Today Reaction by JS

အမေစု ဆုံးသွားပြီဆိုတာ တကယ်သေချာသလောက်ဖြစ်နေပါပြီ😢😢😢တကယ်စိတ်မကောင်းပါဘူး

ကိုမောင်မောင် ပြောပြီ

ဝင်းဝ စစိခွေးတပ်စခန်း

Rest in Peace Bro စိတ်မကောင်းပါဘူးဗျား Adino Fever 109

ရေမွန်ရဲ့ နှုတ်ဆက်ပွဲမှာ ပရိတ်သတ်တွေကို အပြီးတိုင် နှုတ်ဆက်သွားတဲ့ အဆိုတော် အဒီနို

အောက်တိုဘာ ၂၅၊ ၂၀၂၅

တော်လှန်ရေးကာလအတွင်း တောတွင်းတနေရာမှာ အသက်ပေးလှူသွားတဲ့ Idiots အဖွဲ့ဝင် ရေမွန်အတွက် အမှတ်တရပွဲမှာ ပါဝင်သီဆိုခဲ့တဲ့ အဆိုတော်အဒီနိုဟာ စင်ပေါ်မှာ သီချင်းသီဆိုနေရင်းမှာပဲ နှလုံးဖောက်ပြီး ရုတ်တရက် သေဆုံးသွားတယ်လို့ သိရပါတယ်။

Idiots Farewell Tour - IDF ကို ဒီကနေ့ အောက်တိုဘာလ ၂၅ ရက်နေ့၊ ညနေ ၅ နာရီ၊ Eastern Yangon Event Park မှာ ကျင်းပခဲ့တာဖြစ်ပြီး ပါဝင်သီဆိုနေတဲ့ Fever 109 ရဲ့ အဆိုရှင်ဖြစ်သူ အဒီနိုဟာ ရေမွန်ရဲ့ “မငိုပါနဲ့တော့” ဆိုတဲ့ သီချင်းကို သီဆိုဖျော်ဖြေနေစဉ်မှာပဲ စင်ပေါ်မှာ လဲကျသေဆုံးခဲ့တာဖြစ်ပါတယ်။

အဆို‌တော် အဒီနိုဟာ နှလုံးရောဂါအခံရှိသူဖြစ်ပြီး ဒီနေ့ညမှာ ဖျော်ဖြေတဲ့ ပွဲကိုလည်း ကျန်းမာရေး မကောင်းတဲ့ကြားထဲကနေ လာရောက်ဖျော်ဖြေသွားခဲ့တာဖြစ်တယ်လို့ အဒီနိုနဲ့ နီးစပ်တဲ့ အနုပညာအသိုင်းအဝိုင်းက လှုမှုကွန်ရက်ပေါ်မှာ ရေးသားထားတာကို တွေ့ရပါတယ်။

Idiots Farewell Tour - IDF ပွဲဟာ Idiots အဖွဲ့ရဲ့ နောက်ဆုံးနှုတ်ဆက်ပွဲဖြစ်သလို အဆိုရှင် ရေမွန်အတွက် အမှတ်တရ ကျင်းပတဲ့ ပွဲလည်း ဖြစ်ပါတယ်။

Idiots အဖွဲ့ရဲ့ အဆိုရှင်ဖြစ်တဲ့ ရေမွန်ဟာ စစ်တပ်က အာဏာသိမ်းပြီး ကာလအစောပိုင်းမှာ တော်လှန်ပြည်သူတွေနဲ့အတူ အာဏာရှင်ကို တော်လှန်ဆန့်ကျင်ရင်း လွတ်မြောက်နယ်မြေတနေရာမှာ ငှက်ဖျားရောဂါကြောင့် ကျဆုံးခဲ့ရသူ ဖြစ်ပါတယ်။