Prem Saud

"चिया सोच र समय "

जसरी चियामा रंग छुट्टियो,
सोचका अनेक मसला छुट्टिए,
पल उही तर काल छुट्टियो,
सँगै केही सम्बन्ध मिले र छुट्टिए।

चुस्की सँगै केही बाफ उडे,
सँगै केही थकान उड्यो,
आजको सुनौलो पल बिदा माग्न लाग्दा,
मित्रको मजाकमा हाँसोको
खिक्का उड्यो।

चिया सँगै कयौं
बिहान अनि साँझ फेरिए,
आकाश बेलिको जरा जस्तै,
नटुंगिने सोच उही छ।

भित्ते पात्रो फेरियो,
अवस्था र हाल उही छ,
समयले नेटो काटला,
तिमी चियामा भेटिनु
मेरो चाल उही छ।