Star 4K

स्वस्थ शरिर चाहानुहुन्छ दैनिक खानुस यी खानेकुरा:-
♦️♦️👇️👇️♦️♦️
वरिष्ठ ग्याष्ट्रोएन्ट्रोलोजिस्ट प्रो.डा. सुनील शर्माले स्वस्थ शरीर र विशेषगरी पाचन प्रणालीलाई राम्रो अवस्थामा राख्न दैनिक खानपानमा पाँच प्रकारका खाद्य परिकारलाई प्राथमिकता दिनुपर्ने बताएका छन्।
उनका अनुसार:
१. बेसार
बेसार नेपाली भान्सामा प्रायः दैनिक प्रयोग हुने मसला हो। यसमा प्राकृतिक रूपमा सूजन कम गर्ने र स्वास्थ्यका लागि लाभदायक गुण पाइने भएकाले नियमित रूपमा प्रयोग गर्नु उपयुक्त हुन्छ।
२. दही
दही पेट र समग्र स्वास्थ्यका लागि लाभदायक मानिन्छ। यसमा पाइने उपयोगी जीवाणुले पाचन प्रणालीलाई सन्तुलित राख्न मद्दत गर्ने भएकाले नियमित सेवन गर्न सकिन्छ।
३. दाल
कुनै पनि प्रकारको दाल स्वास्थ्यका लागि राम्रो हुन्छ। विशेषगरी नेवार समुदायमा प्रचलित क्वाँटी, चना तथा विभिन्न गेडागुडीबाट बनेका परिकार पौष्टिक र स्वास्थ्यवर्द्धक हुने डा. शर्माको भनाइ छ।
४. सिन्की, गुन्द्रुक र पानी अचार
सिन्की, गुन्द्रुक तथा अलिकति अमिलो स्वाद भएको, कम तेल र कम मसला प्रयोग गरिएको पानी अचार पनि स्वास्थ्यका लागि लाभदायक हुने उनले बताएका छन्।
५. सिजनअनुसारका फलफूल
मौसमी फलफूलमा आवश्यक भिटामिन, खनिज र फाइबर प्रशस्त मात्रामा पाइने भएकाले सिजनअनुसारका फलफूल नियमित खान उनले सुझाव दिएका छन्।
Real Talk Nepal