Nepal Plus.com

काठमाडौँ । टिकटकर तुलसी अधिकारी, जसलाई सामाजिक सञ्जालमा ‘तुलसा कलेक्सन’का नामले चिनिन्छ, आज थुनछेक बहसका लागि जिल्ला अदालत ललितपुर लगिँदै छिन् ।

उनलाई थाइल्यान्डबाट प'क्राउ गरी शनिबार राति काठमाडौं ल्याइएको थियो । प्रहरीका अनुसार अधिकारीविरुद्ध ठगीसम्बन्धी मुद्दा अघि बढाइएको छ ।

सरकारी वकिल कार्यालय ललितपुरले उनीविरुद्ध ६ करोड ५२ लाख २९ हजार रुपैयाँ बिगो कायम गरी मुद्दा दायर गरेको छ ।

आज अदालतमा हुने थुनछेक बहसपछि उनलाई पुर्पक्षका लागि थुनामा पठाउने, धरौटीमा रिहा गर्ने वा साधारण तारेखमा छाड्ने भन्ने आदेश आउनेछ ।

अधिकारी सामाजिक सञ्जालमार्फत व्यापारिक गतिविधि सञ्चालन गर्दै आएको नाममा परिचित थिइन् । उनीविरुद्ध रकम ठगीको आरोपमा अनुसन्धान अघि बढाइएको हो । #सक्दो_शेयर_गरौ