Fusion Nepal- FUN

निःशुल्क कम्प्युटर तालिममा नयाँ आवेदन खुल्ला - जोकोही पनि सहभागी हुन सक्ने

फ्युजन नेपालद्वारा भक्तपुरमा सञ्चालन भइरहेको कम्प्युटर तालिम केन्द्रमा हाल चलिरहेका सबै कक्षाहरू लगभग समापनको चरणमा भएकाले नयाँ आवेदन खुल्ला गरिने भएको छ । कम्प्युटर सिकेर आफ्नो काम वा पढाइलाई सहायता पुग्न सकोस् भनी इच्छा राख्ने जो कसैले पनि यसमा आवेदन दिन सक्नुहुन्छ । यस तालिममा सहभागिताको लागि कुनै पनि मापदण्ड वा योग्यता जरुरी छैन, यहाँहरूको इच्छाशक्तिलाई नै हामी योग्यता मान्नेछौं ।

कम्प्युटर तालिम अन्तर्गत नियमित कक्षाका अलावा गेस्ट टिचरद्वारा जीवन उपयोगी शिक्षा जस्ता कक्षाहरू समेत दिई तालिमलाई अति प्रभावकारी बनाउन खोजिएको छ।

यदि यहाँहरूको वरीपरी कोही कम्प्युटर तालिम लिन ईच्छुकहरू हुनुहुन्छ भने कृपया उहाँहरूलाई हामीसँग सम्पर्क गरिदिनुहोला ।

थप जानकारीको लागि सम्पर्क: 9843559938 / 9803195192

जाडोको कपडा संकलन हुँदै - छिट्टै नै विपन्न बस्ती तथा सडक पेटीहरूमा वितरण गरिने 🙏

फ्युजन नेपाल संस्थाले विगतदेखि नै अत्यावश्यक व्यक्ति तथा परिवारहरूमा निरन्तर राहत वितरण गर्दै आएको कुरा यहाँहरूलाई विदितै छ । अहिले नेपालमा अत्यधिक जाडो महिना चलिरहेको छ र आगामी दिनहरूमा झन् धेरै मानिसहरू जाडोले कठिन जीवन बिताउन बाध्य हुनेछन् भन्ने हामीलाई थाहा छ ।

हामी यहाँहरू सबैलाई अनुरोध गर्दछौं, अभावमा रहेका मानिसहरूलाई थोरै भएपनि सहायता गरौं । हामीले हाम्रो साथसाथै अरू अत्यन्तै दयनीय अवस्थामा जीवन काटिरहेका मानिसहरूको आवश्यकताको पनि ख्याल गरौं ।

हामीले विपन्न बस्तीहरूका साथसाथै सडक पेटीमा रात गुजार्ने मानिसहरूलाई जाडोको कपडा वितरण गर्ने योजना बनाएका छौं । यसै अवसरमा, हामी यहाँहरू सबैजनासँग आग्रह गर्न चाहन्छौं, नयाँ वा प्रयोग भएर पनि राम्रो अवस्थामा रहेका कपडाहरू दिएर हामीलाई सहायता गर्न चाहनुहुन्छ भने कृपया सम्पर्क गर्नुहोला । एकदुई जोर नै भए पनि वा जति छ त्यति नै राम्रो खालको न्यानो कपडा प्रदान गरेर हामी अरु कसैको निम्ति खुसीको कारण बनौं ।

थप जानकारी तथा सहायताको निम्ति:
9843559938/9803195192

विपन्न बाढीपीडित बस्तीमा कपडा वितरण - सहायता गर्नुहुने T-shirt Nepal लाई हार्दिक धन्यवाद !

बाढीले सबैथोक बगाएपछि ठूलो समस्यामा परेका बल्खु सुकुम्बासी बस्तीका मानिसहरूलाई नि:शुल्क कपडा वितरण कार्यक्रम सम्पन्न भएको छ ।

T-shirt Nepal बाट निःशुल्क रूपमा फ्युजन नेपाललाई प्राप्त भएका गुणस्तरीय कपडाहरू बाढीपीडित मानिसहरूलाई वितरण गरिएको हो ।

आफ्नो अभावको बेलामा यति गुणस्तरीय कपडा प्रदान गरेकोमा बस्तीका मानिसहरू धेरै खुसी भएका थिए ।

यसरी अति नै दुःखमा परेका मानिसहरूलाई सहायता गर्नको निम्ति हामीलाई माध्यम बन्ने अवसर दिनुभएकोमा हामी T-shirt Nepal परिवारलाई हार्दिक धन्यवाद ज्ञापन गर्दछौं ।