Creative disable self-help centre

भावपूर्ण श्रद्धाञ्जली
"आयो टप्प टिप्यो, लग्यो, मिति पुग्यो टारेर टर्दैन त्यो,
इन्द्रै बिन्ती गरून् झुकेर पदमा त्यो बिन्ती सुन्दैन त्यो ।"
नेपाली अपाङ्गता आन्दोलनकी एक नक्षत्र, साहस र संघर्षकी प्रतिमूर्ति, अपाङ्गता भएका महिलाहरूको हक-अधिकारका लागि जीवन पर्यन्त लड्नुहुने एक सशक्त अभिभावक गुमाउनु पर्दा आज सिङ्गो अपाङ्गता क्षेत्र स्तब्ध र मर्माहत भएको छ।
आदरणीय सीता सुवेदीज्यू
(अपाङ्गता अधिकारकर्मी एवं सामाजिक अभियन्ता)
उहाँले सम्हाल्नुभएका गरिमामय जिम्मेवारीहरू:
* संस्थापक केन्द्रीय महासचिव एवम् वर्तमान केन्द्रीय अध्यक्ष – नेत्रहीन महिला संघ नेपाल
* पूर्व केन्द्रीय उपाध्यक्ष – नेपाल नेत्रहीन संघ
* पूर्व केन्द्रीय सदस्य – राष्ट्रिय अपाङ्ग महासंघ नेपाल
* निवर्तमान क्षात्रावाश प्रमुख – नेत्रहीन संघ महिला छात्रावास
करिब साढे दुई दशकभन्दा लामो समयदेखि अपाङ्गता भएका महिलाहरूको सशक्तिकरणमा "अभिभावक, प्रेरणा र साहसको प्रतीक" का रूपमा उहाँले पुर्याउनुभएको अतुलनीय योगदान इतिहासमा सधैं स्वर्ण अक्षरले लेखिनेछ। उहाँको नेतृत्वदायी भूमिका र मार्गनिर्देशन हामी सबैका लागि सधैं प्रेरणाको स्रोत बनिरहनेछ।
मिति २०८२/१०/१२ गते राति भएको उहाँको असामयिक निधनले हामीले एक असल मार्गदर्शक गुमाएका छौँ। यो अपूरणीय क्षतिको घडीमा दिवंगत आत्माको चिरशान्तिको कामना गर्दै उहाँप्रति हार्दिक श्रद्धाञ्जली अर्पण गर्दछौँ। साथै, शोकाकुल परिवारजन तथा आफन्तजनमा धैर्यधारण गर्ने शक्ति मिलोस् भनी ईश्वरसँग प्रार्थना गर्दै गहिरो समवेदना प्रकट गर्दछौँ।
हार्दिक श्रद्धाञ्जली !

सन्दिप भट्टराई (अध्यक्ष)
सम्राट केसी (सचिव)
तथा
सिर्जनशील अपाङ्ग स्वावलम्बन केन्द्र परिवार