SR Rastriya Dainik khabar

मधेसका युवा सचिन कुमार सिंहलाई दिगो विकास लक्ष्य (SDG) च्याम्पियनको रूपमा सम्मान गरिएको छ।

काठमाडौं — बैशाख १९, २०८३
संयुक्त राष्ट्र संघको पहलमा काठमाडौंको होटल मनाङमा आयोजित एक विशेष कार्यक्रममा मधेसका युवा सचिन कुमार सिंहलाई दिगो विकास लक्ष्य (SDG) च्याम्पियनको रूपमा सम्मान गरिएको छ। धनुषा जिल्लाको मिथिला नगरपालिका–८ निवासी २६ वर्षीय सिंहले अन्तर्राष्ट्रिय स्तरमा उल्लेखनीय सफलता हासिल गर्दै यो प्रतिष्ठित उपाधि प्राप्त गरेका हुन्।
विश्व सम्मेलन परिषद्‌द्वारा सञ्चालन गरिएको ‘परियोजना १००’ अन्तर्गत विश्वभरबाट छनोट गरिएका १७ उत्कृष्ट पुरस्कार विजेतामध्ये पर्न सफल भएका सिंहले आफ्नो उपलब्धिलाई गर्व र जिम्मेवारीको महत्वपूर्ण क्षणको रूपमा लिएका छन्। उनले यस सम्मानले समुदायमा आधारित पहलमार्फत दिगो विकास लक्ष्यहरूलाई प्रभावकारी रूपमा अघि बढाउने आफ्नो प्रतिबद्धता अझ बलियो बनाएको बताएका छन्।
सिंह लामो समयदेखि मधेस क्षेत्रमा शिक्षा, वातावरण संरक्षण, युवा सशक्तीकरण तथा सामाजिक रूपान्तरणका क्षेत्रमा सक्रिय रहँदै आएका छन्। उनको नेतृत्वमा सञ्चालन गरिएका विभिन्न कार्यक्रमहरूले स्थानीय स्तरमा सकारात्मक परिवर्तन ल्याएको बताइन्छ।
उनको यो उपलब्धि केवल व्यक्तिगत सफलता मात्र नभई सम्पूर्ण मधेस प्रदेश र नेपालको लागि गर्वको विषय बनेको छ। स्थानीय समुदाय, युवा वर्ग तथा विभिन्न संघसंस्थाहरूले सिंहको सफलतालाई प्रेरणादायी उदाहरणका रूपमा लिएका छन्।
विशेषज्ञहरूका अनुसार, यस्ता अन्तर्राष्ट्रिय मान्यताले नेपालका युवाहरूलाई विश्वस्तरमा आफ्नो क्षमता प्रदर्शन गर्न प्रेरित गर्नेछ। सचिन कुमार सिंहको यो सफलता आगामी दिनहरूमा दिगो विकासका क्षेत्रमा थप योगदान पुर्‍याउने अपेक्षा गरिएको छ।

धनुषामा लागूऔषधसहित दुई युवक पक्राउ, मोटरसाइकल पनि नियन्त्रणमा
यज्ञभूमि, धनुषा — धनुषा जिल्लाको धनुषाधाम नगरपालिका–९ मा प्रहरीले लागूऔषधसहित दुई युवकलाई पक्राउ गरेको छ। इलाका प्रहरी कार्यालय यज्ञभूमि बाट खटिएका
प्र स नि दिनेश कुमार दास
प्र स ह रामबाबु यादव

विशेष सूचनाका आधारमा उनीहरूलाई नियन्त्रणमा लिएको जनाएको छ।
घटनाको विवरण
प्रहरीका अनुसार २०८३ /०१/१८ गते बिहान करिब ७:०० बजे प्राप्त गोप्य सूचनाका आधारमा खानतलासी गर्दा दुई युवक पक्राउ परेका हुन्। पक्राउ पर्नेमा:
धनुषाधाम नगरपालिका–९ निवासी हरिश्चन्द्र मण्डलका २० वर्षीय छोरा रोहित कुमार मण्डल
गणेशमान चारनाथ नगरपालिका–१ निवासी नारायण साहका २२ वर्षीय छोरा मुकेश साह रहेका छन्।
बरामद सामग्री
प्रहरीले रोहित कुमार मण्डलको घरमा गरिएको खानतलासीका क्रममा प्रतिबन्धित लागूऔषध बरामद गरेको जनाएको छ। बरामद सामग्रीमा:
Nitzascam-10 नामक औषधि (१० पत्ता)
जम्मा १०० पिस लागूऔषध समावेश छन्।
थप कारबाही
लागूऔषध कारोबारमा संलग्न रहेको आशंकामा दुवै जनालाई नियन्त्रणमा लिएर थप अनुसन्धान भइरहेको प्रहरीले जनाएको छ। उनीहरूले प्रयोग गरेको बा. ७१ प ४४९० नम्बरको मोटरसाइकल समेत प्रहरीले बरामद गरी कार्यालयमा राखेको छ।
इलाका प्रहरी कार्यालय यज्ञभूमिबाट करिब १ किलोमिटर पूर्व–दक्षिण क्षेत्रमा रहेको घटनास्थलबाट उनीहरूलाई पक्राउ गरिएको बताइएको छ।
प्रहरीले यस घटनाबारे विस्तृत अनुसन्धान जारी रहेको र संलग्न अन्य व्यक्तिहरूको खोजी पनि भइरहेको जनाएको छ।

मिथिला समुदायका महिलाहरूले कसरी प्लास्टिक फोहोर न्यूनीकरण गरिरहेका छन्?

लेखक: सचिन कुमार सिंह, वातावरणविद्
मिथिला आफ्नो समृद्ध संस्कृति, जीवन्त परम्परा र “मधुरता” (मिठास) को प्रतीकका रूपमा परिचित क्षेत्र हो। यहाँका महिलाहरूले कला, संस्कार र सामाजिक योगदानमार्फत समाज विकासमा सधैं महत्वपूर्ण भूमिका निर्वाह गर्दै आएका छन्। पछिल्लो समय बढ्दो प्लास्टिक प्रदूषण—विशेषगरी एकपटक प्रयोग हुने प्लास्टिकका कारण—मिथिलाका महिलाहरू समुदाय-आधारित नवप्रवर्तनमार्फत वातावरण संरक्षणमा सक्रिय रूपमा अग्रसर देखिएका छन्।
मिथिला क्षेत्रमा महिलाहरूले आफ्ना परम्परागत ज्ञान र सीपलाई पुनर्जीवित गर्दै प्लास्टिकको प्रभावकारी विकल्प प्रस्तुत गरेका छन्। मिथिला का मलिक समुदायलगायतका समूहहरूले बाँसबाट डोको, टोकरी, घेरा (फेन्सिङ) जस्ता सामग्री उत्पादन गर्दै आएका छन्, जसले प्लास्टिकका डस्टबिन, र्याक तथा अन्य सामग्रीलाई प्रतिस्थापन गरिरहेको छ।
त्यसैगरी, बर, साल र बरीका पातबाट बनाइने पत्ता प्लेट (पत्तल) र दुना (पातका कचौरा) वातावरणमैत्री तथा जैविक रूपमा विघटनशील विकल्पका रूपमा लोकप्रिय बन्दै गएका छन्। यस्ता सामग्रीहरूले चाडपर्व तथा सामाजिक कार्यक्रमहरूमा प्लास्टिकको प्रयोग घटाउँदै स्थानीय उत्पादन र रोजगारीलाई समेत प्रोत्साहन गरिरहेका छन्।
धेरै मिथिला महिलाहरूले साना तथा घरेलु उद्योग स्थापना गरी कपडाका झोला, जुटका सामग्री तथा हस्तकला उत्पादन गर्न थालेका छन्, जसले पोलिथिन झोलाको भरपर्दो विकल्प प्रदान गरेको छ। यसका साथै, स्थानीय महिला समूहहरूले साप्ताहिक बजार, मन्दिर तथा विद्यालयहरूमा जनचेतना अभियान सञ्चालन गर्दै प्लास्टिकको विकल्प प्रयोग र घरमै फोहोर छुट्याउने अभ्यासलाई प्रवर्द्धन गरिरहेका छन्।
शैक्षिक संस्थाहरूमा समेत महिलाहरूले स्थानीय निकायसँग सहकार्य गर्दै विशेषगरी धार्मिक स्थलहरू वरिपरि प्लास्टिकमुक्त क्षेत्र घोषणा गर्ने पहल गरेका छन्। परम्परागत रूपमा मिथिलाका महिलाहरूले ‘सामा–चकेवा’ जस्ता सांस्कृतिक अभ्यासमार्फत जैविक विविधता संरक्षण, दिगो जीवनशैली र वातावरणमैत्री सोचलाई प्रवर्द्धन गर्दै आएका छन्। अहिले माटो र प्राकृतिक रंग प्रयोग गरी खेलौना तथा मूर्तिहरू निर्माण गरिनु पनि यही परम्पराको निरन्तरता हो।
यी प्रयासहरू केवल वातावरणीय संरक्षणमा मात्र सीमित छैनन्; यसले स्थानीय ज्ञानको पुनर्जागरण, आर्थिक सशक्तिकरण र सांस्कृतिक पहिचानको संरक्षणमा पनि महत्वपूर्ण योगदान पुर्‍याएको छ। मिथिलाका महिलाहरूले परम्परा र आधुनिकताको सन्तुलन मिलाउँदै देखाएका छन् कि आधुनिक समस्याहरूको समाधान पुरानो ज्ञान र सामुदायिक सक्रियताबाट पनि सम्भव छ।
यद्यपि, यस्ता उल्लेखनीय प्रयासहरूले अझै पर्याप्त पहिचान र सम्मान पाउन सकेका छैनन्। त्यसैले, यस्ता पहलहरूलाई राष्ट्रिय तथा अन्तर्राष्ट्रिय स्तरमा प्रवर्द्धन गर्दै उनीहरूको योगदानलाई उजागर गर्नु आजको आवश्यकता हो।

जलेश्वरबाट जनकपुरतर्फ जाँदै गरेको टेम्पोमाथि रुख खस्दा २ जनाको मृत्यु भएको छ । आज साँझको हवाहुरीका क्रममा जलेश्वर नगरपालिका–९ परकौलीस्थित सडक छेउको रुख जनकपुरतर्फ जाँदै गरेको ज १ घ ४८५० नम्बरको टेम्पोमाथि खस्दा २ जनाको मृत्यु भएको जिल्ला प्रहरी कार्यालय महोत्तरीका प्रहरी नायब उपरीक्षक शैलेन्द्रकुमार भट्टले बताउनुभयो ।

पालिकाहरूको संख्या घटाउने सरकारको निर्णय ।

काठमाडौं — अख्तियार दुरुपयोग अनुसन्धान आयोग ले खाद्य प्रविधि तथा गुण नियन्त्रण विभाग, बबरमहलमा कार्यरत एक प्राविधिक सहायकलाई घुससहित पक्राउ गरेको छ।
आयोगका अनुसार अनुगमन तथा निरीक्षण शाखा काठमाडौंमा कार्यरत प्राविधिक सहायक सन्जय चौधरी ले उद्योग नविकरणका लागि सेवाग्राहीसँग घुस माग गरी दु:ख दिएको उजुरी प्राप्त भएको थियो। सोही उजुरीका आधारमा टंगालबाट खटिएको टोलीले उनलाई सेवाग्राहीबाट ३० हजार रुपैयाँ घुस लिइसकेको अवस्थामा नियन्त्रणमा लिएको हो।
पक्राउ परेका चौधरीलाई खाद्य प्रविधि तथा गुण नियन्त्रण विभागकै परिसरबाट रकमसहित नियन्त्रणमा लिइएको आयोगले जनाएको छ। घटनास्थलबाट घुस रकमसहित दुई थान मोबाइलसमेत बरामद गरिएको छ।
आयोगका प्रवक्ता सुरेश न्यौपाने का अनुसार घटनाबारे थप अनुसन्धान भइरहेको छ।

रास्वपामा युवा नेता सहनीको प्रवेश, यादवद्वारा स्वागत
धनुषा, १४ चैत — धनुषाधामका युवा नेता राजेश सहनी राष्ट्रिय स्वतन्त्र पार्टी (रास्वपा) मा प्रवेश गरेका छन्। उनलाई पार्टीका नेता रामहृदय यादवले एक कार्यक्रमबीच पार्टीमा स्वागत गरेका हुन्।
सहनी यसअघि नेकपा एमाले निकट युवा संघ धनुषाका जिल्ला कोषाध्यक्ष तथा धनुषाधाम नगरपालिका वडा नं. ६ का पार्टी सचिवका रूपमा सक्रिय थिए। उनको रास्वपामा प्रवेशलाई स्थानीय राजनीतिक वृत्तमा महत्त्वपूर्ण रूपमा हेरिएको छ।
कार्यक्रमलाई सम्बोधन गर्दै रास्वपा नेता यादवले देशको समग्र विकासका लागि रास्वपाले प्रभावकारी भूमिका खेल्ने विश्वास व्यक्त गरे। उनले विशेषगरी धनुषाधाम नगरपालिका लगायतका क्षेत्रमा विकासको नयाँ गति दिने लक्ष्यका साथ पार्टी अघि बढिरहेको बताए।
पूर्व पत्रकार समेत रहेका यादवले युवाहरूको सक्रिय सहभागिता रास्वपाको बलियो आधार हुने उल्लेख गर्दै सहनीजस्ता युवाको आगमनले पार्टीलाई थप ऊर्जा मिल्ने धारणा व्यक्त गरे।

बालेन नभयेको भये रा स्व पा पनी क्लिन स्विप हुन्थ्यो...