SCDC Nepal

समृद्ध समुदाय विकास केन्द्र (SCDC) नेपालको आयोजना तथा बर्दघाट नगरपालिका (शिक्षा, युवा तथा खेलकुद शाखा) को समन्वयमा सञ्चालित 'गुणस्तरीय शिक्षा परियोजना अन्तर्गत शिक्षकहरूका लागि सक्रिय शिक्षण विधि कार्यशाला' भव्यताका साथ सम्पन्न भएको छ। नेपाल सरकारको शिक्षा, विज्ञान तथा प्रविधि मन्त्रालयका पूर्व सह-सचिव (Joint Secretary) एवं देशभरिका शिक्षकहरूको तालिम नीति तर्जुमा गर्ने निकाय CEHRD (तालिम शाखा) का पूर्व निर्देशक जस्तो उच्च ओहोदा र दुई दशकभन्दा लामो विज्ञता हासिल गर्नुभएका आदरणीय व्यक्तित्व श्री गिरमान थापा को प्रमुख सहजीकरणमा सम्पन्न यो तालिम केवल औपचारिकतामा सीमित नभई, शिक्षण विधिलाई 'सक्रिय' बनाउने एउटा कोसेढुङ्गा साबित भएको छ ।यो ज्ञान र सीपले अब हाम्रा विद्यालयका कक्षाकोठाहरूलाई विद्यार्थी-केन्द्रित र नतिजामुखी बनाउनेछ भन्ने पूर्ण विश्वासका साथ, यस रूपान्तरणकारी अभियानमा हातेमालो गर्ने नगरपालिका परिवार, विज्ञ प्रशिक्षकज्यू र सहभागी सम्पूर्ण शिक्षक साथीहरूप्रति SCDC नेपाल हार्दिक कृतज्ञता व्यक्त गर्दछ।