LIFE RADIO Kabankalan 105.3 FM

LOOK | Pila ka mga kiosko preparado na para sa Charter Anniversary sa siyudad sang Kabankalan.

CAUAYAN PNP PADAYON NGA GINA-IMBESTIGAHAN ANG PAGLUTHANG SANG LIMA KA ARMADONG GRUPO SA ISA KA MANGUNGUMA

Padayon sa karon ang imbestigasyon sang mga kapulisan may kaangtanan sa pagpangluthang sang lima ka armado nga grupo sa isa ka mangunguma sa Purok 4, Sitio. Gut-ac, Barangay Abaca, banwa sang Cauayan.

‎Ginklala ang biktima kay Cyrus Tajedar, 29-anyos ang edad kag residente sang nasambit lugar. ‎

‎Sa interview kay PLt. Rygie Pigar, Deputy Chief of Police sang Cauayan Municipal Police Station, naggwa sa imbestigasyon nga antes natabo ang insidente una nga ginpadalungan sang mga suspek ang puluy-an sang biktima kag gintawag ini agod paggwaon. ‎

‎Dugang pa, gindala sang mga suspek si Cyrus kapin 50 metros ang distansya sa ila puluy-an kag didto na nga ginluthang ang biktima sang makalima ka beses. ‎

‎Igo sa nagkalain-lain nga bahin sang lawas ang biktima kag ginhingagaw dala sa ospital apang ini ang gin-deklarar nga dead on arrival samtang ang mga suspek naman ang nagpadulong sa wala nahibalu-an nga direksiyon. ‎
‎
Na-rekober naman sa lugar ang pito tanan ka basiyo sang M16 nga armas-luthang. ‎ Sa karon wala pa natumod ang motibo sang krimen.