Katolikong Pinoy

Sa ating paggunita sa Mahal na Birheng Maria, bilang Ina ng Sambayanan, marahil naiiisip mo rin kung bakit sadyang likas na mapagmahal si Maria sa ating lahat?

Sabi nga nila, ang isang Nanay o ang Ina, kahit hindi ka kadugo, ituturing ka nilang “anak.” Isang halimbawa ng pagmamahal na walang kondisyon at kinikilingan. Kaya, hindi nakapagtatakang ang Mahal na Birhen, minamahal rin siya ng sanlibutan.

Nawa, ipanalangin natin na pag-ingatan at pagpalain tayo ng Panginoong Diyos sa tulong ng mapagkalingang gabay ng ating Mahal na Birheng Maria, Ina ng Sambayanan.

Santa Maria, Ina ng Diyos, ipanalangin mo kami. Amen