Krishna Ranabhat

नेपाल हेरेको हेर्‍ऐ ।

'सदबीज' लिलामीघरले गौतम बुद्धको पार्थिव अवशेषसँग सम्बन्ध भएको ठानिएका रत्नहरू भारतलाई फिर्ता गरेको छ।
भारत र बौद्धधर्मका अगुवाहरूले उक्त लिलामीघरलाई ती पुरातात्त्विक वस्तुहरू धार्मिक भावनासँग जोडिएको भन्दै नबेच्न र तिनको मूल थलोलाई फिर्ता गर्न दबाव दिएका थिए।
गत मे महिनामा हङ्‌कङमा गर्न लागिएको लिलामी भारतको कूटनीतिक हस्तक्षेप तथा कानुनी कारबाहीको चेतावनीपछि रोकिएको थियो।
नेपालमा अवस्थित बुद्धको जन्मस्थल लुम्बिनीनजिकै सीमापारि भारतको पिप्रहवामा एउटा स्तूपमा इँटाले बनेको संरचनाभित्र झन्डै १,८०० वटा रत्न र सुनले बनेका बुट्टेदार पाता फेला परेका थिए। मोती, माणिक, पुष्पराज र नीलमसहितका ती रत्नहरू बुद्धका अस्थिधातु भनेर लेखिएको एउटा पात्रसँगै थिए।
सदबीजले ती रत्नहरू मुम्बईस्थित गोदरेज इन्डस्ट्रिज ग्रूपले लिएको जनाएको छ।
सदबीज, नयाँ क्रेता र भारत सरकारबीच दुई महिना वार्ता भएपछि ती वस्तु भारतलाई फिर्ता गरिएको बताइएको छ।
सदबीजले ती पुरातात्त्विक वस्तुहरू अब स्थायी रूपमै भारतमा प्रदर्शनीका लागि राखिने छन्।
भारतका प्रधानमन्त्री नरेन्द्र मोदीले ती वस्तु १२७ वर्षपछि फिर्ता भएकोमा प्रसन्नता व्यक्त गरेका छन्।
यससम्बन्धी पुरानो समाचार : https://bbc.in/4mqcmiF

संगम सहकारीको शुभकामना आदानप्रदान पोखरा ५ बैशाख , संगम बचत तथा ऋण सहकारी संस्था , पोखरा १५ ले नयाँ वर्ष २०८२ को अवसरमा शुभकामना आदानप्रदान कार्यक्रम ग...