Vanguard Hausa

A daren jiya, wasu da ake zargin 'yan fashi da makami ne sun kutsa cikin harabar Musa Iliasu College, inda s**a yi fashi tare da sace kayayyaki masu daraja.

Kayayyakin da aka sace sun haɗa da kwamfutoci, kuɗaɗe da kuma motar makarantar kirar Hummer Bus.

Ana roƙon duk wanda ya ga wannan mota ko yake da wani bayani da zai taimaka wajen gano inda take da ya gaggauta sanar da jami'an tsaro mafi kusa.

Muna godiya da haɗin kan al'umma. Tare za mu iya taimakawa wajen dawo da kayayyakin da aka sace tare da tabbatar da an hukunta waɗanda s**a aikata wannan laifi.

Gwamatin Tarayya ta yi kira ga masu tasiri a kafafen yada labarai su riƙa tantance gaskiyar bayanai kafin wallafawa

Mai Taimakawa Shugaban Ƙasa na Musamman kan Yaɗa Labarai da Wayar da Kan Jama'a, Abdulaziz Abdulaziz, ya ce bunƙasar dimokuraɗiyya da ci gaban ƙasa na buƙatar amincewa da haɗin kai tsakanin gwamnati, kafafen yaɗa labarai da kuma al'umma.

Abdulaziz ya bayyana hakan ne a jawabin maraba da ya gabatar a wajen buɗe taron farko na Arewa Media Summit da aka gudanar a ranar Litinin a Kano.

Ya ce taron ya haɗa shugabanni, 'yan jarida, masu ƙirƙirar abubuwan da ake wallafawa a shafukan sada zumunta, masu tasiri da sauran masu ruwa da tsaki domin tattauna yadda za a ƙarfafa alaƙar gwamnati da jama'a ta hanyar gaskiya, riƙon amana da ɗabi'ar aikin jarida.

A cewarsa, taken taron mai suna "Government-Citizen Accord: Accountability, Responsibility and Ethical Media Practice" ya zo a daidai lokacin da ake buƙatar sake gina amincewa tsakanin gwamnati da al'umma.

Ya bayyana cewa gwamnati na da alhakin buɗe ƙofofin samun bayanai, yayin da al'umma ke da nauyin tabbatar da gaskiya kafin yaɗa bayanai da kuma riƙe gwamnati da alhakin ayyukanta cikin lumana.

Ya ce kafafen yaɗa labarai su ne gada tsakanin gwamnati da jama'a, yana mai cewa ingantaccen aikin jarida da tabbatar da sahihancin labarai na taimakawa wajen gina zaman lafiya, haɗin kai da ci gaban ƙasa.

Abdulaziz ya kuma jaddada cewa masu tasiri a shafukan sada zumunta sun zama sabbin masu jan ragamar yaɗa bayanai, don haka wajibi ne su riƙa tantance gaskiyar bayanai kafin wallafawa.

"A yau, saƙon da aka wallafa na iya haifar da fata ko kuma tayar da husuma cikin ɗan lokaci. Don haka bai kamata neman farin jini ko yawan masu kallo ya zama sanadin jefa ƙasa cikin rikici ba," in ji shi.

Ya ƙara da cewa yayin da zaɓen shekarar 2027 ke ƙaratowa, akwai buƙatar masu amfani da shafukan sada zumunta su ɗauki kansu a matsayin masu kare zaman lafiyar al'umma, tare da gyara kura-kurensu idan sun faru.

Ya bayyana cewa a wani ɓangare na shirye-shiryen taron, an horas da sama da mutum 100 daga cikin masu goyon bayan jam'iyyar APC da gwamnatin Shugaba Bola Ahmed Tinubu kan dabarun yaɗa bayanai da bayyana manufofi da nasarorin gwamnati yadda ya kamata.

Haka kuma ya ce an ƙaddamar da shirin Gani-Ya-Kori-Ji, wanda zai zagaya jihohin Arewacin Najeriya domin duba da kuma haska ayyukan ci gaba da gwamnatin tarayya da gwamnatocin jihohi s**a aiwatar, musamman waɗanda ba su samu isasshen haske a idon jama'a ba.

Abdulaziz ya ce taron ya nuna irin ƙudirin gwamnatin Shugaba Bola Ahmed Tinubu na kare 'yancin faɗin albarkacin baki, ƙarfafa tattaunawa da kuma bunƙasa dimokuraɗiyya.

Ya bayyana cewa an tsara taron ne domin bai wa mabambantan ra'ayoyi da masu ruwa da tsaki daga sassa daban-daban na Arewacin Najeriya damar tattaunawa kan makomar hulɗar gwamnati da jama'a.

A ƙarshe, ya yaba wa Gwamnan Jihar Kano, Alhaji Abba Kabir Yusuf, bisa amincewa da karɓar baƙuncin taron, yana mai cewa Kano ta ci gaba da kasancewa cibiyar siyasa, kasuwanci da tattaunawa a Najeriya.

Ya buƙaci mahalarta taron su fito da sabbin alƙawurra da za su inganta buɗaɗɗen tsarin gudanar da mulki, ƙarfafa ɗabi'ar aikin jarida da kuma inganta alaƙar gwamnati da al'umma.

Trump Ya Zargi Alkalin Wasan Da Ya Baiwa Wa Balogun Jan Kati, Ya Ce "Akwai Alamun Taadancin a gareshi

Shugaban Amurka, Donald Trump, ya bayyana cewa alkalin wasan da ya bai wa ɗan wasan gaba na Amurka, Folarin Balogun, jan kati a wasan da s**a doke Bosnia da Herzegovina a gasar Kofin Duniya, "akwai abin zargi a kansa."

Trump ya yi wannan furuci ne yayin da ce-ce-ku-ce ke ci gaba da ƙaruwa kan hukuncin jan katin da aka bai wa Balogun, wanda daga baya FIFA ta dakatar da aiwatar da dakatarwar wasan guda ɗaya bayan an sake duba lamarin. Wannan mataki ya jawo muhawara da s**a daga masu ruwa da tsaki a harkar ƙwallon ƙafa.