CDRRMD - Oro Rescue

7:05 PM 04JUNE2026

Basi sa pahimangno sa PAGASA ganihang 07:00 sa gabii, ang ubang parti sa Bukidnon nakasinati sa kasarangan (moderate) ngadto sa panalagsang kusog (occasionally heavy) nga pag ulan, inubanan sa kilat ug kusog nga hangin tungod sa thunderstorms sulod sa 1-2 ka oras.

Walay pag ulan sa CDO karong orasa.

Hinay (light) nga pag ulan ang nasinati sa ubang parti sa Libona; Mampayag, Dahilayan ug Lindaban, Manolo Fortich.

Hinay (light) nga pag ulan usab ang nasinati sa ubang parti sa Talakag ug Baungon.

NORMAL ang LEVEL sa tubig sa mga suba sa Cagayan ug Iponan.

CDRRMD pabilin sa pag monitor.

PAGSUGOD SA TING-ULAN (ONSET of the RAINY SEASON)
DOST-PAGASA PRESS RELEASE
04 JUNE 2026

Basi sa nakalap na mga datos gikan sa DOST-PAGASA stations, sulod sa lima (5) ka adlaw nakasinati ug mga pag ulan tungod sa Habagat (Southwest Monsoon). Kini ang tima-ilhan nga nagsugod na ang ting-ulan (rainy season) sa kasadpan (West) nga bahin sa Luzon ug Visayas.

Apan, posibli gihapon nga adunay mga panahon nga dili makasinati ug ulan sulod sa pipila ka adlaw o semana ug kini tungod sa ginatawag nga “monsoon break.”

Samtang dako ang tsansa sa mga kusog nga mga pag-ulan nga dala sa Habagat sa kasadpan (west) nga bahin sa Luzon ug Visayas tungod sa nagkaduol nga El Niño.

Gi-awhag ang matag BDRRMC labi na sa mga bahaonon nga barangay sa pagpaminaw kanunay sa mga pahimangno aron makapangandam ug maka-plano sa angayan nga buhaton.

Ang PAGASA, inubanan sa CDRRMD, pabilin sa pag-monitor sa lakat sa panahon ug paghatag sa mga pahimangno.

5:25 PM 04JUNE2026

Basi sa Weather Forecast sa PAGASA ganihang 4:00 sa hapon, walay bagyo o Low Pressure Area (LPA) sulod sa Philippine Area of Responsibility (PAR). Ang tibuok Mindanao dili apektado sa Habagat (Southwest Monsoon) apan makasinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag-ulan, kilat ug pagpanalugdog o mga "Localized Thunderstorms".

Samtang ang gibantayang LPA GAWAS sa Philippine Area of Responsibility (PAR) anaa na sa gilay-ong 355 km Kasadpan (West) nga bahin sa Calayan, Cagayan. Ang LPA adunay taas (high) nga tsansa ng mahimong bagyo sulod sa 24 ka oras.

Hinay (light) ngadto sa kasarangan (moderate) nga hangin gikan sa Habagatan (South) ngadto sa Habagatang-kasadpan (Southwest) nga maoy mo-resulta sa 0.6 - 1.5 meters nga balud sa kadagatan sa tibuok Mindanao.

Madag-umon ang ubang parti sa CDO karong orasa.

Madag-umon ngadto sa hinay (light) nga pag ulan ang nasinati sa ubang parti sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo)

Madag-umon ngadto sa hinay (light) nga pag ulan usab ang nasinati sa ubang parti sa sa Talakag ug Baungon. (Kining mga lugara ang makapasaka sa tubig sa suba sa Cagayan)

NORMAL ang LEVEL sa tubig sa mga suba sa Cagayan ug Iponan.

CDRRMD pabilin sa pag monitor.

3:10 PM 04JUNE2026

Basi sa pahimangno sa PAGASA ganihang 03:00 sa hapon, ang ubang parti sa 𝗕𝘂𝗸𝗶𝗱𝗻𝗼𝗻 (𝗠𝗮𝗻𝗼𝗹𝗼 𝗙𝗼𝗿𝘁𝗶𝗰𝗵, 𝗧𝗮𝗹𝗮𝗸𝗮𝗴, Damulog, Kibawe, Dangcagan, Kadingilan, City Of Malaybalay, Cabanglasan, Lantapan, Maramag, DonCarlos, Pangantucan, Kalilangan, Malitbog, ImpasugOng, Sumilao); Misamis Oriental (Claveria, GingoogCity, Magsaysay); ug Lanao Del Norte (Pantar, Tagoloan) posibling makasinati sa kasarangan (moderate) ngadto sa panalagsang kusog (occasionally heavy) nga pag ulan, inubanan sa kilat ug kusog nga hangin tungod sa thunderstorms sulod sa 1-2 ka oras.

Samtang ang ubang parti sa Bukidnon (San Fernando, City Of Valencia, Quezon, Kitaotao) nakasinati sa kasarangan (moderate) ngadto sa panalagsang kusog (occasionally heavy) nga pag ulan, inubanan sa kilat ug kusog nga hangin tungod sa thunderstorms.

Walay pag ulan sa CDO karong orasa.

Nagpabiling hinay (light) nga pag ulan ang nasinati sa ubang parti sa Libona; Mampayag, Dahilayan ug Lindaban, Manolo Fortich.

Nagpabiling hinay (light) nga pag ulan usab ang nasinati sa ubang parti sa Talakag ug Baungon.

NORMAL ang LEVEL sa tubig sa mga suba sa Cagayan ug Iponan.

CDRRMD pabilin sa pag monitor.