Zeph Music Video

This page is about music, lifestyle and more interesting videos

20/10/2025

My Point of view of the day: (magbinisaya lang ko para masabtan ug maayo)

Dili sukdanan sa pagkalalaki ang mag sige singka sa iyang asawa. Aron ingnon nga hawod ka, ayaw na buhata wa nay ayo batasana. Hinoon, imong buhaton ang nahiangay nga responsibilidad isip bana nga adunay respeto ug inubanan sa gugma. Aw, kung way gugma ang bana sa Asawa, nganong gipakaslan man nimo sya? Unsay imong tuyo ug tumong? Aron ingnon nga naka move on ka sa kanhi nimong failed relationship? Come on! Pagkadakong tinunto anang storyaha. Tell it to Marines, basin mutuo pa nimo Sila!

Ang usa ka bana nga adunay emotional intellect, kanunay maningkamot nga dunggon, paminawon, unahon ug labaw sa tanan higugmaon iyang asawa ilabina ug ang asawa wala magmika, wala mag nganga ug nagkangkang lang sa iyang palad or kamot nga tunolan lang ug kwarta sa iyang bana, adunay nindot nga trabaho, dili sugarol, wala manumbalay ug libak labaw sa tanan asawa nga nahigugma sa iyang bana ug maoy breadwinner.

Tan-awa ug unsay nadala nga kaayohan sa imong asawam tingalo sauna, baso ra pirmi imong gigunitan. Tingali Wala ka makatukod ug kaugalingon ninyong panimalay. Tingali barkada ra imong giatiman saunsa apan karon duna jay tumong imong kinabuhi. Pagkanindot Ani nga mga opportunities, isn't it?

Ayaw hikawi imong Asawa sa saktong pagmahal. Para nako, mabuhi ra gyod kog way bana, way laki, sa kinabuhi. Mabuhi ko nga mag inusara. Pero ug naa tay bana, mag expect gyod ta ug pagmahal sama sa atong gipakita ngadto sa atong bana. Di mga Asawa ka relate mo?

Bana, hatagi ug saktong oras imong Asawa kana bang di magsiga ang mata ug hinuwat king nus-a nimo sya tagdon. Naunsa Naman hinoon ka bana. Si Kinsa man imong priority ang uban nga way labot sa imong kinabuhi or ganahan lang gyod ka nga tagaan ang uban ug time Kay naibog ka niya? Naay pagnanasa? Suwayi daw ug meditate, unsa imong mga pagkulang sa imong asawa tingali ka shock ka nga kadaghan diay sa imong sipyat!

Imong hunahunaon nga Wala man ka gitionan sa armas, kutsilyo, gabas, or martilyo aron pakaslan nimo imong Asawa, Ikaw man magsige hangyo nga magpakasal na halos kada adlaw maghangyo nga pakaslan ka unya human nakuha nimong tanan nausab ka ngadto sa pagka way ayo. Okay pa ba mo Ani nga scenario mga asawa?

Hinumdomi unsa imong mga sipyat sa una nimong relationship nganong wala molampos busa ayaw na ug usba sa sa imo karong gipakaslan atubangan sa Ginoo ug sa tawo.

Always remember, life is too short to live. Maong samtang may panahon pa ka, himoang malipayon inyong kaminyoon, mahala imong Asawa, ipakita ug buhata ang tanan nga sya imong priority Kay kung ginamos sya sa imong pagtan-aw, para sa uban usa sya sa pinakalami nga putahi! Naay daghan naghilak nganong naminyo sya nimo unya imo lang usikan?

My POV of the day- Zeph Venci Aytona