PSA Mimaropa

𝐅𝐢𝐞𝐥𝐝 𝐕𝐢𝐬𝐢𝐭 𝐈𝐬𝐢𝐧𝐚𝐠𝐚𝐰𝐚 𝐬𝐚 𝐏𝐫𝐨𝐩𝐨𝐬𝐞𝐝 𝐒𝐢𝐭𝐞 𝐩𝐚𝐫𝐚 𝐬𝐚 𝐏𝐒𝐀 𝐏𝐫𝐨𝐯𝐢𝐧𝐜𝐢𝐚𝐥 𝐒𝐭𝐚𝐭𝐢𝐬𝐭𝐢𝐜𝐚𝐥 𝐎𝐟𝐟𝐢𝐜𝐞

Bumisita si Claire Dennis S. Mapa, PhD, National Statistician at Civil Registrar General ng Philippine Statistics Authority (PSA), sa lupang inilaan ng Provincial Government of Occidental Mindoro (PGO) para sa planong pagpapatayo ng PSA Provincial Statistical Office sa Barangay Tayamaan, Mamburao noong Mayo 09, 2026.

Sa ngalan ni Governor Eduardo B. Gadiano, kasama sa pagbisita si Engr. Anthony A. Dantis, EnP, at mga kinatawan ng Provincial Planning and Development Office (PPDO), na nagsagawa ng inspeksyon at nagbigay ng teknikal na gabay ukol sa kalagayan at angkop na paggamit ng nasabing lokasyon.

Layunin ng pagbisita na tiyakin ang kaangkupan ng lugar para sa mga pasilidad ng PSA na magpapahusay sa paghahatid ng serbisyo sa lalawigan.

Nagpapasalamat ang PSA sa Provincial Government of Occidental Mindoro (PGO) sa kanilang pagtugon sa kahilingan na magkaroon ng sariling lupa ang opisina, na makatutulong upang makapagbigay ng mas maayos at mas mabilis na serbisyong publiko para sa mga Mindoreño.

𝐋𝐆𝐔 𝐒𝐚𝐛𝐥𝐚𝐲𝐚𝐧 𝐍𝐚𝐠𝐤𝐚𝐥𝐨𝐨𝐛 𝐧𝐠 𝐋𝐮𝐩𝐚 𝐬𝐚 𝐏𝐒𝐀 𝐎𝐜𝐜𝐢𝐝𝐞𝐧𝐭𝐚𝐥 𝐌𝐢𝐧𝐝𝐨𝐫𝐨

Ang Lokal na Pamahalaan ng Sablayan ay pormal na nagkaloob ng lupa sa Philippine Statistics Authority (PSA) – Provincial Statistical Office ng Occidental Mindoro sa pamamagitan ng isang Deed of Donation and Acceptance Ceremonial Signing sa Chalu Vista Beach Resort, Sablayan noong Mayo 09, 2026.

Dinaluhan at pinagtibay ang seremonya ng paglagda ni Mayor Walter B. Marquez ng Sablayan, PSA National Statistician and Civil Registrar General, Claire Dennis S. Mapa, PhD at RSSO MIMAROPA Regional Director, Leni R. Rioflorido, na sinaksihan ni PSA Occidental Mindoro Chief Statitical Specialist, Maribel L. Bernardo, PhD.

Layunin ng donasyong ito na suportahan ang pangmatagalang plano ng PSA sa pagtatayo at pagpapaunlad ng mga pasilidad nito sa lalawigan, upang mas maging episyente ang paghahatid ng mga serbisyo at mas mapalapit ito sa publiko.

Ang naturang ugnayan ay sumasalamin sa iisang hangarin para sa mabuting pamamahala, mas pinahusay na serbisyong pampubliko, at mas matatag na pagpapaunlad ng estadistika sa Occidental Mindoro.

Lubos ang pasasalamat ng PSA sa LGU Sablayan sa kanilang taos-pusong suporta at pagkakaloob ng lupa para sa pagpapatibay ng serbisyo publiko.

𝐕𝐨𝐥𝐮𝐦𝐞 𝐨𝐟 𝐂𝐨𝐫𝐧 𝐏𝐫𝐨𝐝𝐮𝐜𝐭𝐢𝐨𝐧 𝐢𝐧 𝐌𝐈𝐌𝐀𝐑𝐎𝐏𝐀: 𝐅𝐢𝐫𝐬𝐭 𝐐𝐮𝐚𝐫𝐭𝐞𝐫 𝟐𝟎𝟐𝟔

MIMAROPA Region’s corn production reached 52,927 metric tons from January to March 2026, marking an increase of 2,649 metric tons or 5.3 percent compared to the estimated 50,278 metric tons produced in the same quarter of 2025.

𝐕𝐨𝐥𝐮𝐦𝐞 𝐨𝐟 𝐏𝐚𝐥𝐚𝐲 𝐏𝐫𝐨𝐝𝐮𝐜𝐭𝐢𝐨𝐧 𝐢𝐧 𝐌𝐈𝐌𝐀𝐑𝐎𝐏𝐀: 𝐅𝐢𝐫𝐬𝐭 𝐐𝐮𝐚𝐫𝐭𝐞𝐫 𝟐𝟎𝟐𝟔

MIMAROPA Region’s palay production reached 293,773 metric tons from January to March 2026, marking an increase of 15,311 metric tons or 5.5 percent compared to the estimated 278,462 metric tons produced in the same quarter of 2025.