ONE.com.mt

Waqt li s-Segretarju Ġenerali tal-PN, Charles Bonello, iddikjara li din kienet l-ewwel elezzjoni mill-2013 li fiha l-PN naqqas id-distakk u mexa nofs triq, l-eks Kap Adrian Delia ddikjara b’mod ċar li l-PN “tilef u tilef bil-kbir”.

Ironikament dan seħħ fl-istess programm ‘Popolin’ fuq ix-xandir nazzjonali, li ffoka fuq ir-raba’ telfa konsekuttiva f’elezzjoni ġenerali għall-PN. Bonello u Delia wkoll kienu bil-qegħda ħdejn xulxin.

Delia kkontradixxa kompletament lis-Segretarju Ġenerali u tenna li l-punt tat-tluq għall-PN għandu jkun li jiddikjara li tilef.

Ta’ min ifakkar ukoll li, fis-Sala tal-Għadd tal-Voti appena tħabbar li r-riżultat elettorali, Charles Bonello wkoll kien ittanta jnaqqas id-distakk li bih kien tilef il-PN u kien qal li dan kien ta’ madwar 18,000 vot, meta l-maġġoranza kienet ta’ 22,000 vot, li wkoll hu akbar minn kull maġġoranza li l-Partit Nazzjonalista qatt kiseb f’xi elezzjoni ġenerali.