Nepal Service Link Center

कोशी टप्पुवन्यजन्तु आरक्षले सप्तकोसीमा डल्फिनको सङ्ख्यामा वृद्धि भएको जनाएको छ ।
वातावरण दिवसको अवसरमा आयोजित एक कार्यक्रममा आरक्षले चार दिनसम्म गरिएको गणनाको परिणाम सार्वजनिक गर्दै हालसम्म गणनामा १५ वयस्क, पाँच अर्धवयस्क र दुई बच्चा डल्फिन गरी जम्मा २२ वटा डल्फिन रेकर्ड गरिएको छ ।
२०६५ भाद्र ५ गते पूर्वी तटबन्ध भत्काएर बगेको कोसी नदीलाई पुरानै धारमा फर्काउदा पानी सुकेर मरणासन्न अवस्थामा पुगेका र चोरी शिकारी हुन लागेका डल्फिनलाई नेपाली सेनाको श्रीबक्स गणका तत्कालीन मेजर पुरुषोत्तम खड्काको नेतृत्वको टोलीले २०६५ माघ १५ मा उध्दार गरेर पुनः कोसी नदीमै लगाइदिएका थिए । त्यसबेला डल्फिन बचाउनु पर्छ भन्ने चेतना र सक्रियता नभएको भए सम्भवतः कोसी नदीमा डल्फिन देख्न पाइने थिएन । यहाँ पाइने डल्फिन गङ्गेटिक प्रजातिको हो ।

(त्यसबेला डल्फिनको उध्दार गरेको भिडियो हेर्नु होला ।)