The Ginger
Share
The forefront of everything that's making the headlines in Burma There’s a humorous side to every situation and our duty is to help you find it.
25/07/2020
နိုင်ငံကျော် အဆိုတော် သရုပ်ဆောင် စာရေးဆရာ စောင်းစောင်းသည် ရှိသမျှ အနုပညာအကုန်လုပ်ပြီး တစ်ခုမှ အနုပညာမမြောက်သော်လည်း ဆန်းကြယ်စွာ အောင်မြင်လျက်ရှိသော စံချိန်ကို ထိန်းသိမ်းလျက် မြန်မာ့ရုပ်ရှင်တွင် စံချိန်သစ်တစ်ခုထပ်တင်ကာ သမိုင်းသစ်ရေးထိုးလိုက်ပြန်ကြောင်း
စောင်းစောင်း ခေါင်းဆောင်မင်းသားအဖြစ် ပါဝင်သရုပ်ဆောင်ထားသော ' အင်ဂျင်း ကတဲ့ဂီတ ' ဇာတ်ကားသည် မြန်မာ့ရုပ်ရှင်သမိုင်းတစ်လျောက် သမ္မတရုံတွင် အကြာဆုံး ဆိုင်းဘုတ်တင်နိုင်သော ဇာတ်ကားအဖြစ် စံချိန်သစ် ရေးထိုးလိုက်ပြီဖြစ်ကြောင်း သိရပါသည် ။ အဆိုပါ ' အင်ဂျင်း ကတဲ့ဂီတ ' ဇာတ်ကားကို မတ်လ ၅ ရက်နေ့က စတင်ပြီး သမ္မတရုံတွင် ရုံတင်ခဲ့ရာ တင်ပြီးမကြာသေးခင်မှာပင် ကိုရိုနာဗိုင်းရပ်စ် ကာကွယ်ရေးအတွက် ရုပ်ရှင်ရုံများ ပိတ်လိုက်ရသဖြင့် ယခုထက်ထိ ၅ လခန့်ကြာသည့်တိုင်အောင် သမ္မတရုံတွင် အဆိုပါဇာတ်ကားကို ဆိုင်းဘုတ်တင်ထားရသောကြောင့် အထက်ဖော်ပြပါ စံချိန်ကို တင်နိုင်ခဲ့ခြင်းဖြစ်သည် ။
ယခုကဲ့သို့ စံချိန်သစ်တင်နိုင်ခဲ့ခြင်းနှင့် ပတ်သက်၍ စောင်းစောင်းအား ဂင်္ဂါသတင်းဌာနမှ ဆက်သွယ်မေးမြန်းခဲ့ရာ ” အဓိကကတော့ ကြိုးစားမှုပေါ့နော် ၊ ကျွန်တော့်ရဲ့ ဆောင်ပုဒ်ဖြစ်တဲ့ ' ကြိုးစားအားထုတ်မှုကောင်း ၊ အရည်အသွေး ညံ့ ' ဆိုတာကို လက်ကိုင်ထားပြီး ကြိုးစားခဲ့လို့ အခုလို စံချိန်သစ် တင်နိုင်ခဲ့တာပါ ။ ကျွန်တော်သရုပ်ဆောင်တာ လိုအပ်ချက်တွေ များတယ်ဆိုတဲ့ ဝေဖန်ချက်တွေကို ကျော်လွှားနိုင်ဖို့အတွက် ကြိုးစားခဲ့လို့သာ အခုလို စံချိန်သစ် တင်နိုင်ခဲ့တာပါဗျာ ။ စောင်းစောင်းဟာ အနုပညာမမျောက်ဘူး ဆိုတဲ့ အသံတွေမှားကြောင်း သက်သေပြနိုင်ခဲ့ပါပြီ ၊ အခုဆိုရင် စောင်းစောင်းဟာ အနုပညာ မျောက်မှမျောက်ဆိုတာကို လက်မခံချင်လို့ မရတော့ဘူးပေါ့ဗျာ ၊ အခုတင်ထားတဲ့ စံချိန်သစ်ကိုလည်း ' အင်ဂျင်းကတဲ့ ဂီတ ' ဇာတ်ကားက နောက်ထပ် ရက်သတ္တပတ် ၄၀ လောက် ဆက်ထိန်းနိုင်ဖို့ မျှော်လင့်ထားပါတယ် ” ဟု ဖြေကြားသွားခဲ့ပါသည် ။ ထို့အပြင် ၎င်းနှင့် ရွယ်တူများကို ဒုက္ခပေး ခြိမ်းခြောက်သော ဗိုင်းရပ်စ်ပိုးသည် မိမိအား ဤသို့ အောင်မြင်မှုမျိုးကို ဆောင်ကြဥ်းပေးလာသည့်အပေါ် ဝမ်းသာဝမ်းနည်း ဖြစ်ရကြောင်းလည်း ဆိုသည်။
28/01/2020
ပြည်တွင်းသို့ ဝင်လာနိုင်ခြေပြနေသော ဝူဟန်ဗိုင်းရပ်စ်အား ပင်တိုင်ခံပုဂ္ဂိုလ် ပြင်းပြင်းထန်ထန်ဝေဖန်
---------------------------------
နေပြည်တော် ဇန်နဝါရီ ၂၈
တရားဝင်နည်းလမ်းမဟုတ်သည့် လမ်းကြောင်းများမှတဆင့် မြန်မာနိုင်ငံအတွင်းသို့ ဝင်ရောက်ရန် ဟန်ပြင်နေသော ဝူဟန်ပြင် ဗိုင်းရပ်စ်အား ပင်တိုင်ခံပုဂ္ဂိုလ်က ပြင်းထန်စွာ ဝေဖန်လိုက်သည်။ မြန်မာပြည်သူများအား စိုးရွံ့ထိတ်လန့်နေအောင် ခြောက်လှန့်နေခြင်းသည် အချည်းနှီးသာဖြစ်ကြောင်း ကြေငြာလိုက်ခြင်းဖြစ်သည်။
"ဗိုင်းရပ်စ်ဆိုတာ အမောက်ထောင်ပြရတာမဟုတ်ဘူး။ အေးဆေးဝင်လာဖို့ ညှိနှိုင်းတတ်ဖို့ပဲ။ အပြင်ဘက်မှာလေ အမောက်ထောင်ပြနေလို့ အလကားပဲ။ ဝူဟန်ပိုးမွှားကို မျက်လုံးနဲ့ မြင်ကို မမြင်ရဘူး။ ဒီတော့ ဘာမှ ဒါက ထိရောက်မှုရှိတာမဟုတ်ဘူး။" ဟု ပြောဆိုလိုက်သည်။ ဆက်လက်၍ ၎င်းက ကျင့်ဝတ်သိက္ခာကို မချိုးဖောက်ရန် ဝူဟန်ဗိုင်းရပ်စ်အား သတိပေးလိုက်ခြင်းလည်းဖြစ်သည်။
"နောက်ပြီးတော့လည်း ဒီလို ကျမတို့နိုင်ငံသားတွေကို ပိုးအတွက် ပိုးမွှားအုပ်စုအတွက် ကိုယ့်ဗိုင်းရပ်စ်တမျိုးတည်းရဲ့အတွက် အသုံးမချပါနဲ့။ ဒါက လုံးဝ ဖြစ်သင့်တဲ့ကိစ္စ
မဟုတ်ပါဘူး။ ပိုးတိုင်း ပိုးတိုင်းမှာ အခွင့်အရေးရှိသလို တာဝန်ရှိတယ်ဆိုတာလည်း သိရမှာဖြစ်ပါတယ်။ စည်းကမ်းဆိုတာကလည်း ကိုယ့်စည်းကို ကိုယ် ထိန်းရပါမယ်။" ဟု
သြဝါဒ ပေးခဲ့သည်။
"အပြင်ဘက်ကနေပြီး ဘယ်လိုပဲစွာပြ စွာပြ ဒီဘက်က ရောဂါပိုးကိုလည်း မမြင်ရဘူး။ မမြင်ရတော့ ဘာမှထူးမှာလည်း မဟုတ်ဘူး။ ဝင်လာချင်တယ်ဆိုရင်လည်း ပွင့်ပွင့်လင်းလင်း ကိုယ့်ရဲ့ လက္ခဏာတွေကိုပြပြီးတော့ ဝင်လာနိုင်ပါတယ်။"ဟု တိုက်တွန်းလိုက်သည်။ ထို့အပြင် ပြည်တွင်းဗိုင်းရပ်စ်လောကတွင် နှစ်ပေါင်းများစွာ ကြီးစိုးထားခဲ့ပြီး ဆက်လက်မင်းမူနေဆဲဖြစ်သော ခွေးရူးပိုး (rabies virus) ကို အတုယူသင့်ကြောင်းဖြင့် ၎င်း၏ အနာဂတ်ကို နားလည်လက်ခံပြီး လိမ္မာရန် ဆုံးမခဲ့သေးသည်။
ခွေးရူးပိုးသည် နည်းမှန်လမ်းမှန် ပျံ့ပွားခြင်းကြောင့် နှိမ်နင်းမည့်သူမပေါ်နိုင်ပဲ ဤမျှအထိ အောင်မြင်နေရခြင်းဖြစ်သည်ဟု ပင်တိုင်ခံပုဂ္ဂိုလ်က ရှင်းပြသည်။
"ဝူဟန်ဗိုင်းရပ်စ်အဖို့ မြန်မာပြည်ကို ဝင်လာချင်လို့ရှိရင် ဝင်ရောက်နိုင်တဲ့အခွင့်အလမ်းတွေ အများကြီးရှိတယ်။ ဝင်ရောက်နိုင်တဲ့ ပုံစံတွေရှိတယ်။ သတ်မှတ်ပေးထားတဲ့ ဂိတ်တွေရှိပါတယ်။ သတ်မှတ်ပေးထားတဲ့ ဂိတ်က နေ ပဲ ပွင့်ပွင့်လင်းလင်း လာခဲ့ပါ။ ဗိုင်းရပ်စ်ကြီးသား မပီသတာတွေ မလုပ်ဖို့ပါပဲ။ ဒါကြောင့် ပွင့်ပွင့်လင်းလင်း ကိုယ့်လက္ခဏာ ကိုယ်ပြပြီးတော့ ကိုယ့်ရဲ့ ရောဂါကို ဖြန့်ဖြူးနိုင်ပါတယ်။ ဒီလို ခရီးသွားတွေကို အလွဲသုံးစားမလုပ်ပါနဲ့။ ပိုးတိုင်း ပိုးတိုင်းဟာ ကိုယ့်စည်းကိုယ်စောင့်ဖို့ အင်မတန်မှ အရေးကြီးပါတယ်။ ကျမ ခဏခဏ ပြောပါတယ်။ အခွင့်အရေးရှိသလို ကိုယ့်မှာ တာဝန်ရှိပါတယ်။" ဟု ထပ်လောင်း ပြောကြားသွားခဲ့သည်။
09/05/2019
ေျမာက္ဥကၠလာ ေဆးရံုႀကီးနွင့္ ရန္ကုန္ေဆးရံုႀကီးမွ လူနာမ်ားအားလံုးကို ပိုမိုေကာင္းမြန္ေသာ ေဆးကုသမႈ ရရွိေအာင္ ဘန္ေကာက္ရွိ Bumungrad ေဆးရံုသို႔ ေျပာင္းေ႐ႊ့မည္
ေမ ၉ ရန္ကုန္
ျပည္သူလူထု၏ က်န္းမာေရးေစာင့္ေရွာက္မႈကို ပိုမိုတိုးတက္ေအာင္ ျမႇင့္တင္ေပးရန္ ႀကိဳးစားသည့္အေနျဖင့္ အခ်ိန္အတိုဆံုးအတြင္း အျမန္ဆံုးျမႇင့္တင္ရန္ ႀကိဳးစားေနေၾကာင္းသိရသည္ ။ အဆိုပါ ႀကိဳးပမ္းမႈ၏ ကနဦးအဆင့္ အေနျဖင့္ ယခု အစီအစဥ္ကို အေကာင္အထည္ေဖာ္ျခင္းျဖစ္ေၾကာင္း သိရၿပီး ဝံႀကီးခ်ဳပ္ ဦးၿဖိဳးၿဖိဳးေလး၏ လမ္းၫႊန္မႈက အဓိကေနရာမွ ပါဝင္ခဲ့ေၾကာင္း သိရသည္ ။ အဆိုပါ ကိစၥနွင့္ စပ္လ်ဥ္း၍ Ginger News မွ တာဝန္ရွိသူမ်ားကို ဆက္သြယ္ေမးျမန္းခဲ့ရာတြင္ ၎တို႔က ေအာက္ပါအတိုင္း ရွင္းလင္းေျပာၾကားခဲ့ပါသည္ ။
' ဒါကေတာ့ က်ြန္ေတာ္တို႔ ဝံႀကီးခ်ပ္ရဲ႕ အိုင္ဒီယာေပါ့ေနာ္ ၊ သူက စဥ္းစားတာက က်ြန္ေတာ္တို႔ နိုင္ငံမွာက်န္းမာေရးစနစ္ အဆင့္ျမႇင့္မယ္ ေျပာေနတာၾကာလွၿပီ ၊ လက္ေတြ႕မွာ ျပည္သူလူထုကလည္း ထူးထူးျခားျခား ေက်နပ္မႈ ရွိမလာဘူး ၊ က်န္းမာေရးဝန္ထမ္းေတြလည္း အလုပ္နဲ႔လူအင္အားက မမ်ွေတာ့ မေက်နပ္ၾကဘူးေပါ့ ။ ဒီကိစၥႀကီး တစ္ခုလံုးကို အဆင္ေျပေအာင္ ရွင္းမယ္ဆိုရင္ အနွစ္ ၃၀ေလာက္ အခ်ိန္ေပးရမယ္ ၊ အဲ့ေလာက္ထိေတာ့ မေစာင့္ခ်င္ဘူး ၊ အဲ့ဒီမွာ ဘာကိုသြားေတြ႕လဲဆိုေတာ့ လူေတြက ဘန္ေကာက္မွာ ေဆးသြားကုၾကတယ္ေပါ့ေနာ္ ၊ အဲ့ဒီေတာ့ ေဆးရံုကလူနာေတြကိုသာ ဘန္ေကာက္ကို အကုန္ပို႔ိုလိုက္ရင္ လူနာေတြလည္း ခ်က္ခ်င္းေက်နပ္မယ္ ၊ က်န္းမာေရးဝန္ထမ္းေတြလည္း သက္သာသြားမယ္ေပါ့ ။ ဒီလို ၂ဦး၂ဖက္ အဆင္ေျပေအာင္လို႔ အခုလို စီစဥ္ရတာျဖစ္ပါတယ္ ။ အခု ကနဦးအေနနဲ႔ ရန္ကုန္မွာ ရွိတဲ့ အႀကီးဆံုးေဆးရံုႀကီး ၂ခုက လူနာေတြကို ပို႔တာျဖစ္ပါတယ္ ၊ အေျခအေနေပၚမူတည္ၿပီး တစ္ႏုိင္ငံလံုးမွာ ရွိတဲ့လူနာေတြကိုပါ ပို႔နိုင္ေအာင္ ေဆာင္႐ြက္သြားမွာပါ ။ ဒီလိုကုသဖို႔အတြက္ လိုအပ္တဲ့ ကုန္က်စရိတ္ကေတာ့ မ်ားပါတယ္ ၊ ဒီကုန္က် စရိတ္ေတြအတြက္ အဆင္ေျပေစဖို႔ အခုပဲ ဝံႀကီးခ်ဳပ္က ဆူးေလဘိုးဘိုးႀကီးဆီမွာ ကန္ေတာ့ပြဲေပးၿပီး ဆုေတာင္းေနပါၿပီ ။ က်န္းမာေရးစနစ္ကုိ ဒါမ်ိဳးေျပာင္းလဲဖို႔ စဥ္းစားမိတာ ကမ႓ာမွာ ဝံႀကီးခ်ဳပ္က ပထမဆံုးပါပဲ ၊ သူလိုလူမ်ိဳး ရွားပါတယ္ ' ဟု ေျပာၾကားသြားခဲ့ပါသည္ ။
အဆိုပါ အစီအစဥ္ကို ကန္႔ကြက္သူမ်ားလည္း ရွိေနၿပီး ၊ အထူးကုဆရာဝန္ႀကီးမ်ားမွ အခ်ိဳ႕လူနာမ်ားသည္ ေလယာဥ္စီးရန္ မသင့္ေတာ္ေၾကာင္းေဝဖန္ခဲ့ၿပီး နွင့္ တခ်ိဳ႕လူနာမ်ားမွလည္း ေလယာဥ္စီးရန္ ျငင္းဆန္ခဲ့ေၾကာင္း သိရသည္ ။ သို႔ေသာ္လည္း ယခု အစီအစဥ္ကို မျဖစ္မေနအေကာင္အထည္ ေဖာ္သြားမည္ျဖစ္ၿပီး ၊ ကြင္းဆင္းေလ့လာမႈ အျဖစ္ ဝံႀကီးခ်ဳပ္ကိုယ္တိုင္ အစိုးရေဆးရံုႀကီးမ်ားသို႔ လွည့္လည္ၾကည့္ရႈခဲ့ရာတြင္ ဝံႀကီးခ်ဳပ္နွင့္အတူ လိုက္ပါလာေသာ ဓာတ္ပံုဆရာမ်ားမွ ခြဲစိတ္ခန္းထဲအထိ ဓာတ္ပံုဝင္ရိုက္ခဲ့ေသာေၾကာင့္ က်န္းမာေရးဝန္ထမ္းမ်ားနွင့္ ကေတာက္ကဆျဖစ္ခဲ့ေၾကာင္း သိရသည္ ။ ဝံႀကီးခ်ဳပ္ ရံုးမွ သတင္းထုတ္ျပန္ခ်က္အရ ထိုသို႔ ခြဲစိတ္ခန္းထဲအထိ ဓာတ္ပံုဝင္ရိုက္ရျခင္းမွာ ဘန္ေကာက္သြားရန္အတြက္ ႏုိင္ငံကူးလက္မွတ္မရွိေသာ လူနာမ်ားကို နိုင္ငံကူးလက္မွတ္ လုပ္ေပးရန္အတြက္ ပတ္စပို႔ဓာတ္ပံုရိုက္ကူးျခင္းသာ ျဖစ္ေၾကာင္း နွင့္ ဝံႀကီးခ်ဳပ္ကိုယ္တိုင္ပင္ ဓာတ္မွန္ဌာနသို႔ အေရာက္တြင္ လူနာမ်ားအား ဓာတ္မွန္မရိုက္ကူးရေသးခင္ ဓာတ္မွန္ရိုက္စက္ကို အသံုးျပဳကာ selfie နွင့္ သတင္းဓာတ္ပံုမ်ား ရိုက္ကူးခဲ့သည့္အျပင္ "ဒီလိုေနရာမွာ ဘာမွမ႐ွိဘူး ၊ စက္လည္းမျပည့္စံု ၊ ေနရာကလည္းစုတ္ ၊ ဘာ facility မွ မ႐ွိ ၊ သည္လူေတြအကုန္ အခုပဲ Bumungrad ေဆးရံုႀကီးကုိေရႊ႕ အခုေရႊ႕" ဟု လမ္းၫြန္မႈေပးခဲ့ေၾကာင္း ထုတ္ျပန္ထားပါသည္ ။ ယခုအစီအစဥ္ကို ဘန္ေကာက္ရွိ Bumungrad ေဆးရံုဘက္က လက္ခံမည္လားဆိုသည္မွာ မေရရာေသးပဲ ၊ အဆိုပါေဆးရံုရွိ ပေရာ္ဖက္ဆာေဒါက္တာထံုခ်ိဳင္းမွ ' ငါတို႔ဆီ ဒီလူနာေတြလႊဲရေအာင္ ၊ ဒီဝံႀကီးခ်ဳပ္က ဘာအဆင့္ရွိလို႔လဲ 'ဟု လူမႈကြန္ယက္တြင္ ေမးခြန္းထုတ္ခဲ့ပါသည္ ။
Click here to claim your Sponsored Listing.
Category
Website
Address
Newi
09374
