Hello Samaj

राष्ट्रिय स्वतन्त्र पार्टी (रास्वपा) का सभापति रवि लामिछानेले नयाँ वर्ष २०८३ लाई ‘खील निकाल्ने वर्ष’ को रूपमा चित्रण गर्दै सम्पूर्ण नेपालीलाई शुभकामना व्यक्त गरेका छन् । फेसबुकमा एक पोस्ट राख्दै लामिछानेले लेखेका छन्, “खील निकाल्ने वर्ष हो, मज्जाले दुख्छ, सहने शक्त्ति मिलोस् । हाम्रो तर्फबाट धेरै शुभकामना !”

परम्परागत शुभकामना शैलीभन्दा भिन्न ढंगले यो सन्देश दिँदै उनले २०८३ साललाई चुनौतीपूर्ण तर आवश्यक परिवर्तनको वर्षका रूपमा व्याख्या गरेका छन् । ‘खील निकाल्ने’ भन्ने अभिव्यक्तिले दुखद तर जरुरी सुधार, बाधा हटाउने र कठिन प्रक्रियालाई इंगित गरेको बुझिन्छ ।

संघमा रास्वपा एकल सरकार छ । लामिछानेले दिएको सन्देशले राजनीतिक तथा सामाजिक क्षेत्रमा आगामी दिनमा कठिन तर परिणाममुखी कामहरू हुन सक्ने संकेत गरेको छ ।