Dev Raj Sawad

काठमाण्डू जिल्ला अदालतले अघिल्लो शनिवार पक्राउ परेका पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई थप ५ दिन थुनामा राख्न प्रहरीलाई अनुमति दिएको छ। यसअघि अदालतले उनीहरूलाई सुरुमा ५ दिन र पछि २ दिन थुनामा राख्न अनुमति दिएको थियो। ‘बयान कार्य सम्पन्न भइसकेको देखिए तापनि… थप अनुसन्धान गर्ने र प्रमाणहरू बुझ्ने समेतका थप कार्यहरू बाँकी नै रहेको देखिँदा…’ न्यायाधीश जगतबहादुर पौडेलको इजलासले उक्त अनुमति दिएको स्रेस्तेदार तीर्थराज भट्टराईले बीबीसीलाई जानकारी दिए।