Barangay Government of Ruparan

MENSAHE GIKAN SA MGA OPISYAL SA BARANGAY RUPARAN NGA GIPANGULOHAN SA ATONG PUNONG BARANGAY HON. Roel Awing Castillo Limasa

Sa pagsaulog karong adlawa sa Daycare Workers Day, among gihatag ang among kinasingkasing nga pagpasalamat ug paghatag og pasidungog sa atong upat (4) ka Child Development Workers sa Barangay Ruparan.

Ang inyong walay kakapoy nga pag-alagad, pag-amuma, ug paggiya sa atong mga kabataan usa ka dakong bahin sa Early Childhood Care and Development (ECCD). Pinaagi sa inyong dedikasyon, nahulma ang maayong pamatasan, kahibalo, ug mga batakang kahanas sa atong mga anak nga mao ang umaabot sa atong komunidad.

Salamat sa inyong pasensya, gugma, ug tinuoray nga pagserbisyo bisan pa sa mga hagit nga inyong giatubang matag adlaw. Ang inyong kontribusyon dili masukod ug dakong panalangin sa matag pamilya ug sa tibuok Barangay Ruparan.

Padayon unta kamo nga mahimong inspirasyon sa atong kabataan ug komunidad.

Malipayong Daycare Workers Day!

Gikan sa inyong mga Opisyal sa Barangay Ruparan

Attention ❗️❗️

Sa tanang residente sa Sitio San Miguel, ipatuman sa Barangay ang stricto nga pagimplementar sa Barangay Ordinance nga namugna kaniadtong tuig 2022 diin:

1. Bawal agian ug 4 Wheeled Vehicles ang maong TULAY, Bawal muagi ang Minivan, Loaded Minivan, Multicab, and Loaded Multicab.

2. BAWAL usab muagi ang mga chariot or ubang sakyanan nga adunay kargang balas, bakal o kabilya, semento ug hollowblocks.

3. Ang musupak sa maong Ordinansa adunay multa nga paga atubangon

Palihug lang maghuna huna ta alang sa kadaghanan nga Dili sayon ug Dali ang magpatukod ug magpa repair ug TULAY.

Sa mga sumusunod nga adlaw magposting atong Barangay Officials ug Information Materials sa isig bahin sa maong tulay.

Gi awhag ang mga Purok Officials sa Sitio San Miguel ug tagbalay nga haduul sa maong tulay nga badlongon ug e report sa Barangay ang mga musupak sa maong direkteba sa Barangay.

Daghang Salamat.