PLSS MMSU

𝐌𝐆𝐀 𝐈𝐒𝐊𝐎𝐋𝐀𝐑 𝐍𝐆 𝐒𝐎𝐒𝐘𝐎𝐋𝐎𝐇𝐈𝐘𝐀 📚🏅

Pagbati sa mga Senior ng Programang BA Sociology! 🎖️

Ipinagmamalaki ng BA Sociology Program na kilalanin ang mga Academic Achievers para sa Ikalawang Semestre ng Taong Panuruan 2025–2026. Ang pagkilalang ito ay hindi lamang sumasalamin sa inyong kahusayan sa akademya, kundi maging sa inyong tiyaga, dedikasyon, at patuloy na paghahangad ng kaalaman sa pag-unawa sa lipunan.

Patuloy na maging inspirasyon sa kapwa mag-aaral at magsilbing halimbawa ng sipag at kahusayan.

Mula sa Bayan, Para sa Bayan! ✨

𝑩𝑨𝑺𝑻𝑨 𝑺𝑶𝑪𝑰𝑶, 𝑨𝑲𝑻𝑰𝑩𝑶. 𝑩𝑨𝑺𝑻𝑨 𝑺𝑶𝑪𝑰𝑶, 𝑷𝑹𝑶𝑮𝑹𝑬𝑺𝑰𝑩𝑶.

𝐌𝐀𝐋𝐈𝐆𝐀𝐘𝐀𝐍𝐆 𝐊𝐀𝐀𝐑𝐀𝐖𝐀𝐍 𝐒𝐀 𝐍𝐀𝐆-𝐈𝐈𝐒𝐀𝐍𝐆 𝐓𝐈𝐍𝐈𝐆 𝐀𝐓 𝐋𝐈𝐊𝐇𝐀 𝐍𝐆 𝐊𝐎𝐍𝐒𝐄𝐇𝐎 𝐍𝐆 𝐏𝐋𝐒𝐒…𝑩𝒆𝒂𝒕𝒓𝒊𝒛 𝑫𝒂𝒑𝒉𝒏𝒆! 🥳🎊🎉

Bilib kami sa iyong tunay na paglilingkod nang may puso at talino para sa kapwa mag-aaral! Mula sa paggawa ng mga captions, paglikha ng konsepto sa ating bulletin, at maging katulong sa pagbuo ng mga ideya ay nandiyan ka upang tumulong at magbigay ng kontribusiyon.

Saludo kami sa iyong walang sawang pagpupursigi at determinasyion hindi lang upang gampanan ang responsibilidad kundi magbigay ng taos pusong serbisyo sa kapwa mo mag-aaral.

Sa pagpasok mo sa panibagong taon ng iyong buhay, ipagpatuloy mo lang ang pagiging liwanag at inspirasyon sa marami.

Muli,maligayang bati! 🌟

𝐔𝐍𝐀𝐍𝐆 𝐀𝐋𝐏𝐀𝐒

Isang makasaysayang yugto ang matagumpay na naisakatuparan sa kauna-unahang ALPAS — The Sociology Tribute Ceremony: Lininang sa Dunong, Lingkod, Lingap, at Lipunan ng programang BA Sociology. ✨

Sa hapong puno ng pagkilala, pagpupugay, at inspirasyon, pinarangalan ang bawat nagsipagtapos na mag-aaral para sa kanilang sipag, dedikasyon, at makabuluhang ambag sa akademya at lipunan. Higit pa sa mga parangal, naging simbolo rin ang Jacketing Ceremony ng kanilang kahandaan na dalhin ang diwa ng sosyolohiya—ang paglilingkod, malasakit, at kamalayang panlipunan—lampas sa silid-aralan at tungo sa tunay na mundo. 🎓

Ang ALPAS ay hindi lamang isang seremonya, kundi isang pagdiriwang ng mga pangarap, sakripisyo, at tagumpay ng bawat future sociologist na patuloy na maninindigan para sa dunong at lipunan.

Mula sa programang BA Sociology, taos-pusong pagbati sa lahat ng nagsipagtapos at pinarangalan. Nawa’y magsilbi kayong ilaw ng pagbabago at tinig ng sambayanan saan man kayo dalhin ng inyong landas. ❤️

𝑩𝑨𝑺𝑻𝑨 𝑺𝑶𝑪𝑰𝑶, 𝑨𝑲𝑻𝑰𝑩𝑶. 𝑩𝑨𝑺𝑻𝑨 𝑺𝑶𝑪𝑰𝑶, 𝑷𝑹𝑶𝑮𝑹𝑬𝑺𝑰𝑩𝑶.