SiDi

Unti-unti, hindi ko na napansin na hindi na saya ang habol ko—habol ko na yung pakiramdam na mabawi ang talo.

Dumating ang panahon na hindi na sapat ang online sabong. Lumipat sa online gambling. Mas mabilis ang ikot. Mas mabilis ang panalo. Pero mas mabilis din ang pagkawala.

May mga araw na gigising akong iniisip ang odds. Matutulog akong iniisip kung paano babawiin bukas. Kapag natalo, dagdag puhunan. Kapag nanalo, hindi rin humihinto.

Hanggang sa dumating sa punto na hindi ko na mabilang kung magkano ang nailabas.

Halos 500k ang nawala.

At dahil sa kagustuhang bumawi, nagsimula ang sunod-sunod na utang. Isang OLA. Dalawa. Hanggang naging 10 OLA na bayarin.

Sa umpisa, iniisip ko: “Kapag nanalo ako isang beses, matatapos din lahat.” Pero hindi ganoon ang nangyari.

Mas lumaki ang obligasyon kaysa sa pagkakataong makabawi.

Dumating yung punto na hindi na pera ang nawawala—katahimikan, tulog, tiwala sa sarili, at mga araw na dati normal lang.

Walang nakakaalam ng buong kwento. Tahimik lang. Ngiti sa harap ng iba. Pero sa isip, paulit-ulit ang tanong:

Paano ako napunta dito?

Isang araw, tinigil ko ang paghahabol.

Hindi dahil nabayaran na lahat. Hindi dahil okay na agad.

Kundi dahil na-realize ko na habang pilit kong binabawi ang nawala, mas marami pang nawawala.

Ngayon, isa-isa. Hindi mabilis. Hindi madali. Pero mas totoo.

Hindi na para yumaman agad. Hindi na para makabawi agad.

Para makabalik.

At kung may isang bagay na gusto kong sabihin sa kahit sinong nasa parehong sitwasyon:

Minsan, ang pinakamalaking panalo ay hindi yung tumama ang taya.

Kundi yung araw na huminto ka sa paghabol.

Sana mawala na ang sugal sa buhay ko. Sana bumalik na ang pakiramdam na kapag gigising ako sa umaga, wala na akong iniisip na utang. Grabe na, para na akong nasa kumunoy. Habang pilit akong kumakawala, lalo lang akong lumulubog.

Sana hawakan ako ng Panginoon sa kamay para makaalis sa kumunoy ng sugal. Pilit ko nang binabago ang lahat. 🙏

Hi Sidi. I’m an avid reader sa page na ’to.

I’m a teacher pero lulong sa sugal 🥹.

It all started noong year 2023. Paunti-unti lang ang cash in ko, 100–200, then nanalo ako ng 11k ilang beses noong month ng December. Before, kaya ko pang kontrolin ang sarili ko. Kapag natatalo nang kaunti, stop na agad.

But recently lang, nanalo ako ng malaki kaya nakabili ako ng iPhone at nakapagpa-renovate ng house. Akala ko tuloy-tuloy na ang swerte.

Almost every day na akong nagca-cash in ng tig-2k hanggang 5k. In total, parang kasing halaga na rin ng napanalunan ko ang naipatalo ko. Nagka-utang-utang na ako kahit kanino, at nakapagsinungaling para lang may maipang-cash in.

Halos sumakit na ang ulo ko kakaisip sa mga perang napatalo ko. Wala akong masabihan kahit kanino—sa pamilya man o sa partner ko—dahil nahihiya ako.

Minsan, nagdadahilan na lang akong may sakit para makaliban sa klase kahit na ang totoo, parang nawalan na ako ng gana sa lahat ng bagay.

Gusto ko lang i-share lahat ng ito dahil wala akong masabihan.

Advice ko lang po, huwag n’yo na pong subukan ang sugal. Sa una lang po kayo papanalunin. Sa huli, lahat ng panalo n’yo babawiin din. Ang mas worst pa, uubusin nito ang lahat ng meron kayo. 🙏🥹

Hi, SIDI

Gusto ko lang i-share experience ko sa pagkalulong ko sa hayop na online gambling na yan. I am Carl, 23 yrs old, fresh graduate, pero halos baon na baon sa utang at ngayon hindi ko na alam pano pa ako makakabangon.

Nag start ito way back 2022 nang turuan ako ng ate ko paano maglaro sa gcash. Sobrang saya sa una dahil kahit libre lang na 20 pesos, lumalago ng halos 1k plus. Hanggang sa pinaranas ako ng panalo umaabot ng 1k at 2k hanggang sa naging 10k at hindi ko na namalayan, kinakain na pala ako ng sistema ng online gambling na yan.

Bilang isang matipid at hindi maluho na tao, sa isang iglap lahat ng ipon ko nawala, lubog na rin ako sa mga online loans na up until now, hindi pa rin nababayaran. Hindi ko na alam gagawin ko, halos ang kakarampot ko na sahod na imbes iipunin, ipangsusugal pa.

Ngayong araw lang, naipatalo ko ang 19,500 na panalo ko sana sa 2k na puhunan pero dahil sa greedy, imbes na i keep nalang, nilaro pa at ayun hindi naabutan ng dalawang oras, lahat ng panalo, talo.

Eto ako ngayon tulala hindi alam kung ano gagawin ultimo pamasahe ko at tiyaka pambayad ng apartment walang natira. Hindi ko alam ano gagawin ko ngayon naiiyak na ako sa sitwasyon ko. Gusto ko ng makawala sa sistemang ito. Umabot na sa point na gusto ko nalang magpakamatay, feeling ko wala ng halaga para mabuhay kung ganito lang naman mangyayari sa buhay ko. Wala akong ipon ngayon lahat ng savings ko zero balance. At ngayon hindi ko alam saan ako kukuha ng pang gastos para sa apartment, pamasahe, at food ko hanggang till sahod.

Sana ma ban na lahat ng online gambling sa Pinas kawawa tayong mga lulong sa online gambling na to. At sana matutunan ko na rin na maiwasan ang paglalaro. Pagod na ako, sobrang pagod na gusto ko nalang mamahinga. Hindi alam ng pamilya ko ang nagyayari sakin takot ako na malaman nila na ang akala nilang kapatid/anak na palaging masaya, lugmok na lugmok na pala at halos mawala na sa sariling isip niya.