Cabunga-an Elementary School

FYI!!!

Sa tanan nga mga ginikanan, mga PTA Officials, mga opisyales sang barangay Cabunga-an nga ginapangunahan ni Hon. Charlie C. Cantomayor Jr., mga maestra kag maestro sang Maliao Elementary School kag Lanagbangi Elementary School nga pagbulig kag pagsuporta sa amun buluthuan kag sa District TA Team especially sa amun District Supervisor Ma'am Liza Cala-or, hanggud gid ang amun pasalamat sa inyo para matigayon kami sa amun nga District kag Regional Validation. SALAMAT GID SA INYO TANAN!

Umpisa na sang klase sa September 13, 2021 para sa S. Y. 2021-2022

Pahanumdum para sa pinalangga namon nga mga ginikanan, para sa palaabuton nga pagbukas sang klase.

1. Ipreparar ang imo bata para sa nagahilapit nga pagbukas sang klase. Ihambal sa ila nga maumpisa na ang klase. Modyular nga pagtuon man gihapon kita. Indi pa pwede ang face to face.

2. Bisan indi face to face ang klase, kinahanglan regular sa gihapon ang pagbugtaw kag sa husto nga oras ang pagsabat sang modyuls. Sundon ang classhome program/ skedyul nga ginhatag sa inyo mga bata.

3. Ibutang sila sa isa ka lugar nga pwede sila magtuon kag magsabat sang ila modyul kag indi nga bisan diin diin lang. Dapat matinlo, mahipid, kag masanag nga lugar, may mga gamit (bolpen, papel kag iban pa) kag kun pwede may iya nga lamesa kag pulungkuan kung sa diin makabasa kag makatuon sang maayo.

4. Ibutang o ipapilit ang classhome program/skedyul sa lugar nga madali makita para magiyahan ang bata kag ginikanan. Kinahanglan may recess man o break time ang mga bata.

5. Sa pagsabat sang modyul, itugyan sa mga bata ang pagsabat sini. INDI PWEDE nga si Mommy, Daddy, mama, papa, manong, manang o ang ginabayaran nga tutor ang masabat sa modyul. Importante ini para bisan paano may mahibaluan ang inyo bata.

TANDAAN: mahibaluan sang titser ang ubra sang mga bata. Ara lang kamo nga ginikanan nga maga giya sa ila.

6. Ubrahon/Sabtan ang modyul kag mga activity sheets sa gintalana nga adlaw para indi magdamo kag matambakan sang ulubrahon.

7. Mag pa add sa titser adviser sang imo bata sa group chat sa messenger para updated ka sa skedyul kag mga aktibidad sa eskwelahan.

8. Ang mga sala nga nahimo sang nagligad nga tuig indi na pagsuliton.

TANDAAN: Ang mga ginikanan ang kaupod kag katuwang sang eskwelahan para sa pagtuon sang kabataan.

Ara sa pagbinuligay ang pag-uswag sang mga kabataan.

Balay Eskwelahan: Wala sang ginikanan kag mga kabataan nga mapabayaan.

Para sa Bata, Para sa Pungsod.

CTTO...