Edison NJ vlog

— 𝗛𝗶𝗻𝗱𝗶 𝗻𝗮 𝗮𝗸𝗼 𝗺𝗮𝗴𝗵𝗮𝗵𝗮𝗯𝗼𝗹.

Alam ko na ngayon ang halaga ko. Hindi na ako papayag na uuwi akong kawawa at umiiyak. Tapos na ako sa ganoong eksena. Hindi ko na hahayaang masaktan ako sa parehong dahilan. Bibitiwan ko na ang mga dapat bitiwan sa nakaraan. Wala na akong hahabulin. Wala na akong babalikan.

Dahil ang tunay na pag-ibig, hinding-hindi ka sasaktan. Ang tunay na pag-ibig, hindi ka iiwan lalo sa mga panahong mahirap at komplikado ang lahat. Kaya’t noong iniwan mo ako, natuto na ako. Hindi na kita nilingon. Tama na ang isang beses na nagpakatanga ako at ibinuhos ang lahat ng meron ako—oras at kung ano-ano pa.

Hanggang doon na lang ang mahalin ka.

Pero para habulin pa kita, ‘yon ang isang bagay na hinding-hindi na mangyayari. Simula noong iniwan mo ako, lahat sa akin ay nawala at gumuho.

Pero ngayon, nakabangon na ako.
Wala na ‘yong dating ako na minahal mo.

Isang bahagi ng aking tula...

Isang panibagong araw
Isang panibagong simula
Kailangan mong gumawa ng bago
Pero kailangan din ipagpatuloy ang luma

Hindi ko alam kung kaya mo
O kung magpapatuloy ka pa
Dahil ikaw ang pagdedesisyon
Hindi ako
Hindi sila
walang iba
Kundi ikaw

Habang tumatanda at nagkakaedad ako,
Hindi na ako ganoong naghahangad ng magarbo
Mas ninanais ko na yung simple,
At inaaral na palaging makontento
Mas hinahangad ko na ang mga bagay na hindi nabibili—hindi nakabalot
Hindi regalo na tatanggapin ko dahil may kapalit,
Higit na sa materyal na bagay na kaya lang akong mapasaya saglit

Kung meron akong tahimik na naisin
ngayong pasko,
Yun ay palaging mahanap ng "kapanatagan" at "kapayapaan" ang puso ko

At bukod sa sarili ko,
Dalangin ko rin ang ibang tao.
Hindi naman nga kase tayo pare parehas ng paraan kung paano ipagdiwang ang pasko
Ang iba ay nagpapagal mula sa malayo,
Ang ilan ay hindi kapiling ang pamilya
at nagdidiwang sila ng hindi magkakasama
Samantalang ang ilan ay nawalan,naiwan,nasaktan.
At patuloy pa ring naghihilom sa kanilang mga pinagdaanan.

Kaya ngayong darating na pasko,
Hangad kong daluyan ng pag-asa ang mga nahihirapan
Maabot ang mga nalulunod sa kalungkutan
Makasumpong ang naghahanap ng totoong kagalakan
At makatanggap ang matagal ng naghihintay ng pangako at mga kasagutan.

At sa huli,
Ngayong darating na pasko,
Anuman ang ating kalalagayan
Itaas pa rin natin ang Kanyang pangalan.
Hindi dahil base sa ating mga sitwasyon
Kundi dahil tapat at mabuti pa rin Sya
sa lahat ng pagkakataon,
O anumang panahon

Pagbati mula sa akin patungo saiyo,
Maligayang Pasko