Juander Radyo General Santos 87.9 FM
Share
Ang Pinaka-Masaligan sa Serbisyo Publiko!
10/07/2026
⚠️ YELLOW LEVEL WARNING | TANANG SAPA SA MALAPATAN ⚠️
Gipahibalo ang tanang residente nga ang lebel sa tubig sa tanang sapa sa Malapatan nisaka na sa Yellow Level Warning.
Bantayi ang opisyal nga mga anunsyo sa LGU ug MDRRMO.
Andama ang inyong emergency go bag ug importante nga mga dokumento. Likayi ang pagduol o pagtabok sa sapa ug mga lugar nga adunay baha.
Ang Yellow Warning nagpasabot nga posible ang pagbaha sa mga ubos nga lugar, daplin sa sapa, ilabina kung magpadayon ang kusog nga ulan.
Ang inyong kaluwasan mao ang atong prayoridad. Palihug magpabiling alerto ug magtinabangay. Mag-amping kita Malapateños.
Photo Courtesy: Malapatan Information Office
𝐋𝐀𝐋𝐀𝐊𝐈 𝐍𝐀𝐁𝐔𝐆𝐓𝐎𝐀𝐍 𝐎𝐆 𝐊𝐈𝐍𝐀𝐁𝐔𝐇𝐈 𝐇𝐔𝐌𝐀𝐍 𝐆𝐈𝐓𝐈𝐆𝐁𝐀𝐒 𝐒𝐀 𝐆𝐄𝐍𝐍𝐒𝐀𝐍
Wala nay kinabuhi ug naligo sa kaugalingong dugo dihang napalgan ang usa ka lalaki sa Purok San Roque, Labangal, General Santos City, alas 2:00 sa buntag, Hulyo 10, 2026.
Giila ang biktima nga si Jonel Bermudez Confessor, 20 anyos, ulitawo, laborer, ug residente sa maong lugar.
Nakaangkon ang biktima og mga samad tungod sa tinigbas sa ulo ug likod nga abaga, duol sa tangkugo, nga maoy hinungdan sa iyang dayong kamatayon.
Base sa inisyal nga imbestigasyon, nagkaon lamang ang biktima og pastil sa dapit duol sa basketball court sa dihang kalit siyang gitigbas sa suspek.
Mipahigayon dayon ang kapulisan og hot pursuit operation nga misangpot sa pagkadakop sa suspek nga giila lamang sa alyas nga "Budoy," 38 anyos, ug residente usab sa maong lugar.
Sumala sa imbestigasyon, panimalos ang gitan-aw nga motibo sa maong krimen.
Sa pagkakaron, anaa na sa kustodiya sa Police Station 2 ang suspetsado ug nag-atubang sa hustong legal nga disposisyon.
10/07/2026
Kahimtang sa Lun Masla Bridge sa Lungsod sa Malapatan karong orasa, alas 4:42 sa hapon, Hulyo 10, 2026.
𝐁𝐀𝐋𝐀𝐘 𝐍𝐀𝐒𝐔𝐍𝐎𝐆 𝐃𝐔𝐍𝐆𝐀𝐍 𝐒𝐀 𝐏𝐀𝐆-𝐔𝐋𝐀𝐍
Nasunog ang usa ka panimalay dungan sa pagbundak sa ulan sa Purok Tinago, Maasim, Sarangani Province, karong hapon, Hulyo 10, 2026.
Video Courtesy: Khey Khang
Kusog nga ulan kasamtangang nasinati karon sa Poblacion Malapatan Sarangani Province, Hulyo 10,2026.
10/07/2026
10/07/2026
𝐏𝐄𝐃𝐈𝐂𝐀𝐁 𝐃𝐑𝐈𝐕𝐄𝐑, 𝐆𝐈𝐃𝐔𝐒𝐋𝐀𝐊 𝐎𝐆 𝐊𝐀𝐏𝐖𝐀 𝐏𝐄𝐃𝐈𝐂𝐀𝐁 𝐃𝐑𝐈𝐕𝐄𝐑 𝐇𝐔𝐌𝐀𝐍 𝐒𝐀 𝐑𝐎𝐀𝐃 𝐑𝐀𝐆𝐄 𝐒𝐀 𝐃𝐈𝐆𝐎𝐒 𝐂𝐈𝐓𝐘
Patay ang usa ka pedicab driver human gidunggab sa makatulo nga higayon sa kapwa usab nga pedicaber sa Roxas Extension, Barangay Zone 3, Digos City ning adlawa Hulyo 10,2026, alas 12:22 sa udto.
Matud ni PLTCol Norman Yparaguirre, OIC sa Digos City Police Station nga naila ang biktima nga si Romeo Alforque,39anyos, minyo ug residente sa Barangay San Agustin Digos City.
Samtang naila ang suspek nga si Arnold,54anyos, residente sa Barangay Dawis , Digos City.
Sumala sa usa ka saksi, nagsugod ang panaglalis human matud pa kalit nga nag-U-turn ang pedicab sa biktima nga maoy hinungdan sa pagbangga sa suspek nga nagsunod sab.
Misangko sa panaglalis ug nagbinayluay sa kinumo ang mga nalambigit.
Apan ang suspek nibalik sa iyang pedicab ug gikuha ang usa ka mahait nga hinagiban dayon dunggab sa biktima.
Nakaangkon ang biktima sa 2 ka samad dinunggaban sa dughan ug 1 sa wala nga bahin sa tiyan.
Sa pagkakaron, balhog na sa Digos City Police Station detention cell ang suspek nga gikatakdang pasakaan sa kasong Homicide.
𝗟𝗶𝗸𝗲, 𝗳𝗼𝗹𝗹𝗼𝘄 & 𝗦𝗵𝗮𝗿𝗲 - Juander Radyo Digos 99.7 FM
Click here to claim your Sponsored Listing.
Category
Website
Address
National Highway, Brgy. Tambler
Dadiangas
9500
