School Emergency Response Unit-SERU

August 22,2023| SERU BRIGADA ESKWELA

Bilang paghahanda sa paparating na bagong taon ng ating pag aaral, muling nagkaisa ang ating mga miyembro ng School Emergency Response Unit-SERU sa pangunguna ng g**o tagapagpayo Sir Glendell M.Huerto upang tumulong na magbrigada sa ating paaralan. Ang simpleng paglalaan niyo ng oras sa isang aktibidad ay malaking bagay ukol sa ating kalusugan at kaligtasan ,hindi lang para sa ating sarili kundi sa mga kapwa natin mag aaral ,sa mga g**o at iba pang mga tao na bumubuo sa ating paaralan. Ang kalinisan ay palaging nagbibigay ng maayos na kalusugan maging sa atin man o kapaligiran.

Hunyo 07,2023| Ang ating mga kababaihan mula sa tatlong unit ay nagkaroon ng training ukol sa Methods/Techniques of Bandage, ito ay pinangunahan ng ating mga Senior Officers Trainors na nagmula sa Patient Handling And Casualty Transfer - PHCT Unit at ibang seniors sa ibang unit.

Inaanyayahan po namin ang inyong patuloy na pakikiisa upang matapos at mas maging maayos pa ang pagsasagawa natin ng bandaging. Hindi man tayo kumpleto ay hindi ito naging hadlang sa ating mga aktibidad.

Sa patuloy na pakikiisa ng ating mga bagong miyembro ng Junior Fire Marshal-JRFM unit mula sa iba't ibang baitang ay nakatapos tayo sa unang yugto ng ating training.

Hunyo 6, 2023| Sa pangunguna ng ating mga Senior Officers nagsagawa ang mga bagong miyembro ng Agility Test upang masubok ang kanilang pisikal na pangangatawan at kalakasan sa ibang mga aktibidad. Bilang isang organisasyon na tumutulong sa pagpapanatili ng kaligtasan ng ating paaralan, mahalaga na mismo tayo ay may katatagan ng katawan at handang sumailalim sa mga training.

Nakatuon din ang kaninang pagpupulong sa kahalagahan ng pagkakaroon ng fire extinguisher sa isang paaraalan. Dito rin nakapaloob ang pagtuturo ng iba't ibang klase ng fire extinguisher at pag iisa-isa ng mga parte nito. Bilang isang miyembro ng JRFM Unit mahalaga na mapag aralan kung paano gumamit ng fire extinguisher at kung paano ito hahawakan ng tama, para sa kaligtasan ng iba at sa mismong sarili natin. Ang pagiging handa ay isa sa mga paraan upang makaiwas tayo sa ano man sakuna na pwedeng mangyari at mapanatiling ligtas ang nakararami.

Noong ika - 22 ng Mayo ginanap ang kahulihang training ng mga bagong miyembrong pang umagang pasok ng Basic Life Support - BLS Unit. Ito'y patuloy na isinagawa upang paghandaan at palakasin ang pwersa ng kanilang samahan ukol sa magaganap na pagtuturo sa iba pang baitang. Sa pamumuno ng ating mga Senior Trainors sa BLS UNIT nagawa nilang tulungan at palawakin ang kaalaman ng bawat isa na makaraos sa training ng mga baguhang miyembro ukol sa Cardiopulmonary Resuscitation, Back Blows at Abdominal Thrusts. Hinihiling ko ang patuloy niyong pakikiisa sa mga susunod pa nating aktibidad at training na makakatulong sa inyo, sa ating mga estudyante at kaguruan mula sa Mataas na Paaralan ng Infanta.