Breakthrough - UCN

𝗧𝗜𝗡𝗚𝗡𝗔𝗡 | Inihayag ni Manette A. Ochong, mula sa Bachelor of Secondary Education Major in Sciences, ang kaniyang Valedictory Address sa harap ng mga nagsipagtapos, kahapon, ika-26 ng Hunyo, bilang bahagi ng ika-34 Araw ng Pagtatapos.

Sa kaniyang talumpati, binigyang-diin ni Ochong na ang pagbabago ay hindi laging magsisimula sa isang dakilang imbensyon, bagkus kung minsan, ito ay nagsisimula sa isang simpleng desisyong kumilos kahit mas madaling manahimik, ang magmalasakit kahit mas madaling mawalan ng pakialam, at ang iwan ang ating munting bahagi ng mundo na mas maayos at makatao kaysa sa kung paano natin ito natagpuan.

Si Ochong ay kinilalang Batch Valedictorian matapos makuha ang pinakamataas na karangalan at kaisa-isang nagtapos bilang Summa Cum Laude.

✍️ Yvan M. Delos Santos, 𝘔𝘢𝘯𝘢𝘨𝘪𝘯𝘨 𝘌𝘥𝘪𝘵𝘰𝘳 𝘧𝘰𝘳 𝘗𝘶𝘣𝘭𝘪𝘤𝘢𝘵𝘪𝘰𝘯
📷 Eliandrei Joedel P. Layosa, 𝘊𝘩𝘪𝘦𝘧 𝘓𝘢𝘺𝘰𝘶𝘵 𝘈𝘳𝘵𝘪𝘴𝘵
Layout by Eliandrei Joedel P. Layosa, 𝘊𝘩𝘪𝘦𝘧 𝘓𝘢𝘺𝘰𝘶𝘵 𝘈𝘳𝘵𝘪𝘴𝘵

𝗕𝗔𝗦𝗔𝗛𝗜𝗡 | Napuno ng samu’t saring reaksyon at negatibong komento sa Facebook ang katatapos lang na ika-34 Araw ng Pagtatapos sa University of Camarines Norte (UCN), matapos ang striktong pagpapatupad ng ‘One graduate, one parent’ policy sa mga dumalo sa seremonya, kahapon, Hunyo 26.

Sa halip na mapuno ng galak at ngiti ang mukha, binalot ng lungkot at pagkadismaya ang araw ng pagtatapos para sa karamihan dahil sa naranasang higpit sa pagpapanatili ng seguridad sa pamantasan.

Batay sa ilang Facebook posts sa UCN Students o mas kilala sa dating pangalan na CNSC Students, pinagbawalan umano ang mga kapamilya at kaibigan na pumasok, alinsunod sa pagpapatupad ng nasabing patakaran sa kabila ng matinding init at ulan.

“... Ang sama naman non na tinataboy sila na parang mga outsider tapos wala pang pakialam kung mabasa pa sila o mabanggaan with how much tightly packed the crowd is, in front of the gate…”

Binigyang-diin din sa isang ‘anonymous post’ na ang kanilang mga magulang ang dahilan kung bakit sila nakapagtapos. Kung kaya naman labis ang kanilang panghihinayang nang hindi masilayang lumakad sa entablado ng kanilang mga kapamilya sa malapitan.

“Papasukin [ninyo] naman ang mga parents. Sila ang dahilan kung bakit magtatapos ang mga estudyante.”

Ang pagpapatupad ng patakaran ay nagpatuloy hanggang sa hapon, kaalinsabay ng ikalawang bahagi ng seremonya.

𝗞𝗔𝗨𝗚𝗡𝗔𝗬: https://tinyurl.com/5ywrs877

Samantala, makalipas ang ilang oras ay tuluyan nang pinayagang makapasok ang mga bisita at magkaroon ng pagkakataon na masilayan ang mga nagsipagtapos.

Sa kabila ng matagumpay na pagtatapos ng seremonya, nananatiling dismayado ang karamihan sa naging resulta nito.

✍️ Yvan M. Delos Santos, 𝘔𝘢𝘯𝘢𝘨𝘪𝘯𝘨 𝘌𝘥𝘪𝘵𝘰𝘳 𝘧𝘰𝘳 𝘗𝘶𝘣𝘭𝘪𝘤𝘢𝘵𝘪𝘰𝘯
Isinaayos ni Marc Angelo M. Del Barrio, 𝘐𝘯𝘵𝘦𝘳𝘯𝘢𝘭 𝘈𝘴𝘴𝘰𝘤𝘪𝘢𝘵𝘦 𝘌𝘥𝘪𝘵𝘰𝘳