PINAS Update

SC APPROVES OSG’S RETURN IN PETITIONS VS. DUTERTE ICC CASE

Pinayagan na ng Korte Suprema ang Manifestation with Entry of Appearance na inihain ng Office of the Solicitor General (OSG) kaugnay ng mga petisyon mula sa kampo nina dating Pangulong Rodrigo Duterte at Sen. Bato dela Rosa.

Sa nasabing hakbang, muling tatayong abogado ng pamahalaan ang OSG. Layunin ng petisyon na kuwestiyunin ang pag-aresto kay Duterte at ang pakikipagtulungan ng Pilipinas sa International Criminal Court (ICC).

Matatandaang tumanggi noon ang dating Solicitor General Menardo Guevarra na katawanin ang pamahalaan sa habeas corpus petition na inihain nina Duterte, Dela Rosa, at mga anak ng dating pangulo dahil sa kanyang paninindigang walang hurisdiksyon ang ICC sa Pilipinas.