PIA CALABARZON

TINGNAN | Nasa kustodiya na ng Police Regional Office (PRO) Calabarzon ang suspek na sangkot sa kasong pagpatay sa kapwa niya pandesal vendor sa Pampanga na nagtago at natunton ng kapulisan sa rehiyon.

Ayon kay PRO CALABARZON Regional Director Police Brigadier General Hansel Marantan, boluntaryong sumuko sa mga kapulisan sa lalawigan ng Quezon ang suspek na kinilalang si alyas “Ariel” na bumaril sa biktimang si alyas “Angelo” dahil sa mainit nilang pagtatalo na nauwi sa alitan at pisikal na komprontasyon.

Agad na naglunsad ng hot pursuit and tracking operation ang kapulisan ng San Fernando City Police Station upang matunton at madakip ang suspek at batay sa isinagawang beripikasyon at follow-up intelligence, nakumpirma na nagtatago ang suspek sa bayan ng San Antonio, Quezon. Agad na nakipag-ugnayan ang mga operatiba sa Quezon Police Provincial Office sa pangunguna ni Provincial Director Police Colonel Romulo Albacea.

Mabilis na nakipag-ugnayan ang Quezon PPO sa pamunuan ng bayan ng San Antonio, Quezon sa pamumuno ni Mayor Erick Wagan kaya’t agad ring natunton at tuluyang sumuko ang suspek sa mga awtoridad. Sa kasakuluyan, nasa kustodiya ng kapulisan ang suspek habang inihahanda ang mga kaukulang kaso na isasampa sa korte laban dito.

Samantala, ayon kay Director Marantan ang matagumpay na pagsuko ng suspek ay isang patunay sa kahalagahan ng tiwala ng publiko at epektibong ugnayan ng komunidad sa kapulisan upang masigurong mapanatiling ligtas at napapanagot sa batas ang mga gumagawa ng krimen.

A collaborative effort among the city government of Calamba, the private sector, educational institutions, and the arts community provide a wider platform for creative expression through ‘ESPASYO: Kahit Sino P’wede’, a community performance arts event held on June 6 at the Jose Rizal Coliseum in Calamba City.

FULL STORY IN THE COMMENTS SECTION