Prahar Daily

पटेर्वा सुगौली गाउँपालिकाले ल्यायो ४१ करोड १९ लाख ४४ हजारको बजेट

पटेर्वा सुगौली गाउँपालिकाले ल्यायो ४१ करोड १९ लाख ४४ हजारको बजेट पर्सा पटेर्वा सुगौली गाउँपालिकाले आगामी आर्थिक वर्ष २०८३/८४ का लागि ४१ करोड १९ लाख ४४ हजार रुपैयाँ बराबरको बजेट, न...

संसदमा सृष्टि भट्टराई

–रास्वपा सांसद सृष्टि भट्टराई गाडीबाट टाउको निकालेर बनाएको भिडियो भाइरल भएको थियो। त्यसपछि भट्टराईले अब त्यस्तो कार्य नगर्ने प्रतिक्रिया दिएकी थिइन्।

उनले ट्राफिक नियमको उल्लंघन गरेको भन्दै आलोचना गरिएको थियो।

तस्बिर: बर्षा शाहह/देशसञ्चार

वाटर पार्क कि “वासनापार्क” ? परिवारिक मनोरञ्जनको नाममा आखिर के चलिरहेको छ ?

जनकपुरधाम नजिकैको रमदैयास्थित एक निजी वाटर पार्क यतिबेला पानीको रमाइलोभन्दा बढी विवादका कारण चर्चामा छ। परिवार, बालबालिका तथा पर्यटकलाई लक्षित गरी सञ्चालन गरिएको भनिएको उक्त स्थलमा पछिल्लो समय आयोजना गरिएका नृत्य तथा अर्केस्ट्रा कार्यक्रमलाई लिएर विभिन्न प्रश्न उठ्न थालेका छन्।

स्थानीयवासी तथा अभिभावकहरूले परिवारिक वातावरणको दाबी गरिने स्थानमा प्रस्तुत गरिने कार्यक्रमको प्रकृतिप्रति चिन्ता व्यक्त गरेका छन्। उनीहरूको प्रश्न छ—परिवार र बालबालिकाका लागि भनेर सञ्चालन गरिएको स्थलमा प्रस्तुत गरिने सामग्री पनि परिवारिक मर्यादा अनुरूप हुनुपर्दैन र ?

स्थानीय स्तरमा यो बहस समेत सुरु भएको छ कि मनोरञ्जनको नाममा दर्शक आकर्षित गर्न अपनाइने शैलीले परिवारिक वातावरणमाथि असर पुर्‍याइरहेको त छैन। बालबालिका र परिवारलाई लक्षित गरी स्थापना गरिएका मनोरञ्जनस्थलहरू यदि सस्तो लोकप्रियता र भीड आकर्षित गर्ने प्रतिस्पर्धामा लागे भने त्यसले सामाजिक मूल्य र मान्यतामा कस्तो प्रभाव पार्छ भन्ने प्रश्न उठ्न थालेको छ।

वाटर पार्क सञ्चालक पक्षले भने सबै कार्यक्रम कानुनी दायराभित्र रहेर सञ्चालन गरिएको दाबी गरेको छ। तर सरोकारवालाहरूको भनाइमा यो विषय केवल कानुनी मात्र नभई नैतिक र सामाजिक पक्षसँग पनि जोडिएको छ। कानुनले अनुमति दिएको हरेक कुरा समाजका लागि उपयुक्त नै हुन्छ भन्ने आवश्यक छैन भन्ने तर्क पनि उठाइएको छ।

उता प्रहरी प्रशासनले औपचारिक उजुरी प्राप्त भएमा आवश्यक अनुसन्धान गरिने जनाएको छ। यद्यपि, सार्वजनिक स्थलहरूमा हुने गतिविधिको नियमित अनुगमन र निगरानी सम्बन्धित निकायको जिम्मेवारीभित्र पर्ने कि नपर्ने भन्ने विषयमा पनि बहस भइरहेको छ।

हालको बहस केवल एउटा वाटर पार्कमा केन्द्रित छैन, बरु परिवारिक मनोरञ्जनको नाममा समाजलाई कस्तो प्रकारको सन्देश र संस्कृतितर्फ डोर्‍याइँदै छ भन्ने व्यापक चिन्तासँग जोडिएको छ। मनोरञ्जन आवश्यक भए पनि त्यसको प्रस्तुति समाजको मर्यादा, परिवारिक मूल्य र बालबालिकाको मनोविज्ञानलाई ध्यानमा राखेर हुनुपर्ने आवाज विभिन्न पक्षबाट उठिरहेको छ।