TGP Cainta - Brookside

Ingat po tayong lahat!

Habang nararanasan natin ang malalakas na pag-ulan, pagkulog, at pagkidlat dulot ng Super Typhoon "Uwan", tayo’y magbuklod sa panalangin at manikluhod sa maka-Inang kalinga ng Birhen ng Nieva — Ina at Reyna ng Caloocan, Patrona laban sa Kalamidad.

Sa gitna ng unos, nawa'y patatagin tayo ng ating pananampalataya at gabayan tayo ng ating Mahal na Ina tungo sa kaligtasan at kapanatagan.

Patuloy tayong dumulog sa maka-Inang pagkalinga ni Inang Maria, Birhen ng Nieva. Manatili nawa tayo sa kanyang pagkandili habang tayo ay naghahanda sa Bagyong Uwan.

Bukas po ang ating katedral sa mga indibidwal at mga pamilya na may nais lumikas sakaling magdulot ng matinding pagbaha ang paparating na bagyo.

𝐏𝐀𝐍𝐀𝐋𝐀𝐍𝐆𝐈𝐍 𝐒𝐀 𝐌𝐀𝐇𝐀𝐋 𝐍𝐀 𝐁𝐈𝐑𝐇𝐄𝐍 𝐍𝐆 𝐍𝐈𝐄𝐕𝐀

O Mahal na Birhen, Ina ng Diyos,
kaaliwan ng santinakpan,
at tanggulan sa mararahas na pagsubok ng langit,
Reynang Masintahin,
ikaw ang Ina ng Sambayanang Kristiyano
na ibinigay sa amin ni Kristo
habang siya ay nakabayubay sa Krus.

O aming Ina at Reyna,
Birhen sa Nieva,
pinasasalamatan namin ang iyong tangkilik.
Umaasa kami sa iyong pagkamaawaing Ina,
na sa tulong ng iyong panalangin, kami ay ililigtas at ipag-aadya ng Diyos
sa lahat ng sakuna at kalamidad
upang maihandog namin ang aming sarili
sa aming Panginoong Hesukristo
at sa iyo, Mahal na Ina,
at matamo namin ang iyong tangkilik
at katahimikang walang hanggan
sa kaluwalhatian sa langit.
Amen.

Nuestra Señora dela Soterraña de Nieva, aming Ina at Reyna, ipanalangin mo kami!

Magandang umaga, Cainta!