ASSAC PYCC

𝑾𝒂𝒚 𝑺𝒖𝒌𝒐𝒅 𝒂𝒏𝒈 𝑷𝒂𝒈𝒎𝒂𝒉𝒂𝒍

Niadtong Abril 2, 2025, atong gisaulog ang ika-353 anibersaryo sa pagka-martir ni San Pedro Calungsod. Ang Santos nga Misa gipahigayon sa Kapilya ni San Pedro Calungsod, Toble, Barangay Tag-ube, ug gipangulohan sa atong Parish Youth Director, Rev. Fr. Abel Bancog.

Sa iyang homiliya, gipasiugda ni Fr. Abel ang walay sukod nga gugma—ang pagmahal nga andam mohalad ug mohandom, sama sa gihimo ni San Pedro Calungsod. Sa iyang batan-ong panuigon, iyang gialagaran ang Ginoo pinaagi sa pagpakabana sa espiritwal nga panginahanglan sa mga Lumad sa Guam, ug sa kataposan, iyang gidawat ang bangkaw nga mitapos sa iyang kinabuhi alang sa pagtuo.

Ang tanang tinguha ug sakripisyo sa atong martir buhi gihapon hangtod karon, ug gihandum nato siya isip modelo sa kabatan-onan, katekista, misyonero, estudyante, ug maunongong higala. Magpadayon unta kita sa pagtan-aw kaniya isip ehemplo sa pagkugi, pagtuo, ug gugma sa Ginoo—nga bisan pa sa mga yano ug kasimple nga mga buhat, makapahat kita og pasidungog ngadto sa Langitnong Amahan

𝙊 𝙎𝙖𝙣 𝙋𝙚𝙙𝙧𝙤 𝘾𝙖𝙡𝙪𝙣𝙜𝙨𝙤𝙙, 𝙎𝙖 𝙞𝙢𝙤𝙣𝙜 𝙥𝙖𝙣𝙖𝙣𝙜𝙡𝙞𝙩𝙖𝙣 𝙠𝙖𝙢𝙞 𝙣𝙖𝙜𝙖𝙩𝙖𝙣-𝙖𝙬, 𝙎𝙖 𝙩𝙖𝙣𝙖𝙣𝙜 𝙗𝙪𝙝𝙖𝙩, 𝙖𝙣𝙜 𝙂𝙞𝙣𝙤𝙤 𝙖𝙢𝙤𝙣𝙜 𝙥𝙖𝙨𝙞𝙙𝙪𝙣𝙜𝙜𝙖𝙣 𝙢𝙖𝙩𝙖𝙜 𝙖𝙙𝙡𝙖𝙬.

Karong adlawa, gisaulog nato ang kapistahan ni San Pedro Calungsod!

Unya sa alas 6 sa gabii, ang larawan ni San Pedro Calungsod mo-duaw sa Kapilya sa Immaculada Concepcion, Toble.

Magkita-kita ta didto!