YMP Netball Club

E te Rangatira haere atu rā!
E whakaaro nui ana ki a Kawaiwhakaheke Procter me te whānau Winiata.
Nā tō karapū a YMP 💗

🕊💔 HE MAIMAI AROHA | Tuia te whatanuku, Tuia te Whatarangi. Takoto rawa iho ki te poho o Mauru o Tonga, ki te Putahitanga o Rehua, ka tau iho hāpaitia te hiriri.Takurua ki raro, Autahi ki runga. Raukawa ki uta, Raukawa ki tai, te mau i te pare kawakawa o mate.

E Koro Whatarangi. Tangi kotokoto ana tō iwi Māori i tō rironga ki tua o te pae rangi. Ko te ope tārewa tō tira whakaeke ki te marae nui o te rangi. E te puna Mātauranga, te whata iringa kōrero, te oroko timatanga o te Pāti Māori, ka ngaro nei.

Whoatu e Koro.