Ilonggo Secret Files

Short Story #007:

“The Group Project of Love”

“Abi ko ya simple lang — group project lang sa class.
Pero ang project, nagresulta sang secret crush kag drama. 😅
Ang crush ko, supportive kag sweet, pero may friend nga guapa kag witty.
Abi ko ya okay lang, pero every meeting, damo jokes, kilig, kag text messages.
Subong, ang group project, nag-end na, pero ang secret crush, nag-end sa heart ko.
Abi ko ya indi ko na mabatyagan ang kilig, pero every time may group assignment, daw excited ko gihapon. 😭

– Secret Classmate from San Agustin BED💔💖

Confession #007

“Ang Promisa nga Ginbalikan sang Patay”
Ako si Hera, taga-Pototan. Sang bata pa ako, may ara ako sang best friend—si Jasmine. Indi guid kami mabulag; pirmi kami upod maghampang, mag-istorya, kag magkadlawanay. Hasta sang isa ka adlaw, nagpaalam siya nga sa Manila na sila mag-istar. Nalipay ako para sa iya, pero nasubuan man ko.
Pero naghambal siya.
“balikan ta guid ka.”
H: “Balikan mo guid ko ha?”
J: “Oo, balikan ta ka, promisa.”
Fast forward. Gabi na, mabaskog ang ulan. Ako lang isa sa balay kay naglakat sila mama kag papa. Nagkadto ko sa idalom kay may nagapanuktok. Pagbukas ko sang pwertahan—si Jasmine.
Nagtumbo guid ako sang kalipay, ginhakos ko siya dayon.
Nagsaka kami sa kwarto ko kag nag-istorya sang sobra kadamo nga butang—mga kabuhi namon nga nag labay samtang layo kami sa isa kag isa, kung may mga crush na or na bf, bag-o nga friend.
Masadya kami, daw pareho lang sang una.
Pero may nagpanuktok naman sa pwertahan. Magkadto nako tani pero ginpunggan ko ni Marie.
J: “Diri ka lang. Ga istorya pa ta gani”
H: “Tan-awon ko lang, kay basi sila mama nato.”
J: “Sige… pero balik ka ha? Balikan mo ko. di”
H: “Oo, promise.”
Pagbukas ko sang pwertahan, si Manong Ralph , family driver nila Jasmine.
“Ma’am Hera… ikaw guid ang ginkadto-an ko. Ginpadala ako nila Ma’am kag Sir. Si Ma’am Jasmine… naaksidente kaina… kag—wala na siya.”
Pagsaka ko kag pagbukas ko sang pwertahan, nagsala ang tuhod ko.
Si Jasmine… wala na?
Pero… sin-o ang kaupod ko sa kwarto?
Naghibi ako nga daw mabuka ang dughan ko.
Kag didto ko na-realize…
Ginbalikan guid ko ni Jasmine
Gintuman yagd iya nga promisa
Pero mga ka-IF… kon kamo ang sa akon nga lugar—balikan n’yo man siya?
-Hera sang Pototan

Mga ka-IF,
ano imo masiling diri?
Kon ang tao nga ginahulat mo, ginbalikan ka—pero indi na siya buhi…
paano mo ini i-take? Matak-an ka? Materrify? Ukon masubo nga nalipay ka nga gin-untat niya ang iya promisa?

“Indi tanan nga promisa ginatuman sang buhi—pero ang matuod nga gugma, makakita pa gihapon sang dalan bisan sa kalayo sang kalibutan. “

Drop your advice, reactions kag interpretations.
Basi ang istorya mo amo man ang sunod namon nga i-feature.
Share kamo sang inyo opinion kag experience.
Padala niyo lang ang inyo confession — anonymous ta ya diri.
Basta tuod, direct, kag wala pagpugong ang advice nga gusto namon mabatian!

Short Story #006:

“Double Life, Single Heart”

“May ara ko ya ex nga daw indi ko gusto i-let go.
Pero may bago na ko, kag kilig gid ko sa iya.
Abi ko ya okay lang, pero every night, ginahuna-huna ko pa ang ex.
Every text, every laugh… daw nagbalik ang heart ko.
Tapos sang weekend, nag-date kami sa bago ko.
Excited ako, kilig kag sadya
Pero pag-abot sa lugar, ara ang ex ko sa kanto…
gapang-smile, gapang-wink. 😳
Abi ko ya, indi ko kabalo kon magpadayon sa bago ko o mag-follow sa ex.
Subong, nagtun-an ko: Heart may ara lang isa, pero kilig, daw duha ka track. 😅

– Secret Heart from Jaro 💔💖

Confession #006

“Hatagan Ka Kwarta Kapalit sang Kalipay? –Ang Confession sang Asawa nga Ginpabay-an sa Higda-an”

Mga ka-IF,
pangayu ko man opinion niyo.
Ako si G, 39 F, kag 15 years na kami kasal sang bana ko. Daw wala na siya gana makipag-thing sa akon. Tungod indi na siya kapa tindog pero gahimo man ko sang paagi — kag pirme man successful.
Pero kon indi ako mag-una, wala gid kami thing life.
Ang indi ko gid makalimtan kag naglabot guid sa buot ko amo ni —
gina-istorya niya ko nga hatagan niya na lang ko kwarta kag magpangita ko sang lalaki nga makapasadya liwat sa akon.
Kon kamo, ano mabatyagan niyo sina?
Ako ya, daw nawad-an ko gana mag-initiate kay ako lang pirme ang nag-una.
Daw ginahimo ko lang kaugalingon ko nga daw ka baba or kaluluoy
Sigurado gid ko nga wala siya babae, pero nabatyagan ko nga
gina-de-depride niya ang kaugalingon niya bilang lalaki.
Pero wala man siya ubra sang paagi para maresolbar ang sitwasyon namon.
Mga ka-IF, buligi ko ninyo ko.
Ano dapat ko himuon?
Ginahandum ko lang nga indi kami matapos nga ako lang ang nagapaninguha.
Salamat guid.

G sang Dumangas

Mga ka-IF,
ining klase sang sitwasyon indi lang “masakit.”
Kapalpal ini sang respeto, ugat sang duda, kag test sang isa ka kasal nga 26 ka tuig na nagatindog.
Ano guid ang matuod nga hustong himuon sini?
Hatag ninyo ang inyo pinaka-honest kag pinaka-walay kinaandan nga advice.
Ang nagapadala sini, nagakinahanglan sang tinlu, matuod, kag may puso nga sabat.

“Ang respeto sa kaugalingon mas importante sang relasyon nga indi na ginapaninguhaan sang duha.”
Kay ang kasal naga-dugay lang kon pareho kamo naga-alsa sang bug-at. “

Share kamo sang inyo opinion kag experience.
Padala niyo lang ang inyo confession — anonymous ta ya diri.
Basta tuod, direct, kag wala pagpugong ang advice nga gusto namon mabatian!

Short Story #005:

“The Friend Zone Trap”

“Daw indi ko kabalo san-o ko na-‘friend zone’.
Abi ko ya bestfriend lang ko, pero kilig na kilig ko sa iya.
Every time nga may problema siya, ako ya pirmi.
Every time nga may date siya, ako ya ang taxi driver, cheerleader, kag therapist. 😅
Pero last month, may bag-o siya nga crush.
Abi ko ya indi ko na ma-feel ang heartache.
Pero pag-abot sang ila date, nakit-an ko nga may ara siya gin-prepare para sa akon… flowers kag apology,
“Pasensya na… wala ko kabalo nga indi ko na liwat mabatyagan ang kilig nga ginhatag mo sa akon sang una.
Abi ko ya cute, pero subong… nahidlaw ako sa iya kag sa friendship.
Lesson: Friendzone is tricky, pero may kilig kag heartbreak gid. 😭

– Secret Friend from La Paz 💔

Confession #005

“Hubog, Gab-i, Kiss… Indi Ko Malimtan “

Elsa lang itawag sa akon. Gab-i nga indi ko ginplano, pero ginpa-inom ko sang abyan ko nga si Jenny kag Camille kay broken ako. Amo na—nagpadala ko sa kalibutan kag sa inom.
Naglagaw ang iban namon nga tropa. Hubog, init ang ulo, init man ang palibot. May tatlo pa nga nagdugang—isa ka agi kag duha ka babaye. Tower ila, beer namon. Wala gid chance nga indi kami magkalipong.
Pag-abot sang kaagahon, nagwa ang mga lalaki nga nagawork sa lugar. Ginhapit sila sang agi nga upod namon. Nadugang pa gd sila sang ilimnon. Nami sila updon kag nami ang energy.
Didto ko siya nakita. Lalaki nga gapalapit sa akon—gwapo, limpyo, taas kag may presence nga daw ginadul-ong kag ginaduso ako palapit. Ginpa lapit ko siya sa akon, kag wala ko gid ginpanginwala ang chemistry namon.
Nagstorya kami. Naging close gid. Kinuha niya FB ko. Kag samtang nagalawig ang istorya, nagalawig man ang pag-init sang lawas ko. Hubog ko, pero kabalo ko nga ara siya gapadayon palapit.
Naka-yuko ko, siya man. Nagdikit ang mga nawong namon. Wala ko ginhuna-huna—ginlampot ko gid siya dampi sang kiss. Duha ka beses. Dampi lang, pero daw kalayo ang tama.
Nasandal ko siya. Nagpahilot ko sa iya dughan bisan bag-o ko pa lang siya kilala. Daw didto ko ginbutang ang tanan nga bug-at nga akon dala.
Nagpadayon kami inom, kadlawanay, kag kisapmata nga connection nga indi ko kabalo kon maayo ukon sala. Pag-uli namon, siya gid ang nang-insist nga idul ong kami sa sakayan. Pag-abot didto, ginuyatan ko siya kag ginpangabay ko siya nga mag-upod pa. Hambal niya indi pwede. Pero ginapilit ko gid siya nga indi ko siya mapunggan Nagpalapit naman siya kag nag kiss.
Ang mga miga ko natak-an na kay nadugayan sila sa akon. Pero ako? Wala na ko care. Ang attention ko ara lang sa iya.
Nagbaybye ko. Nag-uli. Bagsak. Kag pagbugtaw ko, daw indi ko kabalo kon tuyaw lang tanan ukon tuod gid.

PS: Asta subong, naga-chat kami. Nag-sorry ko sa ka-init sang gab-i. Hambal niya, ‘okay lang—hubog ka lang.’ Pero man… bata pa gali siya. Kag indi ko kabalo kon dapat ko na gid mapunggan ang kaugalingon ko. Ano dapat ko himuon? Mga ka-IF, ano bala ang insakto nga advice niyo para sa akon?

Elsa sang Bolilao,Mandurriao

Mga ka-IF,
kuntani kamo na lang maghusga. Ang aton sender daw ara na gid sa tunga sang “gusto” kag “dapat.” Indi niya ma-untat, indi man siya ka-forward.
Pero ikaw? Ano himuon mo kon ang temptation mismo nagahagad pa-chat asta subong?
Drop your hottest, pinaka-real talk nga advice sa comments.
Ihatag niyo sa iya ang tuod nga dapat niya mabatian.

“Ang gab-i kag kalipay nga dala sang hubog kag gimik, indi dapat magpadala sa desisyon nga makalagas sa kaugalingon kag sa iban.
Pagbatyag indi sala, pero ang pagpanghimo sang desisyon bisan hubog, kinahanglan may kabalo ka sa limit sang imo kaugalingon.
Respect sa kaugalingon kag sa boundaries sang iban — amo na ang pinaka-importante.”

May pareho kamo nga istorya? O may kabuhi kamo nga daw indi kamo gusto pamati-an pero gusto ninyo i-share?
Send niyo lang ang inyo confession — anonymous ta ya diri.

Short Story #004:

“Duha Ka Lalaki, Isa Ka Heart”

“Abi ko ya, loyal ko na sa isa lang.
Pero indi ko man ma-deny nga may kilig ko sa iya nga bestfriend niya. 😅
Gani sang birthday niya, ginprepare ko ang pinaka-sweet surprise — flowers, cake, kag letters nga may secret crush confessions.
Abi ko special ko ya gid.
Pero pag-abot sang party…
Duha sila didto.
Ang isa ya, pirmi ko upod, supportive, sweet…
Ang bestfriend niya, damo jokes, kag ginhimo lang niya ko nga tagalipay sa kilig niya sa iban. 😭
Abi ko ya, indi ko gusto masakitan.
Pero pag abot sang party, ginhambalan ko ang isa,
‘Daw indi ko kabalo kon sa sin-o ko ya dapat magpili.’
Tapos sila nagtan-aw sa akon nga may kilig kag laugh.
Siling sang isa, ‘Haha, okay lang, indi man ikaw ginhulat.’
Siling sang bestfriend, ‘Pero may chance ka man ya, wala ka lang kabalo.’
Subong, nagalibog ang heart ko, pero nabal-an ko:
Indi tanan kilig sa love story.
May ara guid nga kilig lang, may ara man nga heartbreak, kag may ara nga lessons. 😔

– Secret Heartbreaker from Mandurriao 💔💖

Confession #004

“Nagpahuway Siya Sa Akon, Pero Indi Sya Para Sa Akon”

Indi ako maayo mag-istorya sang sugilanon pero try ko gid best ko. Nakilala ko ni siya last year, diri man sa work (BPO) Pag-una ko pa lang siya nakita, kabalo na ‘ko nga basi magkacrush ko sa iya. Indi man siya gwapo nga gwapo, indi man sya law-ay—pero ma-appeal siya.
Wala ko gid ginpursue nga magka-crush sa iya; sa tuod gani, mas nagustuhan ko pa ang isa namon ka upod sa work.
Nagsugod kami nga nagpalapitay sang nag hampang kami ML. Nag-chat siya sa akon sa messenger para maghampang. Pagkaligad sang pila ka bulan, nag-transfer siya boarding house sa amon kay mas damo kami d nga workmates para daw bootcamp nalang. Dira kami mas nagpalapitay. Permi kami ga-istorya, kag iya man ginahambal ang iya mga kalokohan sa una.
Kabalo ko nga may asawa siya sang una pa lang, pero wala ko kabalo nga may girlfriend pa gid gali siya— ang asawa ara sa abroad ang gf ya nurse diri man sya siudad.
Ti amo na. Naging close kami—grabe close namon. Gakup anay kami, magkatupad kami nga naga higda sa sofa kag nagadula ML. Ginalove-team pa gani kami sang amon mga ka-work, pero joke-joke lang.
Sa akon, wala lang ah. Kay mas gusto ko man ang isa ko pa gid ka-work.
Pero sang ginalipat siya sa iban nga site, dira ko nabatyagan nga may “ara na gali” ko sa iya feelings. Gapadayon kami chat, VC, kag ML bisan malayo na siya.
Pagkaligad sang isa ka bulan, ako naman ang nalipat sa iya site. Halata gid namon nga nami-an kami isa kag isa.
Gikan sa magkatupad sa sofa, nag-upod na kami higda sa isa ka k**a (tulog gid ya, cuddle-cuddle lang).
Dira naglalum ang akon pagbati sa iya, bisan kabalo ko nga may asawa na siya kag klaro gid nga walking red flag.
Maalwan siya, pero grabe gid siya ka-babaero. Nakit-an ko gid nga sige siya add babaye sa FB kag sige message.
Bisan amo na, wala gid naglain ang akon pagbati.
Last week, nagdala siya babaye diri sa boarding house—isa sa mga ginachat niya. Kabalo ko nga may plano sila magkita, pero indi ako kabalo nga dal-on niya diri. Naga-chat pa gani siya sa akon nga “ibilin kami di anay” bisan 15 minutes lang.
Naakig gid ko sa iya. Wala ko nag-reply, kag wala ko man siya gin-estorya. May plano pa kami tani maglagaw sang amon mga upod, pero indi ko na gid kaya gani wala ko nag-upod—kay upod man nila ang babae.
Pagkatapos sini, naglikaw na ako. Indi na ko pirmi ga-istorya sa iya. May isa ka adlaw nga gin-hug niya ko pero gin-wakli ko gid ang iya hug, kag dira nag-awkward ang tanan.
Wala na kami ga-istoryahanay. Indi na ko gani katulok sa iya mata.
Nagbalik na siya higda sa iya bed.
Masakit. Grabe gid ka masakit. May mga gab-i nga nagahilibi ako, pero indi ko ginapakita.
Kabalo ko nga napansin man sang amon upod ang pagkalayo namon, pero wala sila nagpamangkot.
Budlay gid sang wala ka masugiran, wala ka masugilanon. Kabudlay sang magtago sang sakit.
Ga-igo lang luha ko sudlon.
Damo ya times nga gusto ko gid siya istoryahon, ihambal ko ang tanan, pero indi ko kaya.
Kabalo ko nga iskandalo gid kung i-pursue ko pa ini nga pagbati.
Amo na nga bisan masakit, bisan patago ko lang ginabatsyag, ginakabalo ko nga kinahanglan ko siya kalimtan kag mag-ayo.
Lalaki man ko. Indi man pwede iamin ko ang akon pagbati sa iya.
Wala man kabalo ang mga ka-work ko nga bi ako.
All boys man kami sa boarding house—bawal man gid magdala babaye diri.
Mga ka-IF… indi na ‘ko kabalo kon ano sakto himuon ko subong.
Kabalo ko nga sala nga ginpalawig ko ini nga pagbati. Kabalo ko nga komplikado, kag kabalo man ko nga indi ko dapat ginahulugan sang loob ang tawo nga may asawa na kag may lain pa gid nga ginachatan.
Pero lain gid ya kumpara sa ginahambal sang iban.
Pirme ko siya upod, siya ang comfort ko.
Tapos subong, siya man ang naghatag sang pinak**asakit nga dapat ko i-endure.
Budlay gid ya, ka-IF.
Gaagi ako sini nga tanan nga ako lang isa.
Wala ko masugiran, indi ko man masugid sa iya.
Lalaki man ko. Indi ka basta-basta ka-amin feelings nga iban ang makabati kag mas judger ka pa.
Gusto ko ‘ya siya istoryahon, i-open ang tanan…
pero kabalo ko man nga delikado, sala, kag mahimo maguba ang trabaho, boarding house, kag tanan nga relasyon sa palibot namon.
Ano guid dapat ko himuon?
• Magpalayo gid ko kag i-cut tanan bisan sakit?
• Magpakatadlong kag indi na mag-entertain emotions?
• Or istoryahon ko siya para lang makaluwas ang akon ginabatyag, maski indi man ako expect sang bisan ano?
Mga ka-IF…
Buligi nio ko bi.
Indi ko kabalo kon diin ko ihambal ang tanan, kag diri lang guid ako may lakas mag-share.
Ano ma-advise nyo sa akon?

S. AGI sang PAVIA

Mga Ka-IF,
ano ma-advise ninyo sa iya?
Kon kamo ang ara sa iya sitwasyon — ano ang insakto nga himuon?
• Palayo gid kag putol tanan bisan bug-at kag masakit?
• I-straighten ang kaugalingon kag indi na mag-entertain sang emotions nga kabalo ta nga sala?
• Ubrahon ang closure, istorya lang para maluwas ang ginabatyag bisan wala ginahimo nga expectation?
Lisod gid ya kon ang comfort mo, amo man ang nakahatag sang pinak**asakit.
Pero kaisa, kinahanglan ta man pamatian ang mga tawo sa palibot naton — kamo ni, mga ka-IF.
Ano ang mas maayo buhaton niya?
Buligi ninyo siya. Hatagi ninyo siya advice, bisan simple lang — basi amo na ang magpalight sang iya dalan.

“Kaisa, ang tawo nga nagahatag sang comfort amo man gali ang maka-hurt sa imo pinakagrabe.
Pero indi tanan nga connection dapat palawigon, labi na kon may ginahurt ka nga lain kag may ginapiligro ka nga kaugalingon. “

May ara man kamo pareho sini nga agyan?
Indi ka mo kahuya — send your confession, anonymous ta ya diri.

Short Story #003:

“Almost Nadakpan, Pero Secret Gid ”

“Ginchat niya ko mga alas-11 sang gab-i,
‘B, may ara ko ihambal pero indi ko kabalo kon pwede ko ihambal personally.’
Syempre ako ya curious — abi ko breakup ni or confession sang love.
Pag-abot ko sa balay nila, gina nyerbos ako kay wala pa kabalo ini ang parents ya. .
Siling niya, ‘Wait lang ha, kuha lang ko snacks.’
Tapos nakabati ko sang steps sa stairs — daw indi man niya sound, daw lalaki gid. 😳
Nagkadto ko ya dayon sa likod sang kurtina, ginpahipos ko self ko abi basi boyfriend niya to nga lain.
Pero pag-abot sang mama niya, ara ko ya dira gapangurog.
Gin-mangkot niya ko — ‘ sin-o ka to?’
Wala ko kabalo kon mag-explain ko o mag-teleport.
Siling lang niya, ‘Ma, classmate ko ya, nag-group project kami.’
Alas-11 sang gab-i, nag-group project?
Maayo lang gani buot si tita, ginpakaon pa ko spaghetti.
Pagka-uli ko, gin-message ko siya,
‘Next time ya, kung gusto mo man magpa-kilig, indi ko lang ipauban sa spaghetti ni tita ah.’ 🤣
Karon, kada makakita ko spaghetti, daw nami ko magtagu liwat. 🍝😅

– Secret Guest from Guimbal

Confession #003

CR Horror: Ang Trainee nga Nagdalagan.

Hi, mga ka IF, may i-share ko nga istorya halin sa father ko. Taas position ni father sa isa ka hotel diri sa Iloilo City. Sang ga-train siya sang mga trainees, may isa ka LGBTQ nga trainee nga samtang naga-istorya si daddy, ga reklamo siya, tiyan niya kasakit. Nagdali-dali siya nga nag-excuse kay magsulod daw siya sa CR.
Wala pa gani naglabay ang pila ka minutos, nagdalagan na siya pakagwa sa CR—kag grabe gd iya nga sinngit kag ginakulba-an. Ang pants kag un**es niya, wala yapa ma sarado kag ara lang sa tuhod ya daw wala na gid niya na-notice sa kahadlok niya.
Ginpamangkot siya ni daddy kung ano natabo. Hambal niya, pag-sulod niya sa isa ka cubicle, nagdali-dali siya pungko kay grabe na gid ang kasakit sang iya tiyan. Pero pagpungko niya, ang nabatyagan niya indi trono sang CR… kundi lâp sang tawo. Malamig nga lâp sang tawo nga daw naga kung kong siya sa iban nga tawo. Daw nadula man palamus-unon ya kay makita mo sa tsura ya ang balhas nag daw butil ka bugas biskan ano kalamig sa hotel.
Pagbalikid niya sa likod, nakita niya ang babae nga tigulang, buhok nga puti nga daw nagalupad bisan wala hangin. Daw patay nga nabanhaw kag naga tulok lang sa imo , malâlim kag law-ay ang mga mata, kag maitom ang iya mga bibîg . Amo na nga bisan wala ya pa ang makay o ang shorts kag un**es, nagdalagan siya palayo kay indi niya maagwanta ang kahadlok.
Pagkatapos sang gab-i nga ina, nabal-an ni daddy nga ang tigulang nga babayi nga nakita sang trainee—didto man gali nangin-last breath sa amo gid nga cubicle. Gin-atake sa tagiposoon, kag indi na nakagwa sang CR.
Ako ni ang nagpadala sang istorya sang trainee . Tubtob subong, indi ko gid ma-imagine ang nabatyagan niya.Gusto ko man mabatian ang inyo pamatyagan, mga ka-IF…
Kun kamo ang matabo-an sina, ano himuon nyo?
Masugod kamo dalagan bisan wala pa makay-o ang pants?
Ukon ma-mental block lang mo kag indi kabalo ano himu-on?
Pasabti ko man ah, basi kamo pa ang may pareho man sini nga eksperyensya.

Ms. Cancer sang Mandurriao

Mga ka-IF,

Kun kamo ang trainee nga nakabatyag sang malamig nga lap sang tawo sa CR, kag pagbalikid may tigulang nga puti buhok kag itom bibîg nga naga tulok sa inyo…
Ano himuon nyo bala?
Dalagan kamo pareho niya?
Ukon magpabilin kag atubangon ang presensya?

“Kon may la-in nga presensya, indi gid ta magpabaya.
Kung may indi normal nga ginabatyagan sa lugar, mas maayo maghalong kag pangayo bulig rekta.”

May ara pa kamo da obra sang kabuhi pareho sini?
Indi magkahuya— padala nyo lang ang inyo confession, anonymous ta ya diri.

Short Story #002:

“Testing Lang Bala”

“Gin-message ko siya gamit lain nga account — gusto ko lang makita kung madala siya sa ‘Hi, gwapa ka ah 😘’.
After 5 minutes, nag-reply.
After 10 minutes, gin-send na niya number niya. 😭
Abi ko loyal siya, gali loyal lang siya kung ara ko sa tupad niya.
Subong, ako ya ang gasend ‘Hi, gwapa ka ah 😌’ sa iban naman. Fair game na ni, ya?” 😈

– Anonymous Tester from Villa💔