Manoj Raj Joshi

बाटैबाटो आएको थियो ऊ
बाटो खोज्दै
मैले औँला तेर्स्याएर देखाइदिएँ
निभ्नै लागेको क्षितिजको सूर्य
र आँखैअगाडी तमतन्न बाटो।

कतै त जानु थियो होला उसलाई
कहाँ पो जानुथियो?
बिर्सिएँ..

बाटो हो
यात्री भेटिन्छन्- छुट्छन्
जोडिन्छन्- टुट्छन्

ठिक त्यसैबेला
मैले
मेरा पुराना यारहरु सम्झिएँ !! ✍️Ⓜ️

जस्तो रोप्यौ त्यस्तै फसल पायौ की पाएनौ ?
खोजे जस्तै साथी असल पायौ की पाएनौ ?

पाउँछ भन्थेउ नी सबथोक, पैसा भए पछि,
सबथोक किन्न पाइने पसल पायौ की पाएनौ ?