SB CARLO AVENA

Ngayong araw, dumalo po tayo sa pagdinig na ipinatawag ng Committee on Labor, Employment and Livelihood, sa pangunguna ng ating Chairperson na si Hon. Marvin Macalino.

​Ang nasabing committee hearing ay isinagawa bilang mabilis na pagtugon sa liham-reklamo na ipinarating ni Kap. Erwin Santos ng Barangay San Agustin hinggil sa mga hinaing ng ilang manggagawa sa kanyang barangay laban sa kanilang pinapasukang kompanya.

Pangunahing layunin ng pagdinig na ito na mapakinggan ang panig ng bawat partido, mailahad ang mga isyu at makahanap ng makatarungan at naaayon sa batas na solusyon sa pamamagitan ng isang bukas at maayos na dayalogo.