့
ဒီကြော်ငြာအကြောင်း ပြောမိပါတယ်။
ဒီအိမ်အကြောင်းသိတဲ့ သူငယ်ချင်းပြောပြတာက
" အိမ်ပိုင်ရှင်အဖိုးကြီး သေသွားတာ မကြာသေးကြောင်း ဒီအိမ်ကြီးမှာ အဖွားကြီး တစ်ယောက်တည်းနေတဲ့အကြောင်း အဖိုးကြီးသေသွားတဲ့အတွက် အဖွားကြီးက စိတ်ဝေဒနာ ခံစားနေရတာဖြစ်နိုင်ကြောင်း ” ပြောပြပါတယ်။
ဒီလိုနဲ့နောက် သုံး,လေးလ ကြာသွားပေမယ့် ကြော်ငြာကတော့ ရှိနေတုန်းပါပဲ။ တစ်နေ့မှာ ကျွန်တော် အဲဒီအိမ်ရှေ့ကဖြတ်သွားတုန်း ခြံထဲမှာ လမ်းလျှောက်နေတဲ့ အဖွားကြီးကို လှမ်းတွေ့လိုက်ပါတယ်။ သူ့ကိုကြည့်ရတာတော့ တကယ့်လူကောင်းအတိုင်းပါပဲ။
ဒါနဲ့ကျွန်တော်လည်း အခွင့်အခါသင့်တုန်းစပ်စုလိုက်ဦး မယ်ဆိုပြီး အဖွားကြီးကိုလှမ်း စကားပြောလိုက်ပါတယ်။
" အန်တီ မင်္ဂလာပါဗျာ ”
" မင်္ဂလာပါ သားရေ ”
" ဟုတ်ကဲ့ပါအန်တီ ကျွန်တော်တစ်ခုလောက်မေးလို့ရမလားဗျာ ”
" မေးလို့ရပါတယ် မေးပါ ”
" ဒီရှေ့မှာ ကြော်ငြာထားတာ တကယ်လားဗျာ”
" ဟုတ်ပါတယ် သားရေ
တကယ်ပါ တကယ်ရောင်းမှာပါ ”
"ဒါဆို အဲဒီကားကို
ကျွန်တော် ကြည့်လို့ရမလားဗျာ ” ဆိုတော့
" ရတယ် အိမ်ထဲ၀င် ” ဆိုပြီး
သူ့ခြံစောင့်ကိုတံခါးဖွင့်ခိုင်းပြီး
ကျွန်တော့်ကို ကားဂိုဒေါင်ဆီခေါ်သွားပါတယ်။
ဂိုဒေါင်ထဲရောက်တဲ့အခါ အ၀တ်နဲ့အုပ်ထားတဲ့
BMW ကားသစ်ကြီးကိုတွေ့လိုက်ရပါတယ်။
" ဒါ ဒါ ဒါကြီးကို တကယ်ရောင်းမှာလား....အန်တီ ”
"ဟုတ်တယ် ရောင်းမှာ”
"တစ်သိန်း ... တစ်သိန်း
မြန်မာငွေ တစ်သိန်းနဲ့ရောင်းမှာ သေချာလား အန်တီ ”
" ဟုတ်ပါတယ်ဆို တကယ်ရောင်းမှာ
မင်း၀ယ်မယ်ဆိုရင် စာချုပ်စာတမ်း အပြည့်အစုံနဲ့
ရှေ့နေခေါ်ပြီး စာချုပ်ချုပ်မယ် ” လို့
စိတ်မရှည်တဲ့ပုံနဲ့ပြန်ပြောပါတယ်။
ကျွန်တော်က အဖွားကြီးကိုအနီးကပ် သေသေချာချာ
လေ့လာကြည့်ပေမယ့် စိတ်ရောဂါသည်ပုံစံ လုံး၀မတွေ့ရတဲ့အတွက်မေးခွန်းတစ်ခုထပ်မေးပါတယ်။
" ဒီကြော်ငြာကို ကျွန်တော်တွေ့နေတာကြာပြီ အန်တီ မဖြစ်နိုင်ဘူးထင်လို့၀င်မမေးဖြစ်တာပါ
တခြားသူတွေရော လာမေးကြသေးလားဗျာ ”ဆိုတော့
သူမက
"အန်တီ ကြော်ငြာထားတာ ၆ လ ကျော်နေပြီ
အားလုံးက မင်းထင်သလိုထင်တဲ့အတွက်
ဘယ်သူမှ လာမမေးကြဘူး မင်းကပထမဦးဆုံးပဲ ”
လို့ပြန်ပြောပါတယ်။
ဒါနဲ့ကျွန်တော်လည်း
မယုံတယုံနဲ့၀ယ်ဖို့ဆုံးဖြတ်လိုက်လိုက်ပါတယ်။
အဖွားကြီးကရှေ့နေခေါ်ပြီးစာချုပ်စာတမ်း အပြည့်အစုံနဲ့ကျွန်တော့ကို လက်မှတ်ထိုး လွှဲပေးပါတယ်။
သိန်းထောင်ကျော်တန်တဲ့ BMW ကားအသစ်ကြီးကို တစ်သိန်းနဲ့ရလိုက်တဲ့အတွက် ပျော်မိတာမှန်ပေမယ့် ဘာကြောင့် တစ်သိန်းနဲ့ရောင်းတာလည်းဆိုတာကို ပိုပြီးစိတ်၀င်စားမိပါတယ်။
ဒါကြောင့် ကားကိုစက်နှိုးပြီး ခြံထဲကထွက်ခါနီးမှာ
ဘယ်လိုမှ မနေနိုင်တဲ့အတွက် မေးလိုက်မိပါတယ်။
"နောက်ဆုံးအနေနဲ့မနေနိုင်လို့မေးခွန်းလေးတစ်ခု
မေးခွင့်ပြုပါ အန်တီ ဒီလိုကားအကောင်းစားကြီးကို
ဘာလို့ တစ်သိန်းတည်းနဲ့ရောင်းရလဲဆိုတာကိုပါ ”
" ထွေထွေထူးထူး မရှိပါဘူးကွယ်
ဆုံးပါးသွားတဲ့အန်တီ့ အမျိုးသားရဲ့ ဆန္ဒပေါ့ကွယ်
သူကဒီ ကားကြီးကိုရောင်းလို့ ရတဲ့ငွေကို
သူ့နောက်မိန်းမကို ပေးရမယ်ဆိုပြီး
သေတမ်းစာ ရေးထားခဲ့လို့လေ ”
-------===================-------
အားလပ်ရက်မှာအပျော်သဘောတင်တာမို့ ဟာသအနေနဲ့သာဖတ်ရှုပေးကြပါရန် ☺☺
လေးစားစွာဖြင့်
ကိုထွန်း(တောင်ကြီး)
16/08/2023
ပြည်နာချိန်မှာ အငမ်းမရ စီးပွားရှာလို့ မသင့်တော်ပါဘူး
မိုးကုတ်ဆရာတော်ကြီးရဲ့ဒကာရင်း
ကုန်သည် တစ်ဦးက တရားနာခါနီးမှ ကပ်ပြီးရောက်လာတယ်။
ဆရာတော်ကို ကန်တော့ပြီး
ဒီလိုပဲဘုရား၊ ခုချိန်မှာ တပည့်တော်
လှောင်ထားတဲ့ ကုန်တွေက အပြင်မှာ ရှားပါးချိန်ဆိုတော့ ဖောက်သည်တွေက လက်မလည် အောင်ဖြစ်နေလို့ မနည်းဖြတ်ခဲ့ရတယ်လို့ လျှောက်တယ်။
ဆရာတော်ကြီးက "အလုပ်ဆိုတာကတော့ ကိုယ်က အနားမယူတတ်ရင် မသေမချင်း ရှုပ်နေမှာပေါ့ကွာ၊ ဆိုတော့။
ဒီလိုလည်းမဟုတ်သေးဘူး ဆရာတော်၊ -စီးပွားရှာ ပြည်နာမှ-ဆိုသလိုပဲ၊ ခုချိန်မျိုးမှာမှ ပိုပြီးရောင်းကောင်းတာတဲ့။
ဒကာကြီး သုံးလိုက်တဲ့ စကားပုံကိုကြားလိုက်တော့ ဆရာတော်ကြီးက သိပ်ပြီး မနှစ်ခြိုက်တဲ့ သဘောနဲ့ ကြည့်ရင်း၊
အေး-သုဿန်မှာ လူသေကောင် တူးမြှုပ်ပြီး အသက်မွေးကြတဲ့ ဒွန်းစဏ္ဍားတွေလည်း မင်းတို့ လိုပဲကွ၊ သူများတွေ ငိုကြီးချက်မနဲ့ လူသေအလောင်း ထမ်းလာတာမြင်ရင် သူတို့က ပြုံးနေတာပဲ၊ သူများငိုရလေ သူတို့က ဝင်ငွေကောင်းလေဆိုသလို ဖြစ်နေတာကိုးကွ။
ခုလည်း မင်းတို့ဟာက သူများအခက်တွေ့လေ မင်းတို့က ပျော်လေဆိုတော့ ဒါ ဒွန်းစဏ္ဍား ပျော် ပျော်နေကြတာ မဟုတ်လား လို့ မိန့်ကြားလိုက်တယ်။
ဓမ္မဘေရီဆရာတော်
တရားသံဝေဂ ရကြပါစေ။
( မထေရ်မြတ်တို့စကားဝိုင်း(၃)မှ
Click here to claim your Sponsored Listing.
Category
Telephone
Website
Address
Yangon
111241
