Municipal Health Office - Balayan

Kaganapang pangkalusugan sa Bayan ng Balayan!

Ramdam na ramdam ang tunay na kalinga sa ating bayan! Hindi na kailangang pumunta pa sa RHU dahil ang mga programa tulad ng Bantay Sigla: 1,000 at libreng gamot ay diretso nang hinahatid ng MHO Balayan sa ating mga barangay.

​Naghatid din ng libreng Chest X-ray ang ating mga health workers para sa mga residente ng Barangay Baclaran upang masigurong ligtas at malusog ang baga ng bawat isa.

​Bukod dito, isang malaking pasasalamat din sa mga bayaning Balayano na nag-alay ng kanilang dugo sa ating Monthly Blood Donation Activity nitong Mayo 27 sa Walter Mart Balayan. Ang bawat patak ng inyong dugo ay dugong nagbibigay-buhay sa ating komunidad!

​Sa pamumuno ni Mayora Lisa Ermita-Abad, patuloy nating bibigyang-diin ang kahalagahan ng bawat buhay—mula sa unang 1,000 araw ng sanggol hanggang sa proteksyong hatid ng PhilHealth at Programang YAKAP.

​Abangan ang health caravan sa inyong lugar! Stay healthy!

​

Bantay Sigla 1,000: Serbisyong Ligtas ang Ina at Sanggol sa Alagang pangkalusugan ng Bagong Balayan

Noong ika-17 ng Abril 2026 (Biyernes), matagumpay na isinagawa sa Barangay Patugo, Balayan, Batangas ang pilot testing ng programang Bantay Sigla 1,000—isang inisyatibo ng lokal na pamahalaan sa pangunguna ni Mayora Lisa Ermita-Abad.

Sa nasabing aktibidad, nabigyan ng integrated health services tulad ng check-up, immunization, dental at nutrition services, kabilang ang iron supplementation at iba pang serbisyo mula sa Rural Health Office Balayan
Patunay ito ng patuloy na pagsisikap ng pamahalaan na mailapit ang dekalidad na serbisyong pangkalusugan sa bawat pamilya sa Balayan.