KUYA MAYOR

Isang taos-pusong pagbati at magandang araw, mga kababayan sa Balete! ❤️

Patuloy po ang ating paghahatid ng kalinga at pag-asa sa bawat pamilyang Baleteno. Nitong mga nakaraang araw, personal na ipinamahagi ng ating Mayor ang Financial Assistance para sa ating mga kababayan na labis na nangangailangan ng saklolo sa Medical, Burial, at Educational Assistance.

Hindi po madali ang mga pinagdaraanan natin sa buhay—may mga pagkakataong sinusubok tayo ng karamdaman, ng pangungulila, o ng bigat ng gastusin para sa pag-aaral ng ating mga anak. Ngunit nais po naming ipaalala sa inyo: hindi kayo nag-iisa. Narito ang inyong lokal na pamahalaan, laging nakahandang umalalay at yumakap sa inyo sa oras ng kagipitan.

Ang tulong na ito ay hindi lamang mula sa kaban ng bayan, kundi mula sa puso ng isang pamunuan na nagmamalasakit sa kapakanan ng bawat isa.

💙 𝐓𝐀𝐎𝐒-𝐏𝐔𝐒𝐎𝐍𝐆 𝐏𝐀𝐒𝐀𝐒𝐀𝐋𝐀𝐌𝐀𝐓, 𝐁𝐀𝐋𝐄𝐓𝐄! 💙

Buong pagpapakumbaba at taos-pusong pasasalamat ang ipinapaabot ng Lokal na Pamahalaan ng Balete at ng bawat mamamayang Baleteño kina Governor Vilma Santos-Recto at Executive Secretary Ralph G. Recto sa napakalaking tulong at suporta na kanilang ipinagkaloob para sa ating bayan.

Dahil sa kanilang malasakit, dedikasyon, at walang sawang pagsisikap, naipatayo at napondohan ang ating bagong Bahay Pamahalaan—isang gusaling hindi lamang mas malaki, kundi mas moderno at mas angkop sa makabagong teknolohiya. Ito ay magsisilbing matibay na simbolo ng pag-unlad ng Balete at ng mas maayos na paglilingkod sa ating mga kababayan.

Hindi matatawaran ang kanilang naging papel sa proyektong ito. Sa katunayan, kung hindi dahil sa kanilang suporta at pagsusumikap, ang pangarap na magkaroon ng bagong Bahay Pamahalaan ay mananatiling pangarap lamang. Ngunit dahil sa kanilang paninindigan na maiangat ang antas ng serbisyo publiko, ito ay naging isang ganap na realidad.

Sa pangunguna ni Mayor Wilson V. Maralit, kasama ang buong Sangguniang Bayan at mga kawani ng LGU Balete, kami po ay lubos ang pasasalamat. Gayundin, ang buong sambayanan ng Balete ay nakikiisa sa pagpupugay at pagkilala sa inyong kabutihan.

Ang bagong Bahay Pamahalaan ay hindi lamang isang gusali—ito ay simbolo ng pagkakaisa, pagtutulungan, at tunay na malasakit sa bayan.

Maraming, maraming salamat po sa inyong walang kapantay na suporta sa Balete. Hinding-hindi po namin ito makakalimutan. 💙

Maligayang ika-71 Pagdiriwang ng Kapistahan ng Bayan ng Balete! 🎉

Sa pagdiriwang ng ating Town Fiesta at Kapistahan ng Mahal na Patrona, Nuestra Señora de la Paz y Buen Viaje ngayong Abril 30 hanggang Mayo 1, 2026, nawa’y mapuno ng saya, pagkakaisa, at pagpapala ang bawat tahanan sa ating mahal na bayan.

Patuloy nating ipagdiwang ang ating mayamang kultura, matibay na pananampalataya, at ang pagkakaisa bilang isang komunidad. Nawa’y magsilbing gabay sa atin ang ating patrona tungo sa mas maunlad, mapayapa, at masaganang Balete.

Mula sa inyong lingkod, taos-pusong pagbati at pasasalamat sa inyong patuloy na suporta at pagmamahal sa ating bayan.

Mabuhay ang Balete! 💙💛

— Mayor Wilson Maralit

💪🌿 WEEKLY WELLNESS ACTIVITY | LGU Balete

Bilang bahagi ng pagpapanatili ng kalusugan at kasiglahan ng ating mga kawani, matagumpay na naisagawa ang lingguhang wellness activity ng LGU Balete!

Sa pamamagitan ng simpleng ehersisyo at sama-samang pakikilahok, napapalakas hindi lamang ang ating pangangatawan kundi pati ang samahan at positibong kaisipan sa lugar ng trabaho.

Patuloy nating isulong ang isang malusog, masigla, at produktibong kapaligiran para sa mas maayos na paglilingkod sa ating komunidad.

Sa malusog na kawani, mas maayos na serbisyo para sa bayan! 💙